聲夢傳奇2|Eric Kwok孖女團XiX跳舞!挑戰高難度動作,完夢後激動爆喊!

聲夢傳奇2|Eric Kwok孖女團XiX跳舞!挑戰高難度動作,完夢後激動爆喊!

電視電影 娛樂新聞
By Stephanie on 11 Sep 2022
Digital Content Writer

聲夢傳奇2》於昨晚(10日)播放第12集,導師們將會同學員們一齊表演,當中最受關注嘅就係紅隊及藍隊總監們之間嘅「對決」喇。紅隊導師Eric Kwok仲挑戰同女團XiX跳舞,做多個高難度動作,真係非常博命㗎!

Eric Kwok大突破!同女團XiX一齊跳《重口味》獲讚Photo from 《聲夢傳奇2》

Eric Kwok 帶領女團XiX表演《重口味》

節目率先播放隊伍們準備表演嘅排練片段,只見Eric Kwok向6人女團XiX講述選擇《重口味》作為表演歌曲嘅原因,仲問大家有冇聽過呢首歌,不過XiX嘅成員們就回應得有啲遲疑「有聽過歌名,但冇真係聽過首歌」,畢竟XiX成員們嘅平均年齡只係得14歲,可能難以引起佢哋嘅共鳴。

Eric Kwok詢問XiX成員有冇聽過《重口味》Photo from 《聲夢傳奇2》

XiX成員們大部分都冇聽過《重口味》呢首歌!Photo from 《聲夢傳奇2》

XiX成員一致認為表演難度極高!

XiX 成員們表示今次《重口味》嘅舞蹈表演係難度最高嘅一個表演,「平時可能跳啲cute啲嘅歌,但今次所有動作都要大力」,當中有幾位成員仲要嘗試翻跟斗等高難度動作;而且歌曲速度快,令佢哋都花多咗時間練習唱歌!

XiX成員話今次《重口味》嘅表演係最高難度嘅一次!Photo from 《聲夢傳奇2》

而且歌曲節奏好快,所以唱歌咬字都要花時間練習!Photo from 《聲夢傳奇2》

Eric Kwok努力練舞跟上大隊

48歲嘅Eric Kwok(郭偉亮)今次亦要同XiX一齊跳舞,據悉係佢睽違8年再次跳舞,而佢就講笑咁話「希望跳埋今次可以有排都唔洗再跳住」而學員們都大讚佢勤力,一有空檔就會練舞,令佢哋動力大增!

Eric Kwok話自己上一次跳舞已進化喺8年前Photo from 《聲夢傳奇2》

XiX成員大讚佢平時抓緊時間練舞,好少休息。Photo from 《聲夢傳奇2》

即睇更多人氣文章:

成功完成翻筋斗+後空翻高難度動作!

表演期間,Eric Kwok需要完成翻跟斗嘅高難度動作,對於佢而言無疑係難度極高嘅!喺表演完滿結束後,Eric Kwok似乎大受感動而眼濕濕,令主持人森美都忍唔住話「唔好喊啦!你好陰公咁,係咪跳得好辛苦啊?!」

Eric Kwok先自行翻跟斗Photo from 《聲夢傳奇2》

再喺2名導師嘅協助下完成後空翻,令在場導師拍晒手掌!Photo from 《聲夢傳奇2》

森美見到Eric Kwok喊忍唔住安慰對方!Photo from 《聲夢傳奇2》

Eric Kwok感動爆喊:我都有個夢想!

Eric Kwok表示自己細個好鍾意睇古裝片,所有一直都有個夢想「我想做個後空翻,但呢個夢想一直都丟低咗!」仲開始講到哽咽「我要同你哋一齊捱,我都會好驚!」

Eric Kwok自爆做後空翻係佢一直以來嘅夢想!Photo from 《聲夢傳奇2》

希望透過自己嘅行動鼓勵大家追夢Photo from 《聲夢傳奇2》

練習期間全身都係傷!

而佢就話自己練習咗一個月上咗10堂「但其實得5堂係有料到,因為我其餘5堂都整親」,坦承自己因為肌肉量唔多,導致全身好多地方都受傷,就連胳肋底都傷埋!

佢表示為咗挑戰自我,今次成身傷晒!Photo from 《聲夢傳奇2》

而過往甚少跳舞嘅佢,第一次體驗全身酸痛嘅感覺Photo from 《聲夢傳奇2》

部分網民持不同意見?!

雖然大部分嘅網民都好欣賞Eric Kwok及XiX今次落力練舞,大讚佢哋表演完成度高!不過部分網民依然覺得XiX嘅年紀太細,暫時唔太適合出道;亦有網民覺得Eric Kwok今次罔顧自己嘅身體狀況並唔值得。

廣告
廣告

雖然大部分網民都大讚佢哋嘅努力,但亦有網民有其他睇法!Photo from TVB YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

聲夢傳奇2|Gin Lee發火想辭職,直斥學員唔識珍惜:導師唔係保母

29 Aug , 2022

聲夢傳奇2》早前播出第10集,繼續紅藍隊大對決。不過紅隊就似乎喺排練期間因為團體精神而出現問題,令幾位導師都十分不滿,Gin Lee(李幸倪)更嬲爆話要辭職唔做導師。其實佢早前呻導師為學員付出咗好多時間同心機。

《聲夢傳奇2》早前播出第10集,繼續紅藍隊大對決。Photo from 《聲夢傳奇2》

《聲夢傳奇2》藍隊Timothy、Nicole被淘汰

《聲夢傳奇2》以新賽制比拼,紅隊同藍隊喺五個回合內對決,最終落敗嘅隊伍要淘汰2位學員。頭兩round紅隊都勝出,與藍隊嘅比分為31:19,領先對方不少。

紅隊以64比61分勝出Photo from 《聲夢傳奇2》

不過藍隊仍然未放棄,全隊人落力演出,不過最終仍然係紅隊以64比61分勝出。藍隊導師需相討選出被淘汰嘅2位學員,結果藍隊嘅Timothy(陳昊廷)以及Nicole(蕭呈謙)都被淘汰。

結果藍隊嘅Timothy(陳昊廷)以及Nicole(蕭呈謙)都被淘汰。Photo from 《聲夢傳奇2》

紅隊團體合作不佳,導師不滿

雖然紅隊贏咗,但幾位導師都唔太滿意學員嘅表現。喺綵排最後Encore環節嘅時候,紅隊全隊上陣唱《We Will Rock You》、《We Are The Champions》,但就連隊員都覺得配合得唔好,原來年齡較細嘅女團XiX成員要考試,所以夾唔到,等佢哋考完試先再練,但就發現已經太遲。

綵排最後Encore環節嘅時候,紅隊全隊上陣唱《We Will Rock You》、《We Are The Champions》,但就連隊員都覺得配合得唔好Photo from 《聲夢傳奇2》

喺導師面前排練時表現亦十分唔理想,Eric Kwok(郭偉亮)直言仲有5日就要比賽,學員嘅表現好似「細路仔玩泥沙」,佢亦多次強調要有團隊精神,做好個show。

Eric Kwok(郭偉亮)直言仲有5日就要比賽,學員嘅表現好似「細路仔玩泥沙」Photo from 《聲夢傳奇2》

Eric Kwok強調要有團隊精神,做好個show。Photo from 《聲夢傳奇2》

Gin Lee發火爆想辭職

其實紅隊喺後面兩輪都係輸畀藍隊,但靠前面3round嘅勝利,仍然勝出呢場對決,因此即使紅隊勝出,導師都搵咗紅隊學員嘅不足之處,Eric Kwok指佢哋唔及藍隊內地嗰團火,只得表面,但就欠缺咗內在嘅嘢。而Gin Lee更發火大鬧,指學員喺出賽對自己無自信,不停打沉自己:「呢個態度絕對唔要得,我嬲到唔想再做你哋導師,講真,我想辭職!」

Eric Kwok指佢哋唔及藍隊內地嗰團火,只得表面,但就欠缺咗內在嘅嘢。Photo from 《聲夢傳奇2》

Gin Lee更發火大鬧,指學員喺出賽對自己無自信Photo from 《聲夢傳奇2》

Gin Lee:「呢個態度絕對唔要得,我嬲到唔想再做你哋導師,講真,我想辭職!」Photo from 《聲夢傳奇2》

斥學員唔識珍惜

幾位導師為咗排學員都付出咗好多,每次錄影完導師仍然為學員們下一round嘅選曲討論到凌晨4點幾,甚至更要押後自己嘅工作,Gin Lee坦言試過被學員激到發脾氣,陪學員採排到凌晨1點但佢哋仍表示好無信心,Gin Lee即直斥:「導師唔係保母!你哋唔珍惜,我就唔做導師喇!」佢表示之後學員態度有改變,但就指下次再收到做導師邀請,佢要慎重考慮。

每次錄影完導師仍然為學員們下一round嘅選曲討論到凌晨4點幾Photo from 娛樂新聞台

Gin Lee坦言試過被學員激到發脾氣,陪學員採排到凌晨1點但佢哋仍表示好無信Photo from 《聲夢傳奇2》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel