【鬼節禁忌】農曆七月10大居家禁忌!附上台灣網民10個爆笑禁忌解讀~

【鬼節禁忌】農曆七月10大居家禁忌!附上台灣網民10個爆笑禁忌解讀~

生活熱話
By Stephanie on 05 Aug 2022
Digital Content Writer

每年嘅農曆七月都被外界稱為「鬼節」,而農曆七月十四更加係俗稱「鬼門開」嘅日子,大家就記住要早啲返屋企喇!而長輩們都會成日提醒大家呢個月內要小心行事,以免惹上不必要嘅麻煩,以下為大家介紹10大傳統居家禁忌

農曆七月已經到喇!相信大家自細都聽過唔少傳統禁忌,為大家搜集10個居家禁忌!Photo from 《咒》

相信大家經常會聽到長輩們喺農曆七月時,叮囑大家要早啲返屋企。但其實農曆七月都有唔少居家風水禁忌㗎,以下為大家整理咗10項:

1.不要開土動土

相傳喺農曆七月動土好容易驚動到「朋友仔」,真係需要動工就切記等到農曆八月先開始喇!若果本身喺農曆七月前已經開始動工,就可以繼續施工~

農曆七月期間不適應動工,但如果喺農曆7月前已經開始施工就可以繼續Photo from 《做工的人》劇照

2.不要入宅

盡量避免為屋企添置大型家具或者電器,一唔小心好容易令「朋友仔」跟隨埋返屋企。但若果只係添置日常小物就冇問題~

唔適宜添置大型嘅家具或電器Photo from 《陪你一起長大》

3.不要買樓

外界一直都話「農曆七月買樓會導致運氣大減」,就算真係要搬屋都必須要喺日天黑前完成,或者特地尋找吉日!不過唔少網民就指「鬼月」嘅房價大多比較便宜,如果大家係「百無禁忌」嘅話可能會尋覓到好嘅住所。

農曆七月期間唔適宜搬屋,如果真係要搬就要選好日子,並且喺日頭完成!Photo from 《我的家政夫渚先生》

4.屋內切勿掛燈籠/風鈴

相傳寺廟都會喺普渡當日掛上燈籠,方便指引「朋友仔」們聚集,並享用為佢哋準備嘅祭品,尤其係白色燈籠就更加唔可以擺!由於風鈴掛上後好容易發出清脆嘅聲音,好有可能會令「朋友仔」誤會係呼喚緊佢哋!

屋內亦不宜掛上燈籠或者風鈴!Photo from 《孤獨的美食家》

5. 避免令屋內環境陰暗/潮濕

盛傳「朋友仔」都比較鍾意陰暗嘅地方,而長期關閉窗戶仲會令屋內環境潮濕,以上種種環境都好易吸引到「朋友仔」㗎!

盡量避免令房間太陰暗或者潮濕,避免吸引「朋友仔」!Photo from 《他人即地獄》

6. 室內裝修不宜太陰暗

比較深沉嘅顏色,如黑色、灰色等會好易聚集陰沈嘅氣息,適宜喺房間內擺放顏色鮮豔嘅家具,藉此為自己帶來正能量~

如果房間內設計太過暗沉都有所影響Photo from 《sweet home》

7. 不適應有拱門拱窗 

由於拱門及拱窗嘅形狀與墓碑有啲相似,比較容易招來陰氣。若果屋企內真係有相似嘅設計,就可以盡量將上方彎曲嘅地方遮蔽。

拱門/拱窗設計同墓碑嘅外型太相似,所以若果真係有那類型嘅設計就盡量搵東西遮蓋上方圓拱形位置Photo from Pinterest

8.屋內植物太多

若果屋內嘅植物太過茂盛就會令「朋友仔」聚集,建議大家喺農曆七月前修建以下屋內嘅樹木,亦可以用紅色布條或繩子為住樹幹繞一圈,將陰氣轉為陽氣!

屋內植物太茂盛都會引來「朋友仔」Photo from 《孤獨又燦爛的鬼神》

9. 公仔太多

想化解毛公仔太多嘅問題,就要將紅色紙剪成十蚊銀幣嘅大小,再張貼喺公仔嘅底下或者腳板底就可以~

太多公仔就可以將貨色紙剪好後,貼於公仔嘅腳底或者底下Photo from 《請輸入檢索詞WWW》

10. 鞋頭不可以對床

夜晚瞓覺嘅時候,記住要將拖鞋嘅鞋頭背對張床,咁就可以避免「朋友仔」著咗你對鞋喇!

瞓覺時候記住拖鞋鞋頭唔可以對住張床!Photo from 《K2》

台灣網民爆笑分享破解禁忌方法!

雖然以上嘅都只係傳統禁忌,相唔相信農曆七月嘅各種禁忌就視乎每個人嘅諗法~最近台灣FB專頁「名人沒有說過語錄」分享咗10大破解農曆七月禁忌嘅方法,成功引起熱議!

禁忌1:唔好喺半夜曬衫

冇陽光,衣服好難乾

禁忌2:唔好喺室內開遮

室內根本冇雨,攞遮好似傻仔~

禁忌3:唔好喺人哋背後叫全名

因為真係好冇禮貌

禁忌4:唔好半夜吹口哨

會吵到人哋瞓覺,第二日仲要返工/返學㗎!

禁忌5:唔好偷偷食祭品

上面好多灰,食咗會肚痛

近日有台灣網民分享10個破解農曆七月禁忌嘅方法!Photo from 《頭七》

禁忌6:唔好半夜喺戶外影相

冇自然光影相唔靚啊~

禁忌7:唔好半夜剪指甲

第二日仲要返工/返學就早啲瞓先

禁忌8:唔好攞地下嘅利是

多數裡面都冇錢,只係其他人隨手扔掉

禁忌9:唔好半夜一個人企喺路邊

夜媽媽嚇親人之餘,夏天仲會有好多蚊!

禁忌10:唔好相信傳統7月禁忌

會令大家變得好驚清!

唔少網民睇完之後都表示恍然大悟,認為樓主講得好有道理「看完半夜去廁所都頓時覺得不可怕」、「原來是這樣」等,希望大家都平平安安渡過~

當中每個嘅解讀都好搞笑額,而且頗有說服力~Photo from 《返校》劇照

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【鬼節禁忌】農曆七月15大不能做的事!拍膊頭減弱陽氣+不亂回頭+搭電梯不照鏡!

16 Aug , 2021

鬼節禁忌逐個睇!農曆七月盂蘭節 相傳鬼門關大開,尤其七月十四(8月21日)就快到,陰氣最重,無事就早啲返屋企啦!話説鬼節切記盡量小心行事説話,以免不小心冒犯招惹靈體!以下15件鬼節不能做的事,信不信由你~

·不亂回頭

如果在街上聽到疑似有人叫你,或在後面直呼你的全名時,千萬不要立即回頭。尤其是人烟稀少或荒郊野外的地方,因為呼叫你的分分鐘不是人類!

有人叫你的名字都不要立即回頭。Photo from 電影《迷離夜》劇照

·路不拾遺

鬼節期間,不少人都有燒街衣,即祭品、紙錢供奉游魂野鬼、求家宅平安的習俗,如果在街上見到一些祭品、紙幣或硬幣,千萬不要起貪念,據為己有~因為它很可能是屬於靈體,若將其拿走,靈體會跟隨著你,以討回這些祭品。雨傘亦是靈體最喜歡多藏的地方之一,所以記著不要帶走不屬於自己的東西…

不要亂拿燒街衣的祭品、紙幣或硬幣。Photo from 電影《盂蘭神功》劇照

不要亂拿燒街衣的祭品、紙幣或硬幣。Photo from 電影《見鬼10》劇照

·夜晚不晾衫

如果是上班族或一天都很忙碌,只能晚上才可洗衫晾衫,在鬼節期間最好盡量避免。因為與之前所提及的雨傘一樣,「濕噠噠」的衣服同樣是靈體喜歡棲身的地方之一。如果將衣物收回房間,很可能會順便將靈體帶回家。

鬼節期間盡量在白天洗衫夜晚晾衫。Photo from 微電影《淑貞》截圖

·不亂拍膊頭

俗語話「人有三把火」,頭頂一把,左右膊頭各一把。相傳此三把火是人的精氣神所在之位,只要三把火穩定,大部分靈體就不敢接近。因此,若其中一把火被拍熄,陽氣就會減弱,靈體就可能有機會接近。

不亂拍膊頭,以免陽氣減弱。Photo from 電影《蝙蝠侠對超人:正義曙光》劇照

·夜晚不剃毛

有傳人的毛髮代表「精氣神」,同拍膊頭的説法一樣,如果在鬼節期間的晚上,剃毛可能會損害自身的「精氣神」,讓陰氣重的靈體容易接近。

鬼節期間不要夜晚剃毛。Photo from 電影《危城》截圖

·夜晚搭電梯不照鏡

很多鬼片都有鏡子照到靈體的畫面,加上有傳電梯是通往陰曹地府的通道之一,所以晚上盡量避免在電梯內照鏡。如果電梯內有鏡子,切記盡量避免注視,分散自己的注意力,以免睇到不想見的「東西」。

夜晚搭電梯時不要照鏡子。Photo from 電影《青魇》截圖

·浴缸不儲水過夜

屋企有浴缸的人請注意!據説水面和鏡子是一樣的説法,容易照到靈體,所以浴缸最好不要儲水過夜,浸浴後記得立即將水放走。

屋企的浴缸不要儲水至隔天!Photo from 《紅衣女孩》MV

·夜晚不影相

大部分現代人都喜歡影相或自拍,但在鬼節期間的晚上,最好盡量避免做這件事,否則張相分分鐘「多咗個人」,嚇暈自己!

夜晚千萬不要影相片或自拍~Photo from 《龍婆》劇照

·不穿黑/紅色衣服

不論暗沉的黑色或鮮艷的紅色,都特別容易招惹靈體,讓其依附,所以在鬼節期間最好不要穿著全黑或全紅的衣服。

鬼節期間盡量不要穿著黑色或紅色的衣服。Photo from 《紅衣女孩》MV

·筷子不插飯碗

千萬不要將筷子插在飯碗中央!有傳這樣與香爐插香相似,很容易招惹靈體過來「開餐」!

食飯時不要將筷子插在飯碗中間!Photo from 電影《盂蘭神功》劇照

食飯時不要將筷子插在飯碗中間!Photo from 電影《盂蘭神功》截圖

·不要掛鈴

鈴聲是會吸引靈體,切記特別是晚上外出時,盡量不要佩戴過多的飾物,尤其是一些會發出鈴聲的手鏈、脚鏈或鎖匙扣等。另外,風鈴亦同樣會吸引靈體,需盡量避免。

不要佩戴會發出鈴聲的飾物或掛風鈴。Photo from 電影《童童的風鈴密室》劇照

·夜晚不吹口哨

有傳吹口哨時的音頻能與靈體搭上,容易招來「它們」,尤其鬼節期間夜晚是一天中最陰最邪的時刻,所以千萬不要亂吹口哨,以免不小心招惹靈體~

夜晚不要亂吹口哨。Photo from 電影《奇謀妙計五福星》截圖

·不靠墻行或站立

傳聞靈體最喜歡站在墻邊,尤其是人少、陰暗的橫街窄巷或濕氣重的地方,所以在鬼節期間避免靠墻行,以免不小心撞到「它們」!

不要靠墻行或站立,以免不小心撞到靈體!Photo from 電影《盂蘭神功》截圖

·不坐尾班港鐵

由於深夜時陰氣邪氣極重,有傳港鐵的尾班車都是用來載靈體,並非載人!如果不小心要搭尾班車,切記不要坐車尾,可能一不小心坐到「它們」!鬼節期間都是早點返屋企~

不要坐港鐵尾班車...Photo from 電影《幽靈人間》劇照

·夜晚不游泳

鬼節期間盡量避免去海邊,尤其是夜晚去游泳。相傳如果八字不夠重,可能會遭到傳説中的「水鬼」找替身來投胎!

鬼節期間不要夜晚去游泳!Photo from 電影《童童的風鈴密室》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel