真愛難尋？！真情侶必走過嘅5個階段～你搵到心中嘅另一半未！？

每個拍拖嘅人，都知愛情會經歷過幾個階段！最sweet 梗係熱戀期，個時覺得對方大過天～但係，真正成熟嘅戀愛關係分好多個階段，如果我哋可以通過一關又一關，咁你同男朋友嘅感情就會正式畢業～ready之後就可以準備人生嘅另一個階段啦！
Photo from Pinterest

階段1:邂逅

緣份嘅感覺係十分之微妙嘅，唔知你有無諗過，人海茫茫之中，點解會遇到自己嘅另一半？！有時係一見鍾情，有時係日久生情，有時係朋友介紹，有時係旅行過程中識到另一半～邂逅嘅過程往往有好多種！你又點識到你嘅另一半呢！？
Photo from Pinterest

階段2:熱戀

熱戀係戀愛關係中最美好嘅階段。個時，自己會日日都想見到對方，把握任何溝通方法去表達對佢嘅愛意，睇番自己嘅whatsapp，inbox，facebook，日日都tag 嚟tag 去～呢段時期，可謂「心盲」嘅階段！對方嘅任何缺點，係你心中都係可愛嘅表現！熱戀時，對方是天是地，任何野都會以佢為優先～
Photo from Pinterest

階段3:多疑

相處得耐咗，彼此之間都會開始多口角，亦係令人討厭嘅階段。呢段日子，情侶間最鍾意考考你嘅記性，例如要對方背出週年、週月、甚至週日紀念日子！更煩嘅係，時不時就會好奇心作崇，好想check對方嘅電話記錄、平日同其他人嘅聯繫記錄。結果就會因小小嘅事，就同對方發生吵鬧。
Photo from Pinterest

階段4:失落

最脆弱嘅時期，好多情侶都捱唔過呢個關口，導致分手！失落係因為覺得自己無能力改變對方嘅一D舉動、習慣同觀念，雖然都會覺得自己好care 對方，但對未來無咗期待同憧景感～就會同對方提出分手！
Photo from Pinterest

階段5:另一新階段

恭喜可以捱過失落期嘅情侶，踏進戀人新嘅另一頁！經歷過痛苦嘅過去，相方關係就會昇華到另一相處方式，呢個亦都係人生嘅另一轉捩點，準備進入新嘅出路！
Photo from Pinterest

愛情係兩個人嘅事，唔好要對方遷就晒自己。而係要兩個人多多溝通～咁先可以令大家嘅愛情更加長久！
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）