查理斯三世繼位卡米拉修成正果 全民公敵到英女王認可? 成功坐正做王后

查理斯三世繼位卡米拉修成正果 全民公敵到英女王認可? 成功坐正做王后

時事熱話 生活熱話
By Moon Lam on 09 Sep 2022
Digital Content Writer

英國女王伊莉莎白二世(Elizabeth II),係當地時間8號晚上6點幾離世,享年96歲,英國王室大洗牌,查理斯三世繼任後,其妻子卡米拉(Camilla)終於由全民公敵到順利成為王后?

Getty ImagesPhoto from Getty Images

英國王室三角戀

查理斯王子、黛安娜王妃同卡米拉嘅三角關係一直為人津津樂道,英國人民普遍認為卡蜜拉係第三者,可以話係英國全民公敵。其實佢係查理斯王子認識黛安娜王妃前已經係查理斯王子嘅情人,可以話係「最強前女友」,佢同查理斯王子係一場馬球賽邂逅,之後一直保持親密關係,後來更加係由卡米拉提出分手。

Getty ImagesPhoto from Getty Images

曾分手後來復合

後來卡米拉已經結婚,但仍然同查理斯王子有婚外情,直到查理斯王子向黛安娜王妃求婚,舉行令人羨慕嘅世紀婚禮,而卡米拉亦曾退回朋友位置,甚至無再同查理斯王子來往。但後來又係查理斯王子向黛安娜王妃婚姻末期而死灰復燃,係兩人分居後兩年,查理斯王子先承認同卡米拉嘅婚外情。

Getty ImagesPhoto from Getty Images

黛安娜王妃爆婚外情

鑒於黛安娜王妃係近百年來最受歡迎嘅王室成員,而佢曾經係訪問中留下名句:「在一段婚姻中, 三個人太擁擠了。」令聽者心碎。據說黛安娜王妃嘅世紀婚禮雖然非常浪漫,但其實係兩人幾乎無感情基礎下完成,及後黛安娜王妃亦曝光卡米拉同查理斯王子嘅婚外情詳情。

Getty ImagesPhoto from Getty Images

被視為婚姻破壞者

而卡米拉之後亦離婚恢復單身,更頻繁出入查理斯王子嘅住所,令卡米拉成為眾矢之的,被視為破壞黛安娜王妃婚姻嘅第三者,民望極低,以至於後來黛安娜王妃同查理斯王子離婚,甚至因車禍離世,世人都認為同卡米拉同查理斯王子嘅關係息息相關。

Getty ImagesPhoto from Getty Images

廣告
廣告

婚後只以公爵夫人自居

兩人到2005年先公證結婚,但因為兩人都係婚外情,以及離婚後再婚,婚禮退不及黛安娜王妃嘅婚禮童話同浪漫,婚後亦相當低調。而黛安娜王妃即使離婚後仍保留「「威爾斯王妃」的頭銜,只係刪去「殿下」嘅尊稱;卡米拉同查理斯王子婚後正式頭銜為「康瓦爾公爵夫人」,名義上係「國王伴妃」。

Getty ImagesPhoto from Getty Images

民望不支持成為王后

卡米拉最初表示自己無意成為王后,而有關佢可唔可以成為「王后」一直係英國民眾嘅敏感話題,2010年英國民調顯示反對佢成為王后民眾高達52%,多數人都認為佢只可以最多以「王妃」身份係英國皇室立身。隨著時間過去,佢嘅民望略有提升,但2014年嘅民調顯示仍有32%英國人唔同意佢成為王后。

Getty ImagesPhoto from Getty Images

英女王一句「扶正」

仍然係結婚17年後,英女王伊利沙白二世係2月6號慶祝登基70週年,係發表白金禧講話時提到,希望查理斯王子係繼位後民眾可以給予一樣程度嘅支持,更點名:「我誠摯的希望,在那時候,卡蜜拉會被稱作王后(Queen Consort)。」英女王一句說話,被視為清除卡米拉成為王后嘅最後一道屏障,而查理斯王子對母親「扶正」卡米拉亦表示感謝,發聲明指:「愛妻一直是我堅強的後盾。」

Getty ImagesPhoto from Getty Images

查理斯王子終放下心頭大石

查理斯王子被稱為世界上等待繼承王位最耐嘅王儲,如今英女王離世,佢亦終於繼位成為查理斯三世,對於愛妻一直無法成為王后嘅執念亦可以放下。英女王為Queen Regnant,意指女性嘅國王,卡米拉將以「王后」Queen Consort封銜。

英女王伊利沙伯二世(Queen Elizabeth II )於9月8日病逝,享年96歲。Photo from FB@The Royal Family

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel