download HolidaySmart 假期日常 app
辰亦儒直播曬飛輪海舊照 網友揭故意截走炎亞綸 又添不和證據

辰亦儒直播曬飛輪海舊照 網友揭故意截走炎亞綸 又添不和證據

生活熱話 娛樂新聞
By Moon Lam on 29 Aug 2022
Digital Content Writer

前台灣組合「飛輪海」係解散後一直好少同框出現,而近日成員之一嘅辰亦儒係網上直播,展示同其他隊員嘅舊照,不過被網民發現佢故意「裁走」炎亞綸

廣告
廣告

微博 @汪東城Photo from 微博 @汪東城

辰亦儒直播曬舊照

「飛輪海」係2011年吳尊退出後就各自發展,而辰亦儒近年事業重心轉往內地,不時參與直播帶貨、教健康操等黎賺錢,而佢最近係網上直播就賣迪士尼相關嘅產品,仲拎手機出黎大曬同舊隊友合照,提及「飛輪海」曾經代言迪士尼樂園嘅活動。

微博圖片Photo from 微博圖片

網友發現故意cut走炎亞綸

辰亦儒曬出「飛輪海」係2007年黎香港迪士尼嘅相,介紹相入面有汪東城同吳尊,同睡公主、貝兒、白雪公主,佢聲明呢張相「無P圖」,仲承諾有機會「找另外兩位王子來我們的直播間」,令一眾粉絲都超激動,期待3子一齊出現嘅畫面。

微博圖片Photo from 微博圖片

廣告
廣告

不過有粉絲就奇怪點解4人組合代言辰亦儒手上嘅合照得3個人,於是搵返當年嘅相,發現炎亞綸當時都在場,只不過企係最旁邊,而辰亦儒展示嘅合照岩岩好將炎亞綸裁走,令網友都話:「「笑死了,還真是故意截掉了某人」、「就是沒有炎亞綸」、「實錘飛輪海是三人組合」。

微博圖片Photo from 微博圖片

微博圖片Photo from 微博圖片

傳不和多年曾被本人證實

其實「飛輪海」不和已經傳咗好多年,團隊解散後汪東城、辰亦儒、吳尊不時都會聚會、唯獨欠缺炎亞綸。而炎亞綸亦曾經係係小S同蔡康永嘅節目《花花萬物》表示除咗吳尊,同其他兩位成員都「不是朋友」,但並無貶意,只係大家嘅關係未去到咁親密,所以同佢地基本上無聯絡。

汪東城、辰亦儒、吳尊不時聚會、共渡佳節Photo from 微博 @辰亦儒

炎亞綸曾經坦言同其他兩位成員「不是朋友」Photo from 《花花萬物》截圖

炎亞綸私下只同吳尊有聯絡Photo from 微博圖片

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel