王浩信公開全新剷青髮型!內地網民反應兩極:答應我以後別留這髮型!

王浩信公開全新剷青髮型!內地網民反應兩極:答應我以後別留這髮型!

娛樂新聞
By Stephanie on 08 Sep 2022
Digital Content Writer

王浩信(Vincent)近年事業發展順利,早前佢隨高層王祖藍返內地工作,似乎決定要北上發展。最近大台決定翻拍經典劇集《狀王宋世傑》第2輯,並由王浩信擔任男主角;而佢就為角色而整咗個全新嘅「剷青」髮型,然而呢個新造型卻連內地網民都唔太讚賞?!

王浩信近日公開為劇集所修剪嘅全新髮型,但內地網民似乎對於新髮型有唔同嘅睇法?!Photo from 王浩信IG

王浩信正於內地拍劇

39歲王浩信(Vincent)現時忙於拍攝由大台翻拍嘅電視劇《狀王宋世傑》,據悉今次劇集係大台旗下公司同張達明及林子聰(肥仔聰)簽約聯手製作嘅,而林子聰仲係劇集編劇及監製。劇集喺今年7月嘅時候開拍,預計於10月完成拍攝,並由王浩信、姚子羚等主演。

王浩信可以話係當時首批跟隨王祖藍去內地發展嘅大台藝人!Photo from 王浩信IG

據悉《狀王宋世傑》新版現時由張達明同林子聰一齊合作製作Photo from 《講你都唔信》

大台決定翻拍經典劇集《狀王宋世傑》!

經典劇集《狀王宋世傑》喺1999年播出,當時係由張達明、郭藹明等人主演,最高收視達到30幾點,亦係唔少網民心目中嘅經典劇之一。

《狀王宋世傑》係1999年嘅電視劇,男女主角分別係張達明同郭藹明。Photo from 《狀王宋世傑》

王浩信公開新髮型,被指同朴敘俊「栗子頭」好似!

早前,王浩信就首次公開自己嘅全新髮型,並寫上「給自己最好的禮物就是每天給一個理由讓自己變得更不一樣,謝謝夥伴們讓我看到我沒有見到過的自己! ​​​」只見佢嘅髮型同之前因韓劇《梨泰院Class》男主角朴敘俊而迅速爆紅嘅「栗子頭」非常相似,不過佢上面嘅頭髮剪得再短啲,好似同「平頭裝」更加似?!

王浩信早前公開自己嘅全新髮型!Photo from 王浩信微博

而佢髮型似乎同《梨泰院Class》嘅栗子頭非常似!Photo from 王浩信微博

當時男主角朴敘俊嘅栗子頭髮型成功爆紅,仲帶領咗一陣「栗子頭」熱潮~Photo from 《梨泰院Class》劇照

內地網民反應不同!

過往王浩信成功憑俊俏嘅外型迷倒唔少內地女粉絲,但網民們都似乎對佢今次嘅新髮型有唔同嘅睇法。部份網民就大讚新髮型同佢非常合襯「所有髮型都carry得到」、「真是太有魅力了!」等;但有網民就覺得佢喺《盲俠大律師》(即香港劇集《踩過界》)中嘅髮型最靚仔,建議佢盡快留返長啲頭髮!

部份網民大讚王浩信嘅新髮型非常有型!Photo from 王浩信微博

大家又點睇呢?Photo from 王浩信微博

部份網民就強烈建議佢留返長啲頭髮?!Photo from 王浩信微博

即睇更多人氣文章:

過往曾出現不少「栗子頭」爆笑失敗照!

其實「栗子頭」睇落清爽俐落,但打理嘅時候卻並非如想象中容易,而且唔係個個人都適合呢種髮型㗎~過往朴敘俊喺YouTube頻道紀錄自己剪「栗子頭」嘅過程,仲話為咗保持髮型差唔多每4日就要修剪頭髮!而《梨泰院Class》爆紅嘅時候,唔少女友都要求男友嘗試呢個髮型,而網絡上都出現好多爆笑嘅「失敗照」!

而朴敘俊當時為咗保持髮型,經常都要去修剪頭髮!Photo from 박서준 Record PARK's @YouTube

網絡上亦有唔少網民分享剪髮成果,當中部份照片非常搞笑,令唔少網民感嘆「沒有顏值真的不要試!」Photo from 微博

近年積極拍攝抖音影片

此外,王浩信近年似乎想拓展事業圈子,努力經營自己嘅抖音帳號,經常都會拍攝唔同嘅影片俾內地網民觀看,包括:演短劇、運動、「扮王子」、跳手指舞、清唱等,真係好用心哄fans㗎!

王浩信近來積極經營抖音帳號Photo from 王浩信抖音

拍攝唔同嘅短片哄內地粉絲~Photo from 王浩信抖音

網民發現王浩信未有為陳自瑤送上生日祝福?!

而內地網民都非常關注王浩信嘅感情生活,有網民喺佢最新嘅post下面留言詢問有冇送禮物俾陳自瑤,而王浩信並未有作出任何回覆;亦有網民發現今年王浩信似乎忙於工作,未有透過社交媒體向老婆送上生日祝福。上個月王浩信同陳自瑤被爆出婚變傳聞,令二人嘅感情再度成為熱話,而男方就喺IG回應「一切安好,多謝大家關心🙏🏼」夫婦二人都澄清並無此事。

近日係陳自瑤嘅41歲生日,部份網民喺王浩信嘅微博下留言詢問佢「有冇幫老婆慶生?」Photo from 陳自瑤微博

2020年,王浩信仲有喺陳自瑤嘅IG post下祝福對方生日快樂,但被網民發現近呢2年都冇再留言?!Photo from 陳自瑤IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

傳陳自瑤王浩信正式離婚!女方要接受治療?一文睇過往屢傳婚變事件

廣告
廣告

16 Aug , 2022

陳自瑤王浩信結婚11年,近年兩人屢傳婚變,不過有指佢哋最近關係緩和,但娛樂新聞台卻引述報道指兩人已正式離婚!有指Yoyo更要接受治療抒解負面情緒,即睇兩人過往「婚變事件」。

陳自瑤同王浩信結婚11年

陳自瑤同王浩信屢傳婚變,近日被指關係緩和

陳自瑤同王浩信婚後育有一女,雖然結婚後佢哋一度以恩愛夫妻嘅形象示人,但王浩信劇接劇,曾與唔同女主角傳緋聞,近年更屢屢傳出同陳自瑤貌合神離,外界唔少報道直指兩人婚姻早已亮起紅燈!

陳自瑤同王浩信婚後育有一女,結婚後佢哋一度以恩愛夫妻嘅形象示人Photo from 陳自瑤微博

王浩信劇接劇,與唔同女主角傳緋聞,近年更屢屢傳出同陳自瑤貌合神離Photo from 王浩信IG

Yoyo近嚟事業迎來突破,首度擔任女主角,而老公王浩信則北上工作賺人仔,佢對Yoyo做女主角曾公開表示替對方開心。王浩信同陳自瑤早前分別公開與女兒王靖喬去迪士尼玩嘅相片,被指一家三口出遊,而Yoyo亦有公開提及老公王浩信,兩人關係似乎緩和不少。

Yoyo近嚟事業迎來突破,首度擔任女主角Photo from 陳自瑤IG

王浩信早前公開與女兒王靖喬去迪士尼玩嘅相片Photo from 王浩信IG

陳自瑤亦有公開喺迪士尼嘅自拍Photo from 陳自瑤IG

陳自瑤IG相揭有3份早餐,被指一家三口出遊Photo from 陳自瑤IG

娛樂新聞台引述報道指陳自瑤王浩信正式離婚

但娛樂新聞台官方Facebook卻引述報道指陳自瑤王浩信正式離婚嘅消息,據報道稱兩人將終結即將11年嘅婚姻關係,Yoyo更要接受療法以抒解負面情緒。王浩信則專注事業,報道表示王浩信將開設經理人公司,並簽約曾代表香港參加奧運會嘅劍擊運動員余繕妡,掀起網民熱議。

娛樂新聞台官方Facebook卻引述報道指陳自瑤王浩信正式離婚嘅消息Photo from 娛樂新聞台官方Facebook

據報道稱兩人將終結即將11年嘅婚姻關係,Yoyo更要接受療法以抒解負面情緒。王浩信則專注事業,報道表示王浩信將開設經理人公司Photo from 娛樂新聞台官方Facebook

王浩信曾與黃心穎傳緋聞,陳自瑤like鬧黃心穎post

陳自瑤同王浩信於2011年結婚,曾經愛得十分甜蜜,不時喺社交網站大晒恩愛,又會同場出席活動力撐對方,不過近年兩人婚變傳聞甚囂塵上。

陳自瑤同王浩信於2011年結婚,曾經愛得十分甜蜜Photo from 陳自瑤微博

王浩信2015年拍《東坡家事》時曾同黃心穎傳緋聞,雖然兩人一直否認戀情,但喺「安心事件」之後有網民發現陳自瑤喺微博like咗一個post。Post內容指黃心穎:「好好地對象站那兒卻跑去勾搭有夫之婦」,事後Yoyo極速unlike返,唔排除佢係一時錯手like錯咗,但亦有人認為佢係借機表態。

王浩信2015年拍《東坡家事》時曾同黃心穎傳緋聞Photo from 《東坡家事》

有網民發現陳自瑤喺微博like咗一個post。Post內容指黃心穎:「好好地對象站那兒卻跑去勾搭有夫之婦」Photo from 陳自瑤微博

陳自瑤無視老公王浩信生日祝福

之後王浩信拍劇又分別同蔡思貝、江嘉敏傳出緋聞,不過都已獲當事人澄清。2020年Yoyo 39歲生日就喺Istagram post出一輯靚相,IG留言區有勁多圈中好友為佢送祝福,Yoyo亦一一回覆,老公王浩信其實都有留言:「生日快樂🎂」,不過回晒好友嘅Yoyo就無回應到王浩信呢個留言。

2020年Yoyo 39歲生日就喺Istagram post出一輯靚相Photo from 陳自瑤IG

王浩信其實都有留言:「生日快樂🎂」,不過回晒好友嘅Yoyo就無回應到王浩信呢個留言。Photo from 陳自瑤IG

頒獎禮王浩信再奪視帝,陳自瑤台下「黑面」

到《萬千星輝頒獎典禮2020》,王浩信憑《踩過界2》再登上視帝寶座,喺事業再登高峰之際佢不忘多謝屋企人,佢發表感言時公開多謝老婆Yoyo陳自瑤悉心照顧女兒,不過當鏡頭影去Yoyo度時,只見Yoyo面無表情望住台上,令佢同王浩信夫妻不和嘅傳聞越傳越烈!

《萬千星輝頒獎典禮2020》王浩信憑《踩過界2》再登上視帝寶座Photo from 《萬千星輝頒獎典禮2020》

當鏡頭影去Yoyo度時,只見Yoyo面無表情望住台上Photo from 《萬千星輝頒獎典禮2020》

事後Yoyo解釋係因為當時分心咗,而且有傳媒影到頒獎禮完結後Yoyo都有喺台上主動擁抱丈夫王浩信。但《萬千星輝賀台慶2021》影大合照時,王浩信同陳自瑤兩夫婦企位相近,同場卻零交流,再被指貌合神離!

事後Yoyo解釋係因為當時分心咗,而且有傳媒影到頒獎禮完結後Yoyo都有喺台上主動擁抱丈夫王浩信。Photo from 陳自瑤IG

《萬千星輝賀台慶2021》影大合照時,王浩信同陳自瑤兩夫婦企位相近,同場卻零交流Photo from 陳自瑤IG

近嚟王浩信去內地搵真銀,Yoyo亦表示知道對方行程,更指女兒會同爸爸傾電話,王浩信宣傳內地新戲時,Yoyo亦有留言:「支持」,有指佢哋夫婦已和好如初,未料竟再傳婚變。

近嚟王浩信去內地搵真銀,Yoyo亦表示知道對方行程Photo from 陳自瑤IG

王浩信宣傳內地新戲時,Yoyo亦有留言:「支持」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel