陳百祥阿叻宣佈不再參與演藝工作!未來將會轉行到大灣區發展?與曾志偉疑似友誼生變惹熱議

陳百祥阿叻宣佈不再參與演藝工作!未來將會轉行到大灣區發展?與曾志偉疑似友誼生變惹熱議

娛樂新聞
By Stephanie on 05 Aug 2022
Digital Content Writer

資深藝人陳百祥(阿叻)昨日(4日)參加大台全新節目《答得快好世界》錄影時,突然自爆今次將會係佢最後一次主持節目,未來唔會再參與主持電視、電影等演藝節目;而佢就表示打算轉行做生意?!叻哥呢番「退出宣言」一出即刻引起網民熱議!

72歲叻哥受訪時突然表示未來唔會再參與演藝工作?!Photo from 《以時相聚》

72歲阿叻入行至今逾40年

72歲陳百祥(阿叻)喺中學時期就已經熱愛唱歌,喺1978年加入無綫正式入行。其後佢有份出演多部經典電影《唐伯虎點秋香》、《精裝追女仔》系列等,成功塑造搞笑形象。後期,佢主要負責擔任節目及公益節目主持,奠定喺大台主持人「一哥」位置!

陳百祥曾出演唔少經典電影,當中有部份係搞笑電影~Photo from 《唐伯虎點秋香》

其後叻哥有份擔任唔同節目主持,仲會主持慈善騷Photo from 《白金巨星耀保良》

將以嘉賓主持身份亮相《答得快好世界》

最近,大台正考慮將經典綜藝節目重新拍攝,其中《超級無敵獎門人》現時已經熱播中,而阿叻亦獲邀再度主持遊戲節目!佢現時獲邀出演《答得快好世界》,該節目由張秀文及鄭衍峰主持;而佢今次係以《全港智叻星》嘉賓主持登場;節目形式同1995年播出嘅《運財智叻星》相似,但由於該節目名稱涉及版權問題,所以未能重用返。

叻哥最近將會以嘉賓主持出演《答得快好世界》Photo from 《娛樂三兄弟》

《答得快好世界》將會由張秀文同鄭衍峰主持Photo from 娛樂新聞台

與經典節目《運財智叻星》相似!

當年《運財智叻星》係由日本電視台所引進嘅遊戲節目,邀請唔少藝人出演節目玩遊戲贏獎金,其中節目因為獲得汽油商贊助,而經常以送「十噸汽油」作為宣傳~而昨日(4日)媒體再次訪問叻哥時,佢都忍唔住講起過往嘅「威水史」指當年節目收視率平均達30幾點,最高仲有40點,紀錄依然維持到宜家!

1995年開播嘅遊戲節目《運財智叻星》係從日本電視台引進嘅,邀請咗好多藝人參加Photo from 《運財智叻星》

當年節目收視成績好好,據悉直到宜家都未有節目打破到紀錄!Photo from 《運財智叻星》

自爆將會退出主持界,不再參與演藝工作!

其後,阿叻突然提及今次將會係佢最後一次主持節目,未來亦唔會再參與主持、電視、電影等演藝工作!但當媒體詢問係咪打算息影時,佢又表示若果有人邀請都會以嘉賓身份亮相,似乎都有啲唔捨得演藝圈。而佢透露本月20日嘅慈善騷將會係佢最後一次於無綫演出,到時佢將會大展歌喉~

昨日(4日)叻哥受訪突然表示今次將會係佢最後一次擔任主持工作!Photo from 《今晚睇李》

透露想轉行,有機會於大灣區創業

不過,阿叻就表示自己想轉行,嘗試更多嘅唔同嘅工作,認為自己適合「靠腦搵食嘅工作」。佢亦唔排除會到大灣區創業,可能等事業穩定再仿效石天喺退休後開老人院!其後熱愛音樂嘅佢又話可能將來會唱返歌,並表示好多年前排舞蹈師曾稱讚佢「跳得好過郭富城」,令佢到宜家都依然銘記於心。

透露未來有機會去大灣區創業或者開老人院Photo from 《以時相聚》

過往曾多次與曾志偉合作

過往阿叻同曾志偉曾多次於節目中合作,而佢亦係《獎門人》嘅「常客」,二人交情匪淺。但2018年,阿叻曾經暗寸曾志偉去ViuTV講波,並強調自己係「大台親生仔」,疑似影射對方過隔離台亮相。

叻哥與曾志偉本身都係好朋友Photo from 《最佳拍檔》

2018年曾志偉曾經去ViuTV講足球,據悉叻哥因此感到不滿?!Photo from 《Good Night Show 全民睇波派對》

但二人感情疑似生變?

早前,曾志偉有份投資嘅內地公司資金鏈出現問題,有指佢亦受到波及,唔少內地用家更加去公司門口要求還錢。而阿叻早前受訪時亦被問到有冇關心好友嘅近況,但佢就話同對方冇交情,仲指對方係高層、而佢只係小藝人,疑似想同對方劃清界線,令外界不禁猜測莫非二人嘅友誼真係生變?!

早前曾志偉被爆有份投資嘅內地公司面臨資金問題,因此受到影響Photo from 《開心無敵獎門人》

最近叻哥卻以「同對方冇交情」回應傳媒,令唔少網民猜測二人感情疏離?!Photo from 《娛樂三兄弟》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

阿叻疑似著淘寶貨上節目! 網民列出2大證據 力證並非正版

20 Oct , 2021

陳百祥(阿叻)一向都以鍾意認叻而為人熟悉!最近,佢就上TVB節目《思家大戰》同一班藝人大玩問答遊戲,不過就被眼利嘅網民們發現佢身穿嘅意大利名牌外套疑似係「A貨」?!而網民們仲非常厲害咁開始玩「找不同」遊戲,逐一將破綻位指出,十分搞笑!

網民發現阿叻上節目所穿嘅外套好似係「A貨」?!Photo from 《思家大戰》

# 阿叻已經入行40幾年!

陳百祥(阿叻)入行至今已經43年,曾經出演多部電視劇以及主持多個節目,由於初期形像定位為鍾意認叻,因此大家都稱呼佢為「叻哥」!不過近幾年,佢嘅工作量已經大大減少,睇嚟已經開始過緊半退休嘅生活喇~

陳百祥入行多年,曾出演多部經典電影!Photo from 《精裝追女仔》

不過近年阿叻已經比較少於螢光幕前曝光!Photo from TVB

# 網民發現疑似穿著A貨上節目?!

最近,叻哥出演由李思捷主持嘅TVB節目《思家大戰》,連同其他藝人一齊玩問答獎金遊戲。不過,就有眼利嘅網民發現叻哥上節目所穿嘅外套疑似係「A貨」,引起網民們嘅熱議!

叻哥最近亮相TVB節目《思家大戰》!Photo from 《思家大戰》

叻哥連同其他藝人一齊挑戰問答遊戲!Photo from 《思家大戰》

# 官網同淘寶嘅價錢差天共地!

網民指叻哥所穿著嘅外套應該係意大利名牌PHILIPP PLEIN同LOONEY TUNES聯乘嘅產品 「WOOL BOMBER LEATHER SLEEVES」,售價大約係港幣$43,000,外套上嘅公仔仲釀滿鑽石,非常豪華!有網民隨即喺淘寶網搵到同類型嘅外套,而售價只係大約人民幣$728,仲有折扣只需要人民幣6百蚊就買到,價錢上嘅落差十分大!

意大利品牌PHILIPP PLEIN官網上顯示外套嘅售價大約係$4,3705!Photo from PHILIPP PLEIN官網

有網民居然於淘寶發現款式相似嘅外套,而售價只係大約700幾人民幣!Photo from 淘寶

# 網民列出2大證據!

網民們就指出叻哥身上外套嘅2大破綻位,認為佢嘅外套應該唔係正貨,而係淘寶貨?!首先,網民指出叻哥右邊身口嘅Tweety 翠兒(黃色嗰隻)嘅雙腿顏色異常鮮豔,與淘寶售賣嘅十分相似,但就同正版嘅橙黃色有啲分別;另外,翠兒頭上嘅幾條頭髮加上咗白色邊邊,然而正版嘅外套並冇圍上白色線!

眼利嘅網民就列出咗叻哥身上嘅外套同正版嘅分別!Photo from 《思家大戰》

其中叻哥外套嘅2大明顯破綻位,都係卡通翠兒身上發現!Photo from 《思家大戰》

除咗呢2個比較明顯嘅證據之外,網民們仲指出咗好多「疑點」,包括:右邊衫袖位置嘅公仔似乎有啲唔同等!睇返官網,而家網頁顯示呢款外套只係得1個款式,雖然亦有售賣同卡通系列嘅「棒球外套」,但嗰件外套嘅顏色係白色,同叻哥所穿嘅完全唔同!

網民仲指出多個唔同之處,令外套嘅真實來源更加成謎!Photo from HolidaySmart

官網亦有差唔多款式嘅棒球外套售賣,不過好明顯同叻哥嘅更加唔同!Photo from PHILIPP PLEIN官網

# 網民:好明顯同正版唔同!

以上嘅種種不同,都不禁令網民覺得叻哥身上所穿著嘅有可能就係「淘寶貨」喇!有網民就講笑咁話「睇嚟好快就會有陳百祥同款出現喺淘寶喇!」、「賺咁多都要買淘寶!」等,唔知叻哥所穿嘅究竟係咪特別版本呢?!

唔少網民都推測阿叻身上嘅應該就係淘寶購買嘅外套喇!Photo from 《思家大戰》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel