披荊斬棘2|吳卓羲學唱歌激到瘋狂爆粗!放鬆心情講廣東話大晒真性情

披荊斬棘2|吳卓羲學唱歌激到瘋狂爆粗!放鬆心情講廣東話大晒真性情

娛樂新聞
By Jennifer on 29 Aug 2022
Digital Editor

披荊斬棘》第二季有唔少參加者受到關注,其中吳卓羲同好友林峯一直糖黐豆,新一輪兩人卻分開組隊,吳卓羲同佢好欣賞嘅歌手仁科一隊,吳卓羲興奮之時忍唔住講廣東話,更直接爆粗,展現「真性情」。

《披荊斬棘》第二季有唔少參加者受到關注Photo from 《披荊斬棘》

《披荊斬棘》林峯同吳卓羲正式「拆伙」

新一季《披荊斬棘》吸引咗好多港台男星參加,而林峯同吳卓羲同場出現更令網友大嗌好懷念!兩人主演嘅《大唐雙龍傳》現已成為唔少80、90後心目中嘅經典電視劇。

林峯同吳卓羲同場出現更令網友大嗌好懷念Photo from 《披荊斬棘》

喺第二集,32位哥哥將重新組合,分成8組「部落」,準備第二次演唱會。吳卓羲同林峯呢對好兄弟討論分組時候,吳卓羲極力推薦樂隊主唱仁科,大讚佢嘅歌好正,而林峯則想同吳建豪一組,於是兩人決定分開。

吳卓羲同林峯呢對好兄弟討論分組時候,吳卓羲極力推薦樂隊主唱仁科,大讚佢嘅歌好正,而林峯則想同吳建豪一組,於是兩人決定分開。Photo from 《披荊斬棘》

與偶像同組,吳卓羲爆粗大讚仁科

吳卓羲喺向劉愷威介紹仁科嘅時候忍唔住爆粗:「佢哋(仁科所屬樂隊)啲歌好得意,佢哋係好L型㗎!上台演唱著拖鞋㗎!」吳卓羲不時喺節目中唱仁科嘅歌,睇嚟真係好欣賞對方~

吳卓羲喺向劉愷威介紹仁科嘅時候忍唔住爆粗Photo from 《披荊斬棘》

吳卓羲不時喺節目中唱仁科嘅歌,睇嚟真係好欣賞對方~Photo from 《披荊斬棘》

最終佢亦如願同仁科、任賢齊、張峻寧成為組員,佢哋更第二次演唱會選擇劉德華原唱嘅閩南語歌曲《世界第一等》為表演曲目,仁科、任賢齊都識講閩南話,難唔到佢哋,而吳卓羲同張峻寧就要由頭學起。

吳卓羲如願同仁科、任賢齊、張峻寧成為組員Photo from 《披荊斬棘》

仁科、任賢齊都識講閩南話,難唔到佢哋,而吳卓羲同張峻寧就要由頭學起。Photo from 《披荊斬棘》

吳卓羲學閩南話燥到爆粗

於是佢哋決定分成兩組,由任賢齊教張峻寧、仁科則教吳卓羲學講閩南話,不過張峻寧學得好好,但吳卓羲進度就無咁快,講到自己都一頭霧水,仲要講極都講唔啱音,雖然佢係仁科fans,但仁科教完佢講「猛」字嘅閩南語讀音,卻被任賢齊糾正,吳卓羲即忍唔住指住仁科「妖」咗出聲。

張峻寧學得好好,但吳卓羲進度就無咁快,講到自己都一頭霧水Photo from 《披荊斬棘》

吳卓羲學閩南話表情迷惘Photo from 《披荊斬棘》

仁科教完佢講「猛」字嘅閩南語讀音,卻被任賢齊糾正,吳卓羲即忍唔住指住仁科「妖」咗出聲。Photo from 《披荊斬棘》

之後仁科再教佢「是緣分是注定」,但「定」字讀法同任賢齊讀嘅又有出入,令吳卓羲一臉無奈,合埋眼講咗句:「X!跟唔跟你學好呀大佬?!」幕後工作人員問佢會唔會繼續跟仁科學唔太標準嘅閩南話,吳卓羲仍難掩fans心情表示:「我覺得他標準就可以啦!」

仁科再教佢「是緣分是注定」,但「定」字讀法同任賢齊讀嘅又有出入,令吳卓羲一臉無奈,合埋眼講咗句:「X!跟唔跟你學好呀大佬?!」Photo from 《披荊斬棘》

幕後工作人員問佢會唔會繼續跟仁科學唔太標準嘅閩南話,吳卓羲表示:「我覺得他標準就可以啦!」Photo from 《披荊斬棘》

吳卓羲晒廚藝獲任賢齊、王大陸力讚

喺宿舍內吳卓羲仲大晒廚藝,為哥哥們煮蛋炒飯,王大陸大讚佢係做家務嘅男人,任賢齊亦感歎:「(卓羲)結婚一定要告訴我,我要看看那個幸福的女人是誰!」王大陸又問佢點解到依家都仲未結婚,吳卓羲表示:「沒人要。」

喺宿舍內吳卓羲仲大晒廚藝,為哥哥們煮蛋炒飯,王大陸大讚佢係做家務嘅男人Photo from 《披荊斬棘》

任賢齊亦感歎:「(卓羲)結婚一定要告訴我,我要看看那個幸福的女人是誰!」Photo from 《披荊斬棘》

王大陸問佢點解到依家都仲未結婚,吳卓羲表示:「沒人要。」Photo from 《披荊斬棘》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

披荊斬棘2|57歲溫兆倫首輪慘遭淘汰!呢位港星喜愛度排最尾?!

22 Aug 2022

披荊斬棘》第二季開播!今季有唔少香港、台灣男藝人參加,仲有第一季嘅陳小春張智霖等再次出演,話題度爆燈!據稱節目現已錄制咗兩場公演,溫兆倫更於第一輪就被淘汰,令網民大呼尷尬。

《披荊斬棘》第二季開播!今季有唔少香港、台灣男藝人參加Photo from 《披荊斬棘2》

《披荊斬棘2》有眾多香港台灣男星參加,陳小春、張智霖再度出演

《披荊斬棘(原名為《披荊斬棘的哥哥》第二季)》有32位男藝人出演,第一季「大灣區五人組」成功彈出,更再合作推出《大灣仔的夜》團體綜藝。新一季多咗唔少香港、台灣男星參加,第一季嘅陳小春、張智霖、張雲龍、李承鉉等亦回歸節目。

第一季「大灣區五人組」成功彈出,更再合作推出《大灣仔的夜》團體綜藝Photo from 《披荊斬棘2》

喺節目播出前已引起好多網民關注,《乘風破浪3》完結後電視台緊接住推出《披荊斬棘》,再掀網民熱議,其中林峯、吳卓羲、周柏豪、蘇有朋、吳建豪、劉愷威等都係香港人熟悉嘅男星。

廣告
廣告

周柏豪自彈自唱Photo from 《披荊斬棘2》

台灣代表蘇有朋Photo from 《披荊斬棘2》

60歲杜德偉為年齡最大參賽者

今季年紀最大嘅係60歲嘅杜德偉,佢更獲影帝梁朝偉、歌神張學友打氣,在場嘅哥哥們都感歎佢人脈超強!而最年輕嘅參加者係26歲嘅楊長青ICE,香港代表曾比特則以28歲之齡成全個節目第二細嘅藝人,佢出演《聲生不息》後人氣急升,有望憑呢個綜藝節目再度提升內地知名度。

今季年紀最大嘅係60歲嘅杜德偉Photo from 《披荊斬棘2》

影帝梁朝偉拍攝短片為杜德偉打氣Photo from 《披荊斬棘2》

歌神張學友聲音出演Photo from 《披荊斬棘2》

在場嘅哥哥們都感歎佢人脈超強Photo from 《披荊斬棘2》

林峯同吳卓羲好兄弟糖黐豆,網友讚吳卓羲保養得宜

日前播出嘅第一集中林峯同吳卓羲一對好兄弟即時成為焦點,唔少人表示細個都係睇佢哋嘅電視劇大,喺「初舞台競演」中林峯選唱代表作《使徒行者》嘅片尾曲《越難越愛》,而吳卓羲則表演郭富城嘅經典歌曲《動起來》。

日前播出嘅第一集中林峯同吳卓羲一對好兄弟即時成為焦點Photo from 《披荊斬棘2》

「初舞台競演」中林峯選唱代表作《使徒行者》嘅片尾曲《越難越愛》Photo from 《披荊斬棘2》

吳卓羲則表演郭富城嘅經典歌曲《動起來》。Photo from 《披荊斬棘2》

林峯同吳卓羲一見面即激動攬攬,又不停互窒,關係超好!吳卓羲形容佢哋兩人係「好閨蜜」~有網友大讚吳卓羲保養得宜,指佢出道20幾年都無變過,而且樣子仍然十分自然。佢與林峯更同上季人氣王陳小春、溫兆倫組成「新一代大灣區組合」表演《一生何求》。

林峯同吳卓羲一見面即激動攬攬Photo from 《披荊斬棘2》

林峯同吳卓羲不停互窒,關係超好Photo from 《披荊斬棘2》

吳卓羲形容佢哋兩人係「好閨蜜」Photo from 《披荊斬棘2》

有網友大讚吳卓羲保養得宜Photo from LIHKG

網友指吳卓羲出道20幾年都無變過,而且樣子仍然十分自然。Photo from LIHKG

吳卓羲林峯同上季人氣王陳小春、溫兆倫組成「新一代大灣區組合」表演《一生何求》Photo from 《披荊斬棘2》

溫兆倫曾自信稱自己保養得好,網民爆佢第一輪就被淘汰

早已定居內地嘅溫兆倫近年轉型做幕後同直播帶貨,今次出演《披荊斬棘》希望帶挈事業有所發展。年近6旬嘅佢同一眾哥哥相比唔算後生,出道40年嘅佢亦係所有人中年資最大嘅一位,佢之前曾經於直播自誇57歲保養狀態已經好好,又讚自己後生比時下小鮮肉「強多了」。

現年57歲嘅溫兆倫今年出道40年,係所有人中年資最大嘅一位Photo from 《披荊斬棘2》

溫兆倫之前曾經於直播自誇57歲保養狀態已經好好Photo from 《披荊斬棘2》

同組嘅陳小春就笑佢講嘢好慢:「好像結巴結巴。」陳小春表示已搵到同溫兆倫溝通嘅方法,指用反問法同溫兆倫交流會暢順啲,不過有網友就笑言陳小春本人嘅普通話都係一般,竟然會笑人哋講嘢慢。

同組嘅陳小春就笑溫兆倫講嘢好慢:「好像結巴結巴。」Photo from 《披荊斬棘2》

陳小春表示已搵到同溫兆倫溝通嘅方法Photo from 《披荊斬棘2》

陳小春指用反問法同溫兆倫交流會暢順啲Photo from 《披荊斬棘2》

雖然節目只係播出咗一集,但有消息指已經錄製咗兩次公演,更有爆料稱溫兆倫同另一位出演者方逸倫喺第一輪就被淘汰,網民更直言好尷尬:「這麼快就要回去直播帶貨」、「去比賽淘汰係意料中事啦」、「尷尬的是他的年紀還叫哥哥」

雖然節目只係播出咗一集,但有消息指已經錄製咗兩次公演,更有爆料稱溫兆倫同咋一位出演者方逸倫喺第一輪就被淘汰Photo from 《披荊斬棘2》

第一集「個人喜愛度排名」公開

節目第一集結尾就公佈咗「個人喜愛度排名」,第一名係獻唱《傷心太平洋》嘅任賢齊,緊隨其後嘅係潘瑋柏、鄭鈞、蘇有朋、李承鉉、吳建豪、張智霖、陳小春。林峯排第10、周柏豪13位、曾比特排第15,杜德偉、溫兆倫、吳卓羲分別係17~19位,而劉愷威則排第24。

節目第一集結尾就公佈咗「個人喜愛度排名」Photo from 《披荊斬棘2》

第一名係獻唱《傷心太平洋》嘅任賢齊Photo from 《披荊斬棘2》

劉愷威「個人喜愛度」排第24Photo from 《披荊斬棘2》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel