時空旅人爆5大預言! 男子復活揭死後世界/古代文明重現

時空旅人爆5大預言! 男子復活揭死後世界/古代文明重現

美食推介
By Moon Lam on 04 Aug 2022
Digital Content Writer

除左印度神童之外原來仲有好多有關宇宙、未來等預言,今次就有自稱時空旅人係網上預言,世界係未來5個日子會有重大事件發生,最近嘅日子就係8月5號,即係聽日!

《Sisyphus:the myth》劇照Photo from 《Sisyphus:the myth》劇照

抖音(TikTok)用戶@timevoyaging自稱係「時空旅人」,來自2906年,佢曾經就未來提出唔同諭示,例如太陽能量場對人類嘅影響、全新物種嘅發現等等,更要大家留意5個日子,預言會有重大事件發生,最近嘅日子就係預言聽日8月5日,人類會有機會可以「窺探死後嘅世界」!

d5137752

根據外媒報導,抖音用戶@timevoyaging表示8月5日會發生一件離奇事件,佢指出聽日會有一名患心臟病、離世3日嘅男人突然從死亡狀態復活,而呢位男子會同世人講佢係死後世界所見到嘅一切。該名男子嘅身體因長時間被冷凍,需要時間恢復機能,不過就會講佢係離世後嘅世界嘅親身經歷!代表人類有機會了解到底係咪真係有「來世」!

《Alice》劇照Photo from 《Alice》劇照

除左2022年8月5日,佢亦都預言其他4個日子,2022年10月30日,一個神祕物體會降落係51區附近,而裡面會有外星物種!51區係美國內華達洲南部一個區域,好多人都認為佢同不明飛行物有關!而今年嘅預言仲有11月14日,會有一個人因為太陽嘅能量而獲得超能力!

《ET》劇照Photo from 《ET》劇照

而有關明年嘅預言就竟然指4月21號英女王伊莉莎白二世會係93歲生日當日因病離世,同埋7月1日,傳說中嘅古代文明之都亞特蘭提斯會重現,好多歷史學家都認為呢個地方只係神話,當然都有唔少考古學家同歷史學家都希望搵到佢嘅真蹟!

《水行俠》正正就係基於亞特蘭提斯而衍生嘅作品Photo from 《水行俠》劇照

對於呢位時空旅人嘅講法雖然未有證據證實真假,網民都對時空旅人嘅爆料抱持觀望態度,佢地每一個都堅稱自己係「真正嘅時空旅人」,不過網民就覺得佢地多數只係想藉「預言」炒作而獲得知名度,不過都無礙人類對未解之謎嘅好奇心呀~

即睇時空旅人預言全文:

抖音 @timevoyagingPhoto from 抖音 @timevoyaging

抖音 @timevoyagingPhoto from 抖音 @timevoyaging

抖音 @timevoyagingPhoto from 抖音 @timevoyaging

抖音 @timevoyagingPhoto from 抖音 @timevoyaging

抖音 @timevoyagingPhoto from 抖音 @timevoyaging

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

時空旅人大爆「平行時空」確實存在?!將會發現新星球!人類將面臨危機?

廣告
廣告

29 Jul 2022

外界一直都盛傳唔少天馬行空嘅傳聞,其中大部分都圍繞住我哋嘅生活,包括:時空旅人、外星人等,未解之謎超多~最近,有「時空旅人」表示2023年將會出現平行世界,並發現全新星球「Azawz」?!事實上該星球其實一直都存在,而關於星球上嘅生物亦擁有各種傳聞!

近日網上流傳有關「平行時空」嘅傳聞,更有時空旅人大爆係真實存在?!Photo from 《寧靜海》

世界「未解之謎」傳聞超多~

關於世界嘅傳聞一直都多不勝數,包括:時空旅人、平行世界、外太空等,呢類型嘅傳聞仲經常成為劇集或者電影嘅題材,令唔少網民都覺得真係「難分真與假」~當中最近大熱嘅話題一定係「平行世界」,事關Netflix人氣美劇《怪奇物語》系列、MARVEL電影等就加入咗以上因素,都成功爆紅引起熱話!

世界不解之謎一直都係唔少人感興趣嘅話題~Photo from TVB

當中最近熱爆嘅Netflix原創劇《Stranger Things》系列加入咗有關「平行時空」等元素Photo from 《怪奇物語4》

大爆2023年將發現平行世界有新星球!

根據外媒報導,時空旅人表示喺2023年人類將會發現一個新星球,揚言喺平行世界嘅宇宙中存在一個名為「Azawz」嘅星球!而該星球上卻居住與人類唔同嘅「生物」,而佢哋甚至對人類帶有敵意。

有時空旅人大爆下年將會發現新星球?!Photo from 《寧靜海》

揚言新星球「生物」有陰謀?!

盛傳「Azawz」星球其實一直都存在「只係隱藏於地球內部嘅失落帝國」,但隨住時間嘅推移先被發現。而時空旅人仲話等到呢個星球出現後,人類會知道Azawz嘅「生物」背後掌控好多嘢,仲有指「911事件」策劃者就係佢哋?!

然而,時空旅人表示該星球上嘅「生物」心懷不軌?!Photo from 《淒厲人僧》

網民反應兩極

然而,外界對時空旅人嘅爆料抱持半信半疑嘅態度。唔少網民都相信宇宙萬物尚有好多人類尚未發掘到嘅事實,認為「平行世界」、「新星球」等的確有可能存在;但亦有網民覺得「時空旅人」只係利用那類型嘅話題作為炒作,吸引大眾關注。世界咁大,係咪真係有「平行世界」就真係各有睇法喇~

部份網民覺得「平行時空」、「外星人」等可能真實存在!Photo from 《ET》

有網民就覺得那類型嘅「預言」都只係為咗炒作Photo from 《校對女王》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel