31歲地盤男被指樣貌似「大叔」？！從事地盤工作長達10年！當年入行原因曝光

生活熱話

By Stephanie on 22 Aug 2022

Digital Content Writer

大家成日都話「職業無分貴賤」，各行各業都值得大家嘅尊重～一名任職地盤紮鐵工人嘅90後男生將自己嘅近照公開，滄桑憔悴嘅樣貌引起網民熱議；而佢亦解釋當年決定入行做地盤工嘅原因，成功感動唔少人！

Photo from 微博

90後男生現職紮鐵工人

根據內媒報導，呢位任職地盤紮鐵工人嘅男生名叫李建林（小健）喺1991年於湖北出生。直到現時為止，佢已經喺從事地盤工作長達10年時間，喺長期於烈日當空小曝曬之下，佢擁有一身黝黑嘅膚色，可以話係佢辛勤工作嘅證明！

Photo from 微博

被指樣貌成熟「更似60後」？！

原本身高約178cm嘅小健體型比較瘦削，體重只係得大約50幾公斤；然而佢每日工作時都必須背住約40Kg嘅鋼筋，工作9小時賺錢養家！雖然小健今年只係得31歲，但因為長期勞動嘅關係令佢嘅外貌多咗好多細紋，而且頭髮亦變得稀疏，與同齡人相比似乎有啲「成熟」。

Photo from 微博

當年成為網紅的契機

小健現時係一名擁有6.4萬粉絲追蹤嘅「網紅」，主要都係分享自己嘅工作日常。而佢突然人氣急升嘅原因源自於2年前，佢返工休息期間唔小心開咗美顏相機，發現自己嘅膚色變得異常白滑，就將自己嘅對比片段上載到社交媒體帳號。估唔到竟然引起網民嘅關注，一夜之間就有逾1千3百萬網民觀看！

Photo from 微博

辛勞工作樣貌引起打工仔共鳴！

當時有網民認為小健刻意「報大」年齡拍片炒作，而佢亦向大家公開自己嘅身份證作為證明，揚言「我拼命賺錢的樣子可能很狼狽，但不要取笑努力的人！」呢番話亦成功引起唔少打工仔嘅共鳴，令佢哋超有同感！

Photo from 微博

解釋從事地盤工原因！

而小健向大家分享當初選擇入行嘅經歷，據悉佢自細就失去媽媽，16歲投身社會到武漢工作成為一名紮鐵工人，22歲嘅時候妻子懷孕，成為一家之主負責養家！佢表示向大眾分享工作日常並非為咗成名，只係希望可以令各位同行有共鳴，順便令大家了解勞動工作者們嘅辛酸。

Photo from 微博

相關文章：港女開po呻爸爸生得太童顏同老豆一齊返屋企俾佢同事誤會偷情

相關文章：越南18歲女嫁42歲南韓窮大叔被男方童顏與性格吸引結婚先知係富豪！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

27歲男子樣貌太童顏導致難搵工！2大特徵令僱主婉拒？盤點3位樣貌與年齡不符人物！

26 Jul , 2022

相信唔少女士都希望能夠擁有「童顏」嘅樣貌，令大家永遠都估唔到佢真實嘅年齡～最近，27歲內地男子因為樣貌太童顏而陷入困境，連日來到處搵工作，卻慘遭老闆們婉拒，令現時經濟狀況出現問題嘅佢非常苦惱！

Photo from 微博

27歲男子難找工作，全因樣貌問題？

來自廣東嘅27歲男子因為太過年輕嘅樣貌而感到苦惱！事關最近佢爸爸因為中風而無法賺錢養家「自己在外面再苦也不能跟家裡要錢」，所以佢就需要搵工幫補家計。然而，與年齡不符嘅外表卻成為佢搵工最大嘅阻礙？！

Photo from 微博

樣貌太年輕+體型較矮，導致被僱主拒絕！

根據內地媒體報導，男子呢兩日都不停搵工，但都因為外貌睇落太年輕而遭到僱主們拒絕。佢曾嘗試應徵工廠嘅工作，但因為佢嘅體型比較矮、擁有似小朋友嘅「娃娃音」，與工廠招人嘅標準有落差，而且僱主亦擔心佢係扮成年人，最終佢都未能如願獲得工作。

Photo from 微博

背影與外貌有超強對比！

而男子講笑咁話自己「年齡大，身體小！」由於佢本身有少少寒背，所以就咁睇男子嘅背面會以為佢年紀比較大，同稚氣嘅樣貌形成強烈嘅對比！唔少網民知道佢嘅經歷後，都同情佢現時嘅處境「正面看像17歲，背面像47歲」、「真的以為是小學生」等，而網民亦祝福佢能夠儘快搵到工作～

Photo from 微博

其實過往都有唔少人因為「童顏」而備受熱議，宜家就等我哋睇下佢哋與別不同嘅經歷啦～

1. 22歲「童顏」男老師

22歲菲律賓男子伊安（Ian Francis Manga）係當地嘅小學老師，但由於佢嘅樣貌太年輕加上體型較矮，所以經常都被誤會成該校嘅學生！當地報導指，伊安自細就患有抑制身體生長嘅疾病，所以與同齡人嘅身高非常不同。儘管如此，佢教導嘅學生都非常尊敬佢，而課外嘅時候亦將佢當成「哥哥」對待，好容易就能夠與學生保持良好關係～

Photo from GMA Public Affairs @YouTube

2. 韓國女演員金允熙

早前，Youtube頻道《Cheeze Flim》上載網路劇《壞少年：為了救朋友而失去眼睛》嘅短劇，當中飾演小學生嘅21歲女演員金允熙獲得大量關注！唔少網民知道金允熙嘅真實年齡後，都忍唔住嚇親，表示以為佢依然係學生，仲因此被冠上「最強童顏」嘅稱號～

Photo from 《Cheeze Flim》

Photo from 金允熙IG

3. 台灣女星胡文英

56歲台灣資深女藝人胡文英早前以「美魔女」嘅身份，獲邀出演小S嘅清談節目《小姐不熙娣》。只見佢當天嘅打扮非常時髦，同普遍嘅年輕人差唔多，而且身材亦保持得非常好，完全唔似3個小朋友嘅媽媽！而佢亦分享曾被29歲「小鮮肉」力追嘅經歷，對方不停要求同佢約會並向佢表白；而佢就搞笑回覆「你要問問我家的小孩喔！」透露自己最年長嘅小孩已經接近30歲，令在場觀眾超驚訝！