戀講嘢|「跳高女神」楊文蔚分享愛情長跑10年故事!男友曾於Ocamp「偷食」師妹?!成功修補關係預計於2024年結婚!

戀講嘢|「跳高女神」楊文蔚分享愛情長跑10年故事!男友曾於Ocamp「偷食」師妹?!成功修補關係預計於2024年結婚!

電視電影 娛樂新聞
By Stephanie on 31 Aug 2022
Digital Content Writer

現役跳高女運動員楊文蔚(Cecilia)亦獲大眾稱為「跳高女神」,喺2016年以1.83米嘅佳績打破香港紀錄,並成為全職跳高選手。最近,佢出演ViuTV節目《晚吹-戀講嘢》分享與男友愛情長跑10年嘅故事,大爆二人計畫於2024年巴黎奧運結束後結婚?!

楊文蔚最近出演《晚吹 戀講嘢》分享與男友嘅愛情故事~Photo from darylhung @IG

「跳高女神」楊文蔚分享愛情長跑故事

27歲嘅楊文蔚(Cecilia)表示同男友Daryl從中學時期開始交往至今,拍拖接近10年時間。二人喺體育學院認識,當時男友仲係全職乒乓球選手;由於男友經常喺田徑場上望到佢,開始留意佢,之後男友主動問佢攞社交媒體帳號,然後佢哋先開始變熟!

楊文蔚與男友Daryl喺體育學院認識嘅Photo from 《晚吹-戀講嘢》

楊文蔚分享與男友相識嘅經過Photo from 《晚吹-戀講嘢》

而Cecilia坦承體育學院裡面其實好多情侶,而在旁嘅193就表示「日對夜對,日久生情難免啦!」;其後193又忍唔住好奇咁詢問運動員嘅需求係咪特別大,Cecilia就解釋裡面嘅宿舍係男女分層嘅,搞笑咁強調「我哋田徑隊啲人都好乖嘅!」同傳聞中嘅奧運村選手唔同!

193好奇外界所講嘅傳聞是否真實,詢問運動員係咪需求特別大Photo from 《晚吹-戀講嘢》

楊文蔚解釋香港嘅宿舍係男女分開嘅!Photo from 《晚吹-戀講嘢》

仲話佢哋田徑隊嘅運動員都好乖~Photo from 《晚吹-戀講嘢》

與男友Daryl正式交往經過

其後Cecilia憶述男友當初追求佢嘅過程,喺尚未交往之前,男友已經經常送佢返學;最終男友選擇係中秋節正日同佢表白,二人正式成為情侶!佢表示最搞笑嘅係佢答應同對方交往時,二人正正喺公廁出面,令主持人們都忍唔住大笑~

男友喺交往前就已經不停送佢返學、搭車Photo from 《晚吹-戀講嘢》

喺當年嘅中秋正日,二人正式交往Photo from 《晚吹-戀講嘢》

大讚男友貼心+超遷就!

193繼續詢問二人之間嘅甜蜜事,而Cecilia就冧爆咁話「好多!」大讚男友非常支持佢!諒解佢平時訓練時間密集,所以當知道佢有空餘時間嘅時候,就會預留時間同Cecilia二人世界~

大讚男友好貼心,由於運動員行程緊密,但佢一得閒男友都會選擇同佢見面先!Photo from 《晚吹-戀講嘢》

大爆二人感情危機全因Ocamp?!

然而,Cecilia承認二人嘅感情都曾經出現危機,男友讀大學嘅時候透過Ocamp(迎新營)認識咗師妹;與此同時男友身邊嘅朋友都覺得二人關係疑似出現裂痕「佢哋覺得Daryl(男友)同我一齊唔開心,而我做咗全職運動員之後成日都唔喺香港」,而佢亦幫男友解畫指男友當時好遷就佢,心情似乎有啲壓抑咁。

而二人關係出現危機全因男友去玩Ocamp認識咗師妹?!Photo from 《晚吹-戀講嘢》

當時男友嘅朋友都覺得二人似乎感情變淡?!Photo from 《晚吹-戀講嘢》

楊文蔚表示都明白男友嘅朋友點解會咁諗Photo from 《晚吹-戀講嘢》

發現男友與女生傳訊息,並刪除過往對話紀錄!

而Cecilia當時唔小心受傷回港做手術,而男友將手機擺咗喺檯面,而手機不停震動令佢忍唔住睇咗「見到佢哋有聯絡過,但唔知道傾咗幾耐。」令佢大受打擊!但佢話最傷心嘅係聽到男友同好兄弟嘅錄音對話,佢揚言自己係傳統嘅人「如果真係決定要同另一半共度餘生一定要冇秘密先得!」

其後楊文蔚因為受傷返港做手術,但就發現男友同其他女生聯絡嘅短訊!Photo from 《晚吹-戀講嘢》

仲話當時見到嘅係新訊息,過往嘅聯絡記錄好似已被刪除Photo from 《晚吹-戀講嘢》

而男友仲曾經話嗰位女仔同楊文蔚好似樣,但其他主持人就覺得男仔「偷食」一定係選擇唔同類型嘅女仔!Photo from 《晚吹-戀講嘢》

即睇更多人氣文章:

男友落力挽回感情,成功以誠意打動!

當時好嬲嘅Cecilia坐住輪椅返咗宿舍,決定唔再理會男友;而男友落力挽回感情,日日都喺宿舍門口等佢!最後佢被男友嘅誠意打動到「佢真係由朝早9點直到大門關先走」,而且男友亦用行動表示依然好重視佢,令佢非常感動。

期間男友見到佢都會追住佢,但都被Cecilia決絕推開!Photo from 《晚吹-戀講嘢》

而男友真係日日都喺宿舍門口等待佢!Photo from 《晚吹-戀講嘢》

仲幫當時受傷行動不便嘅Cecilia攞嘢!Photo from 《晚吹-戀講嘢》

計畫於巴黎奧運結束後結婚!

二人復合之後感情甜蜜,而佢亦經常大讚Daryl係「世一男友」!Cecilia大爆二人對於結婚已經有共識,暫時希望喺2024年巴黎奧運結束後先結婚;仲搞笑咁話「啲人話生完仔之後會運動細胞會勁啲」,令193直指對方係暗示想做媽媽~

楊文蔚同男友復合之後,佢哋嘅感情變得更加甜蜜~Photo from 《晚吹-戀講嘢》

楊文蔚表示預計同男友喺2024巴黎奧運之後結婚Photo from 《晚吹-戀講嘢》

仲話聽聞生完BB之後運動能力會再強啲?!Photo from 《晚吹-戀講嘢》

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

戀講嘢|前大台藝人CC曹思詩為前男友還錢!成功3年還清千萬債務!過往樣貌曝光被指好大分別?

25 Aug , 2022

ViuTV節目《晚吹-戀講嘢》最新一集邀請咗前大台藝人「晶女郎」曹思詩做嘉賓分享過往嘅感情經歷,佢自爆曾經為前男友還債,而涉及嘅金額仲高達過千萬港幣,令主持人們超驚訝!

CC(曹思詩)上節目《戀講嘢》分享與前男友嘅感情經歷。Photo from CC IG

前大台藝人曹思詩分享深刻感情經歷

現年30歲嘅CC(曹思詩)自稱係服裝商人,分享同前任男友嘅愛情故事。佢表示前男人係一位負責辦派對嘅老闆,當時男方事業穩定,賺到唔少錢;而當時年僅14歲嘅佢就認識咗對方!

最新一集邀請咗前大台藝人CC(曹思詩)做嘉賓!Photo from 《戀講嘢》

佢表示同前男友喺排隊認識,當時佢好細個被朋友帶咗去玩Photo from 《戀講嘢》

CC超依賴前男友照顧!

直到CC 16歲嘅時候,佢先正式同前男友拍拖;而前男友年紀比佢大7年,雖然當時佢係老闆,但原來對方都只係一名大學生。由於二人年齡上有差距,所以對方悉心咁照顧佢,而佢亦十分依賴男友。

CC表示前男友只係比佢大7年,好似大哥哥咁照顧佢!Photo from 《戀講嘢》

對方當時不停為佢諗方法喺參加面試時突圍而出等,教導佢好多嘢Photo from 《戀講嘢》

前任生意太多,開始出現資金問題!

後來,前男友開始想多方面發展,旗下仲開設多大7、8間公司,導致喺資金運營上出現問題。喺CC 18歲嘅時候,前男友幫佢申請咗好多信用卡。由於佢本身係做生意所以佢直接擁有信用卡機,仲會直接碌信用卡再套現成現金;當時男友都會還返錢俾佢。

但男友因為想涉獵唔同嘅生意,而資金方面開始出現問題!Photo from 《戀講嘢》

後來前男友幫佢申請超多信用卡,等自己可以有錢用Photo from 《戀講嘢》

將物業攞去做按揭

之後CC成功置業,但前男友就要求佢將層樓攞去做按揭,直言當時真係太愛對方,而且對方哄人嘅技術非常高超!即使二人分咗手後,男方依然不停問佢借錢,而佢都攞唔返借出去嘅錢!

之後前男友要求佢將物業攞去做按揭,而佢亦盲目咁信任對方Photo from 《戀講嘢》

直指男方嘅說話技巧好勁,令唔相熟嘅人都願意借錢俾佢Photo from 《戀講嘢》

利用CC名義借錢,後來前男友完全消失!

前男友仲會利用CC係大台藝人嘅身份借錢,隨後佢每日都收到幾百個不知名來電、訊息等,仲被周圍貼街招。由於前男友向多達20間財務公司借錢,所以連埋利息後金額足足過千萬!

男方仲會以佢藝人嘅名義去借錢Photo from 《戀講嘢》

仲令佢成為咗擔保人?!Photo from 《戀講嘢》

隨後佢每日收到唔同嘅訊息、來電,而前男友就失去蹤影!Photo from 《戀講嘢》

認識現任男友,對方成為最大動力!

而CC就開始背負為前男友還債嘅事,之後就喺大台藝人嘅派對上認識咗任職機師嘅現任男友,而佢坦承對男方一見鍾情「超靚仔,好大隻,完全係我鍾意嘅類型!」揚言男友成為咗佢嘅新希望!

不久後,CC就認識咗新男友Photo from 《戀講嘢》

靠自己成功幫前男友還清所有錢!

CC表示從來冇俾男友幫佢手還債,而佢就選擇賣咗自己層樓;然而賣咗層樓後依然未還晒啲錢,所以佢努力工作咗幾年,先幫前男友還清晒啲錢!佢希望透過自身經歷勸喻大家唔好咁輕易借錢俾另一半。

CC從來冇問現任男友幫手,靠賣咗層樓還咗大部分嘅錢Photo from 《戀講嘢》

之後再努力工作幾年先還晒啲錢!Photo from 《戀講嘢》

網民發現CC樣貌與以前不同?

唔少觀眾都十分同情佢過往所經歷嘅一切,但部分網民將重點放咗喺佢嘅樣貌上,覺得佢嘅嘴唇似乎唔太自然?!翻查之下,原來CC過往被稱為「翻版唐詩詠」,仲曾經出演過唔少電視劇,樣貌上亦似乎有少少唔同呢~

不過部分網民就將重點放咗喺CC嘅外貌上Photo from ViuTV FB

CC過往曾經喺大台出現過唔少劇集,不過都係飾演配角居多Photo from 《天命》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel