馬國明被陳敏之大讚好孝順!將服裝、收入全部都歸媽咪管理?曾揚言婚後要與父母同住

馬國明被陳敏之大讚好孝順!將服裝、收入全部都歸媽咪管理?曾揚言婚後要與父母同住

娛樂新聞
By Stephanie on 15 Aug 2022
Digital Content Writer

陳敏之YouTube頻道節目《Chi Chat》最新一集邀請咗馬國明(馬明)做嘉賓,認識咗好多年嘅佢哋互相分享見到對方嘅第一印象。而陳敏之仲大爆馬明性格離奇地孝順,喺對話之中經常提及「媽咪」,仲會將賺到嘅錢都俾晒媽咪?!

陳敏之嘅YouTube頻道節目《Chi Chat》邀請咗馬國明做嘉賓!Photo from 陳敏之YouTube

二人因拍攝《下一站彩虹》而變熟

被大眾稱為「絕世筍盤」嘅馬明獲邀上陳敏之嘅YouTube頻道節目,而佢坦承其實好驚做訪問,因為佢本身唔太識得搞氣氛。而佢同陳敏之因為拍攝電視劇《下一站彩虹》而變得熟絡,該劇集於2000年播放,二人相識至今已經逾20年!

2000年,二人一齊拍攝劇集《下一站彩虹》,喺劇中飾演情侶。Photo from 陳敏之YouTube

馬明覺得陳敏之似男人?

二人談及對彼此嘅第一印象,馬明直接以「一個男人」形容陳敏之,認為佢性格豪爽直率,而且食量比男生更加大「喺TVB裡面第一個可以食2份宵夜嘅女仔」,令其他男藝人都大吃一驚。

馬明率先透露對陳敏之嘅第一印象,認為佢性格直率似男仔~Photo from 陳敏之YouTube

而陳敏之嘅大食量亦成功令佢感到震驚Photo from 陳敏之YouTube

陳敏之指馬明極孝順!

陳敏之就覺得馬明超孝順,記得佢曾表示將所有賺到嘅錢都俾晒媽咪,就連銀行戶口都係同媽咪聯名一齊開嘅!而佢就話當時馬明經常都會將「媽咪」呢兩個字掛喺嘴邊,例如「媽咪買衫俾我」、「媽咪買嘅袋」等,而二人之間亦因此發生一個小插曲。

陳敏之就覺得馬明超孝順!Photo from 陳敏之YouTube

佢記得馬明當時會將賺到嘅所有錢俾媽咪,而佢現時依然同媽咪使用緊同一個聯名戶口?!Photo from 陳敏之YouTube

仲話馬明當時講咩都係關於「媽咪」Photo from 陳敏之YouTube

馬明身上嘅服裝大多由媽媽幫手購買?!

有一次,馬明將印有烏龜圖案嘅散錢包攞出嚟,在旁嘅陳敏之就超大反應「點解會用烏龜錢包㗎!」;而馬明就非常認真咁回應「係我媽咪送俾我㗎」,令佢立刻向馬明道歉。當被問到點解會選擇用呢個錢包時,馬明只係話「佢(媽咪)俾我用,我未用囉!」

有一次,馬明攞住印有烏龜圖案嘅散錢包Photo from 陳敏之YouTube

但陳敏之當時就超大反應!Photo from 陳敏之YouTube

而馬明就解釋係怕麻煩,覺得有得用就可以了~Photo from 陳敏之YouTube

曾揚言婚後都要與父母同住

過往馬明其實喺受訪時講過一切以父母為優先,結婚後都必須要同父母一齊住,搵女友嘅首要條件係能夠同家人和睦相處,相信女友湯洛雯都同樣係顧家嘅人喇~雖然馬明花咗唔少時間拍戲,但一有空閒時間就會陪媽咪行街,仲曾經被傳媒拍到同媽咪繑手甜蜜行街,絕對唔會因為工作而冷落家人㗎!

馬國明曾表示另一半一定同家人和睦相處到!Photo from 湯洛雯IG

而佢亦經常抽空陪伴家人Photo from 馬國明IG

對自己節儉,但對其他人大方!

陳敏之仲大讚馬明好節儉,但對其他人又非常大方,經常都會送禮俾朋友或者請人食飯,所以圈內人緣非常廣!而馬明就話第一個熟悉嘅女藝人係陳敏之,之後再同譚小環、唐詩詠等女藝人變熟。

陳敏之大讚馬明節儉,但對其他人就好大方,會願意送昂貴禮物俾朋友!Photo from 陳敏之YouTube

而馬明熟悉嘅女藝人就有陳敏之、譚小環、唐詩詠等Photo from 陳敏之YouTube

直言不太在意網民們評論!

出道逾20年嘅馬明表示自己唔太理會網民們對佢嘅評價,即時網民給予批評都唔會影響到佢!而陳敏之翻查對方過往嘅訪問再詢問佢「上網係咪依然只係為咗3樣嘢?」,而馬明就笑而不語。

馬明表示自己不受網民嘅評論所影響Photo from 陳敏之YouTube

而陳敏之就搵到馬明過往嘅訪問,詢問對方宜家上網多數嘅目的係咩~Photo from 陳敏之YouTube

開IG及微博帳號全因公司要求!

陳敏之直言知道馬明「係一個石器時代嘅人」,大爆過往曾經為咗幫對方開啟手機漫遊服務而動用整整一個鐘頭嘅時間,而佢揚言當時擔心「一陣你媽咪搵唔到你,點算好?!」而馬明亦唔太鍾意經營社交媒體,而開設IG及微博帳號全因公司要求「都拖左兩三年先開!」

陳敏之表示曾為咗幫馬明開手機漫遊,用咗成個鐘,連馬明都表示佩服佢嘅堅持!Photo from 陳敏之YouTube

馬明表示IG帳號同微博都係公司要求先肯開!Photo from 陳敏之YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

馬國明初入行曾被前輩破口大鬧!從跑龍套到視帝,一文回顧23年演藝生涯

11 Aug , 2022

現年48歲嘅馬國明日前與老師羅冠蘭為藝員訓練班分享其演戲心得,期間馬國明大爆自己入行初期曾被一位前輩演員大鬧。其實馬明出就逾20年,由低做起,默默耕耘終於做到視帝,回顧佢出道23年演藝生涯。

現年48歲嘅馬國明日前與老師羅冠蘭為藝員訓練班分享其演戲心得Photo from 娛樂新聞台

馬國明出席藝員訓練班分享演戲心得

藝員訓練班開班邀請咗羅冠蘭擔任講師授課,更有視帝馬國明分享演藝之路。馬國明指本來公司要佢嚟教人做戲,但佢稱自己唔識教人做戲,而且已經有羅冠蘭老師教授,應該唔使佢自己教,但後來羅冠蘭老師就叫佢以分享形式講下自己嘅心得,於是馬明應邀出席訓練班。

藝員訓練班開班邀請咗羅冠蘭擔任講師授課,更有視帝馬國明分享演藝之路。Photo from 娛樂新聞台

馬國明提到佢剛入行時亦經常受PA、導演等質疑,佢坦言初出道要做好心理準備會有好多人會評價你嘅決定,要慢慢畀人認同先,導演佢哋先會對演員有信心,之後就可以慢慢加返個人創作。

馬國明坦言初出道要做好心理準備會有好多人會評價你嘅決定,要慢慢畀人認同先,導演佢哋先會對演員有信心Photo from 娛樂新聞台

馬國明入行初期曾被演員前輩破口大鬧

馬明又大爆佢啱啱入行有好多套劇都係同Benz雄(許紹雄)合作,當時初出茅廬嘅馬明經常都會追問Benz好多嘢:「問到佢鬧我,問到佢講粗口鬧我㗎!」不過馬明表示好深刻記得對方講過一句話:「你情願我依家鬧你,定係套劇出咗街之後啲觀眾鬧你?」相信呢句話都對佢有好深影響。

馬明又大爆佢啱啱入行有好多套劇都係同Benz雄(許紹雄)合作,當時初出茅廬嘅馬明經常都會追問Benz好多嘢:「問到佢鬧我,問到佢講粗口鬧我㗎!」Photo from 娛樂新聞台

馬明表示好深刻記得對方講過一句話:「你情願我依家鬧你,定係套劇出咗街之後啲觀眾鬧你?」Photo from 《使徒行者》

藝員訓練班出身,馬國明多演路人甲

其實馬明本人亦係讀藝員訓練班出身,所以今次佢再去訓練班開talk應該感受好深。佢係第14期藝員訓練班畢業,同期同學仲有吳卓羲、葉璇。畢業後馬明有幾年都係做茄喱啡,角色多數係路人甲,包括餐廳伙記、醫生、圍觀群眾等。間唔中亦會出演歌手MV。

其實馬明本人亦係讀藝員訓練班出身,所以今次佢再去訓練班開talk應該感受好深。Photo from 娛樂新聞台

藝員訓練班畢業後馬明有幾年都係做茄喱啡,角色多數係路人甲

馬明做過得一句對白嘅醫生

《衝上雲霄》嶄露頭角,馬明獲選為奧運六星備受力捧

直至2003年馬明參演大製作台慶劇《衝上雲霄》,同藝員訓練班同學吳卓羲、陳鍵鋒、黃宗澤獲捧為「S4」,嶄露頭角。《衝上雲霄》播出後馬明知名度上升唔少,2004年佢更獲選為奧運六星之一,備受力捧。其後佢就開始擔任第二男主角,正式「上位」。

2003年馬明參演大製作台慶劇《衝上雲霄》,同藝員訓練班同學吳卓羲、陳鍵鋒、黃宗澤獲捧為「S4」,嶄露頭角。Photo from 《衝上雲霄》

2004年馬國明獲選為奧運六星之一,備受力捧。

2006年馬國明憑《愛情全保》、《肥田囍事》奪得當年萬千星輝頒獎典禮「飛躍進步男藝員」獎,更首度獲提名「最佳男主角」。2007年播出嘅《律政新人王2》馬國明首次擔任男主角,並憑此劇再獲提名「最佳男主角」。

2006年馬國明憑《愛情全保》、《肥田囍事》奪得當年萬千星輝頒獎典禮「飛躍進步男藝員」獎Photo from 《愛情全保》

2007年播出嘅《律政新人王2》馬國明首次擔任男主角Photo from 《律政新人王2》

《On Call 36小時》事業高峰,馬國明3奪「我最喜愛的電視男角色」,終憑《白色強人》成視帝

到2011年劇集《女拳》,馬國明飾演奸角,開啟新戲路,之後都有多次嘗試反派角色。2012年憑《On Call 36小時》「張一健(一件頭)」一角,馬國明事業迎嚟高峰,劇集收視好,馬明更係當年視帝大熱,佢於頒獎典禮獲得「我最喜愛的電視男角色」。

廣告
廣告

2012年憑《On Call 36小時》「張一健(一件頭)」一角,馬國明事業迎嚟高峰Photo from 《On Call 36小時》

2017年馬國明主演嘅《降魔的》大受好評,再次成為視帝熱門人馬,但最終只獲「我最喜愛的電視男角色」。2018年佢憑《宮心計2深宮計》「任三恕」一角第3度奪得「我最喜愛的電視男角色」。連續兩年都攞「我最喜愛的電視男角色」,三度奪獎,可惜始終同視帝失之交臂。

2017年馬國明主演嘅《降魔的》大受好評,再次成為視帝熱門人馬,但最終只獲「我最喜愛的電視男角色」。Photo from 《降魔的》

2018年馬明憑《宮心計2深宮計》「任三恕」一角第3度奪得「我最喜愛的電視男角色」Photo from 萬千星輝頒獎典禮

多次陪跑,到2019年馬國明再次出演醫生一角,醫療劇《白色強人》收視、口碑都好,馬國明又一次成為視帝大熱,今次佢最終以大熱姿態勇奪「最佳男主角」,出道20年首度登上視帝寶座!

多次陪跑,到2019年馬國明再次出演醫生一角,醫療劇《白色強人》收視、口碑都好,今次佢最終以大熱姿態勇奪「最佳男主角」Photo from 萬千星輝頒獎典禮

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《白色強人2》馬國明入行23年醫生角色大盤點!由古代演到現代,媲美吳卓羲做警察

5 Aug 2022

現年48歲嘅視帝馬國明近日主演劇集《白色強人2》,佢喺劇中飾演副院長、心胸肺外科部門主管兼顧問醫生。原來佢1999年入行以嚟曾多次出演大夫、醫生嘅角色,次數超過10次,可媲美做過晒警署各大部門嘅「御用警察」吳卓羲。即睇馬明入行以嚟演過嘅醫生角色!

現年48歲嘅視帝馬國明近日主演劇集《白色強人2》Photo from 《白色強人2》

馬國明藝員訓練班畢業後於2000年《無業樓民》、《雷霆第一關》演醫生

馬國明於TVB第14期藝員訓練班畢業後就由跑龍套做起,佢喺2000年兩套電視劇《無業樓民》、《雷霆第一關》中分別飾演普通科醫生、婦科醫生。

《無業樓民》

馬國明喺2000年《無業樓民》中飾演普通科醫生Photo from TVB

《雷霆第一關》

《雷霆第一關》馬國明飾演婦科醫生。Photo from TVB

馬國明2001年於古裝劇《封神榜》飾演大夫

2001年馬國明仍然多數飾演無名配角,其中喺《公私戀事多》飾演張醫生、《紅衣手記》飾演急症室醫生、民初劇《酒是故鄉醇》飾演腦科醫生,佢更首次喺古裝劇《封神榜》飾演大夫,由現代演到古代!

《公私戀事多》

2001年《公私戀事多》馬國明飾演張醫生Photo from TVB

《紅衣手記》

《紅衣手記》馬國明做過急症室醫生Photo from TVB

《酒是故鄉醇》

民初劇《酒是故鄉醇》馬國明飾演腦科醫生Photo from TVB

《封神榜》

馬國明首次喺古裝劇《封神榜》飾演大夫,由現代演到古代!Photo from TVB

馬國明2004年漸受重視,《天涯俠醫》再演石醫生

馬明喺2002年嘅《流金歲月》再飾演診所醫生,但到2004年開始獲TVB力捧,不但獲選為「奧運六星」之一,又喺《衝上雲霄》擔任「S4」,做跑龍套幾年後終受重用。佢喺《天涯俠醫》出演廣西山區兒科醫生石醫生。馬國明之後喺2006年《本草藥王》中飾演主角李時珍(林文龍飾)嘅徒弟「龐憲」,亦係太醫院嘅御醫之一。

《流金歲月》

馬明喺2002年嘅《流金歲月》飾演診所醫生Photo from TVB

《天涯俠醫》

馬國明做跑龍套幾年後終受重用,佢喺《天涯俠醫》出演廣西山區兒科醫生石醫生。Photo from TVB

《本草藥王》

馬國明之後喺2006年《本草藥王》中飾演主角李時珍(林文龍飾)嘅徒弟「龐憲」,亦係太醫院嘅御醫之一。Photo from TVB

馬國明於《On Call 36小時》再演醫生,憑「一件頭」一角首奪「我最喜愛的電視男角色」

馬國明之後人氣穩步上升,亦漸漸由第二男主角晉升至第一男主角。佢喺2012年《On Call 36小時》演神經外科醫生,係佢事隔6年後再度飾演醫生,馬國明演技亦備受讚賞。佢更憑「張一健(一件頭)」一角首次奪得「我最喜愛的電視男角色」,喺2013年佢出演續集《On Call 36小時II》繼續做醫生。

《On Call 36小時》

馬國明喺2012年《On Call 36小時》演神經外科醫生,演技亦備受讚賞。Photo from TVB

馬國明憑「張一健(一件頭)」一角首次奪得「我最喜愛的電視男角色」,喺2013年佢出演續集《On Call 36小時II》繼續做醫生。Photo from TVB

馬國明2019年主演《白色強人》,憑「唐明」一角大熱封視帝

馬國明主演劇集《心理追兇 Mind Hunter》口碑唔錯,佢喺劇中飾演臨床心理學家。2019年佢喺《白色強人》飾演心胸肺外科主管醫生兼副院長。劇集大受歡迎,馬明入行20年,最終憑「唐明」一角首奪「最佳男主角」。

《心理追兇 Mind Hunter》

馬國明主演劇集《心理追兇 Mind Hunter》,佢喺劇中飾演臨床心理學家。Photo from TVB

《白色強人》

2019年馬國明喺《白色強人》飾演心胸肺外科主管醫生兼副院長。劇集大受歡迎,馬明入行20年,最終憑「唐明」一角首奪「最佳男主角」。Photo from TVB

馬國明2021年主演台慶劇《星空下的仁醫》,演小兒外科顧問醫生

馬國明再次出演醫療劇《星空下的仁醫》,係佢繼《天涯俠醫》山區兒科醫生角色後,再度飾演兒科醫生「況叢昕」一角。

《星空下的仁醫》

馬國明出演醫療劇《星空下的仁醫》,再度飾演兒科醫生「況叢昕」一角。Photo from TVB

2022年《白色強人》再演「唐明」

馬明憑《白色強人》首奪視帝,續集《白色強人II》,馬國明作為原班人馬,再次出演「唐明」一角,今次佢已經係副院長、副行政總監、心胸肺外科部門主管兼顧問醫生。

《白色強人II》

馬明憑《白色強人》首奪視帝,續集《白色強人II》,馬國明作為原班人馬,再次出演「唐明」一角Photo from 《白色強人2》

入行22年,馬國明15度飾演醫生角色

喺23年演藝生涯中,馬國明曾演過15次醫生,佢由古代演到現代,又做過唔同嘅醫院部門,包括兒科、神經外科、腦科、婦科等,副院長都做過,簡直可以同「御用警察」吳卓羲媲美!

喺22年演藝生涯中,馬國明曾演過15次醫生Photo from TVB

馬國由古代演到現代,又做過唔同嘅醫院部門Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel