梅啟明稱兒子病重向梅媽索錢 仔仔踢爆大話連篇 保單被cut無得睇醫生?

梅啟明稱兒子病重向梅媽索錢 仔仔踢爆大話連篇 保單被cut無得睇醫生?

時事熱話 生活熱話 娛樂新聞
By Moon Lam on 13 Sep 2022
Digital Content Writer

已故歌手梅艷芳哥哥梅啟明被網民封為「遺產界KOL」,近年來出現係新聞都係同錢有關,早前佢同梅媽覃美金母子關係決裂,最近佢又稱兒子Richard患病,要為佢籌錢醫病,不過就被踢爆全部都係大話!

新聞圖片Photo from 新聞圖片

稱梅媽被看護及姪仔禁錮

梅啟明近日曾聱稱梅媽覃美金被照顧佢嘅姑娘同姪仔梅柏麟禁錮,入稟高院控告兩人以索償800萬,佢指梅媽被兩人軟禁係海濱花園一個單位,阻止梅媽同佢接觸、比生活費佢,仲濫用梅媽嘅生活費。而梅媽就係接受訪問時否認被禁錮,梅媽澄清:「鄭姑娘好到搵唔番第二個,我點會畀人禁錮,冇咁嘅事」,又指梅啟明想錮佢就真,表示自己係為咗避佢而搬到咁遠,但梅啟明樣樣錢字行先,攞錢金額同時間都唔固定,所以佢比唔到,亦稱自己都係靠梅艷芳嘅遺產作生活費。

電視截圖Photo from 電視截圖

梅媽曾承諾比500萬

梅啟明又稱梅媽曾經向佢承諾,如果梅啟明活過70歲,就會比500萬佢,所以係黎搵梅媽兌現承諾。佢指自己身在馬來西亞嘅兒子Richard頸上出現腫瘤,所以要籌錢為兒子治病:「而家我個仔喺馬來西亞,發現頸附近有不明腫瘤,唔知係唔係癌症。」所以想話梅媽知個孫身體出事,並籌錢送兒子返香港幫佢醫病。

新聞圖片Photo from 新聞圖片

梅媽要求出示醫生紙

不過梅媽就係訪問中表明唔信梅啟明嘅兒子出事,要求梅啟明出示醫生紙,如果係真嘅佢就盡自己所能去幫。又指責梅啟明老婆同仔都唔顧,「幾十歲仲去搵女人搞搞震」,仲大爆梅啟明係美國仲有風流債,有兩個仔。梅媽表示梅艷芳嘅遺產係用黎做生活費,每一分一毫都係辛苦錢,唔會比錢梅啟明用黎「玩女人」。

新聞圖片Photo from 新聞圖片

仔仔Richard現身踢爆

廣告
廣告

而當事人Richard亦現身解畫,不滿爸爸梅啟明大話連篇,利用佢黎拎錢。佢指梅啟明根本無關心過佢,不單止唔願意用短訊聯絡,就連多次比電話比對方,梅啟明都因泰籍情人阻止而無聽電話。去年年底Richard跟隨媽媽Joey回港處理梅啟明偷食嘅事,不過梅啟明完全無悔意,更喝罵母子二人,令Richard出現情緒問題,頸部先至會出現腫起嘅情況,佢更加大爆自己無得睇醫生,係因為梅啟明令自己唔見咗保險醫療卡。

電視截圖Photo from 電視截圖

Richard被cut保險!

Richard亦指母親Joey曾經將佢頸部腫起嘅相傳送比梅啟明,不過對方就無回覆,後來就同人講Richard疑似患癌,令大家都以為Richard病重,從而籌得款項。事實上梅媽曾經比錢梅啟明,叫佢幫Richard買儲蓄保險,上年再加一份意外保險,但近日梅啟明已經將Richard嘅保單取消,仲將保單10萬元左右嘅款轉為幫自己買另一份保險,受益人更加係泰籍情人。

新聞圖片Photo from 新聞圖片

多次欺騙終離婚收場

Joey之前回港曾三度報警求助,最嚴重嘅一次梅啟明更出手傷及Richard。當時Richard發現泰籍情人嘅醫院信件,梅啟明怕被Richard見到信件內容而將佢推落地受傷,更立刻離開。Joey因為Richard受傷而去警署備案,警方話可以立即拘捕梅啟明﹐但Joey因心軟而取消追究,事件最後交由社工處理。

電視截圖Photo from 電視截圖

Joey亦曾踢爆梅啟明多次欺騙,曾經因梅啟明嘅悔過書而心軟,梅啟明叫佢帶Richard返港讀書,到辦好退學手續同機票又叫佢地唔好返香港,並指係因為無地方住,但Joey知梅媽曾經比過10萬梅啟明做搬遷費,梅啟明就講大話無收過錢,後來發現原來係用筆錢同女友搬咗,令Joey同Richard兩頭唔到岸,最後狠心離婚。

電視截圖Photo from 電視截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel