好純樸啊！一齊飛去尼泊爾睇吓古今交錯嘅建築啦～感受時光倒流嘅感覺！

尼泊爾係一個好有宗教氣息嘅國家，有好多嘅古蹟建築、風景好靚嘅行山路徑。所以，每一年都會吸引咗一班喜歡探險、行山、或者有宗教信仰嘅人嚟呢度旅行！今日小編想主要介紹嘅，就係尼泊爾嘅首都加德滿都！呢知你又去過未呢！？
Photo from Instagram

雖然呢度嘅環境唔係好富足，但係呢度嘅人真係俾人一種好純樸嘅感覺！加德滿都位於三面環山嘅加德滿都谷地之上，海拔 1,300 多米。城內城外古今建築交雜，印度教寺廟神龕遍佈城中各處。如果你係一個鍾意睇古今建築同寺廟嘅人，你就唔好錯過呢個地方啦～
Photo from Instagram

位於加德滿都市中心以東約八公里處，有一座世界上最大嘅圓佛塔，叫做博拿佛塔Boudhanath Stupa（亦有人叫大眼廟），擁有超過一千五百年歷史。係1979年，就被列入世界文化遺產，充滿歷史感同神聖感，吸引無數虔誠嘅信眾前來朝聖。小編好推薦遊人夜晚嚟呢度行一行，因為呢度嘅夜晚更加靚。小編試過係大眼廟對面搵一間cafe，叫番杯尼泊爾茶，嘆一嘆！你會發現，自己嘅步伐突然慢咗落嚟，可以好relax咁欣賞尼泊爾同大眼廟夜晚嘅美！

A post shared by Voyager ✈️ (@tiff.invoyage) on Jul 9, 2017 at 9:17am PDT

鍾意買紀念品嘅遊客，到尼泊爾就一定會大有斬獲！因為係呢度你唔洗擔心買唔到想要嘅紀念品。Thamel（泰茂區／泰米爾區）係遊客嘅集中地，區內旅行社、旅館、食肆、紀念品店、書店、地圖店等遊客設施應有盡有。

小編以前最喜歡到Thamel shopping，你可以買大量手工製頸巾，價錢平過香港好多！羊毛冷衫、冷帽等等，都係唔可以錯過嘅手信！小編提提大家，除咗明碼實價嘅商店外，購物前都可以殺價嫁！
Photo from Instagram

食貨朋友係Thamel 都可以大飽口福，隨處都係各式各樣嘅食肆，供應各地菜色，有平民亦有高級餐廳！唔洗擔心，就算到高級餐廳都唔會食到好貴～但係腸胃好敏感嘅朋友，就要謹慎地選擇餐廳啦！如果想融入當地飲食，都可以試吓當地嘅MOMO（餃子）！
Photo from Instagram

小編最喜愛嘅係，同Thamel 幾街之隔嘅舊城區，除咗著名嘅舊皇宮廣場（Durbar Square）外，無數遊客不知名嘅廟宇散佈係加德滿都每個角落，行係普通街巷之上，已經令人有光倒流嘅感覺！
Photo from Instagram
Photo from Instagram

不過，前幾年加德滿都經歷過一場大地震，仍有部分地方重建同維修緊～所以出發之前，就要CHECK清楚每個check point 啦～

A post shared by Voyager ✈️ (@tiff.invoyage) on Jul 13, 2017 at 9:53am PDT

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）