香港迪士尼樂園煙花表演只得30秒,臨時取消令遊客白等近3小時!官方處理手法惹網民憤怒?

香港迪士尼樂園煙花表演只得30秒,臨時取消令遊客白等近3小時!官方處理手法惹網民憤怒?

時事熱話 生活熱話
By Stephanie on 13 Sep 2022
Digital Content Writer

香港迪士尼樂園最近推出全新小狐狸公仔LinaBell,並於中秋節前夕(9/9)正式登場,令唔少人都選擇當日入園一睹風采~然而,當日卻因為煙花表演臨時取消引發熱議;據悉煙花只係表演咗30秒就完咗,令喺夏日炎炎等待咗將近3個鐘頭嘅遊客感到極不滿!

香港迪士尼樂園於上星期五(9/9)突然取消煙花表演,令遊客們喺炎熱天氣下白等2小時,令佢哋超不滿!Photo from 香港迪士尼FB

全新角色LinaBell 登陸香港迪士尼樂園!

上星期五(9/9)適逢係中秋連假前一日,唔少人都會選擇一家大細去主題樂園遊玩~而當日仲係迪士尼人氣公仔Duffy與好友嘅全新人物「LinaBell」正式登陸樂園嘅日子,令期待已久嘅網民們都決定入園迎接LinaBell嘅到來!

9月9日係LinaBell角色喺香港迪士尼樂園登場嘅日子!Photo from 香港迪士尼樂園FB

唔少網民都為咗迎接可愛嘅LinaBell而入園!Photo from Presslogic

煙花表演大獲好評,成為唔少遊客入園原因!

而喺今年6月18日開始嘅「迪士尼星夢光影之旅」亦成為唔少遊客入園嘅原因,事關今次係迪士尼事隔4年再度恢復夜間煙花表演。據悉煙花表演係迪士尼首次運用大型立體光雕投影技術,並集合逾40套經典迪士尼及Pixar動畫嘅作品,獲得唔少網民嘅好評!

「迪士尼星夢光影之旅」今年6月18日開始登場,每個星期都會喺樂園網頁公佈演出時間!Photo from 香港迪士尼

而且煙花仲配合埋燈光投射,包含逾40套迪士尼經典動畫內容,廣受好評!Photo from 香港迪士尼

9月9日夜間煙花表演得30秒?!

然而喺上星期五(9/9),正當遊客們興致勃勃咁等待咗接近2個鐘頭,霸定最佳位置觀賞煙花表演;不過當日嘅煙花只係開始咗30秒就冇咗,轉眼即逝!由網民上載嘅影片所見,30秒嘅表演內只係得燈光投射嘅效果,並未有任何煙花效果,懷疑同煙花技術出現問題有關?!部份喺現場嘅網民表示聽到30秒表演嘅音樂laglag地,推測係音響出問題。

有網民上載當日「30秒煙花」嘅表演,只見只係得燈光投射嘅效果,並未有任何煙花出現!Photo from 香港迪士尼樂園FB

部份當日喺現場嘅遊客猜測同音響問題有關?!Photo from 連登討論區

而香港迪士尼樂園度假區發言人最新回覆:

9月9日晚的「迪士尼星夢光影之旅」因技術故障取消。樂園團隊已極力嘗試搶修,最終未能如期演出。謹此向受影響的賓客致歉。9月10日及之後的「迪士尼星夢光影之旅」會按照原定安排上演,節目資料可參閱香港迪士尼官方網頁。

 

即睇更多人氣文章:

工作人員「彈出又彈入」令遊客憤怒!

隨後,樂園突然宣佈煙花表演取消,但5分鐘後工作人員又改口指煙花只係延遲表演,令遊客們再次回到位置等待。可惜喺遊客們再等咗20分鐘後,工作人員又再次宣佈煙花表演取消,令唔少遊客都對樂園「彈出又彈入」嘅態度感到不滿,紛紛走到客服中心要求提供合理嘅解釋!

唔少遊客喺煙花取消後,都紛紛去客服中心要求合理嘅解釋!Photo from 連登討論區

官方暫時尚未有任何回應!

事隔4日,香港迪士尼樂園一方尚未對9/9臨時取消煙花表演而作出回應,令好多遊客都喺FB post下面留言批評迪士尼嘅應對方法「等咗成個2.5hr先話取消」、「當無事發生咁搞笑?」等;亦有當日入園嘅遊客不滿要求「回水」,指自己俾錢買飛完全係為咗睇煙花!

唔少網民湧入香港迪士尼樂園嘅FB狠批!Photo from 香港迪士尼樂園FB

廣告
廣告

香港迪士尼樂園嘅社交媒體帳號依然有更新,但唯獨冇回應9/9臨時取消煙花嘅原因,令唔少網民都好嬲!Photo from 香港迪士尼樂園IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

迪士尼小狐狸Linabell Q爆登場 30款新品!必買獨家頭箍+粉嫩尾巴

9 Sep , 2022

Duffy的最新好友粉嫩小狐狸Linabell今日已登陸香港迪士尼,除了有新角色之外,當然不少得近30款的主題新品,必買香港獨有的Linabell頭箍和萌粉尾巴,十分可愛!

迪士尼角色Duffy的最新好友Linabell今日正式於香港迪士尼登場!為了歡迎小狐狸,迪士尼特別為Linabell舉辦歡迎派對,於奇妙夢想城堡前與各位粉絲見面!

迪士尼角色Duffy的最新好友Linabell今日正式於香港迪士尼登場!Photo from Presslogic

為了歡迎小狐狸,迪士尼特別為Linabell舉辦一個歡迎派對,於奇妙夢想城堡前與各位粉絲見面。Photo from Presslogic

30款的主題商品

迪士尼隨即推岀近30款Linabell主題商品,包括一系列生活用品和飾品等,當中必買香港獨有Linabell頭箍,有2款款式選擇,不過暫時只可於網上預訂,樂園內未公開發售。另外超可愛粉嫩尾巴都不能錯過,綁上尾巴後再扮演Linabell必定入型入格!而少女感滿滿的背包和文具系列也值得入手。

當中必買香港獨有Linabell頭箍,有2款款式選擇,不過暫時只可於網上預訂,樂園中未有售賣。Photo from Presslogic

另外超可愛粉嫩尾巴都不能錯過,綁上尾巴後,再扮演Linabell必定入型入格!Photo from Presslogic

Linabell主題食品

除了新品外,樂園中的餐廳和酒店亦推岀一系列Linabell甜品,必食放大鏡軟雪糕,可以於小鎮雪糕店購買。另外人氣之選的Linabell爆谷筒更不能錯過,聽聞於日本一推岀後,已經被一掃而空!酒店和餐廳亦有推出一系列主題甜品,例如Duffy fans造型雪條,多款甜品也印有可愛的Linabell圖案。

另外人氣之選的Linabell爆谷筒更不要錯過,聽聞在日本一推岀後,已經被一掃而空!Photo from Presslogic

打卡位+園內活動

樂園中有多個打卡位,分別散佈於美國小鎮大街中的商舖,還可以排隊與Duffy及Linabell一起來個自拍時刻。另外更可到動畫藝術廊,讓粉絲繪岀粉萌的Linabell圖案,慢慢跟著導師畫畫,新手亦可以畫得似模似樣!而於9月9日至11日期間,樂園中會岀現Linabell地畫,大家可以發掘更多小狐狸的蹤影。

樂園中有多個打卡點,分別散佈於美國小鎮大街中的商舖,還可以排隊與Duffy及Linabell一起來個自拍尊享時刻。Photo from Presslogic

而於9月9日至11日期間,樂園中會岀現Linabell地畫,大家可以發掘更多小狐狸的蹤影。Photo from Presslogic

更多【香港好去處】請按此

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel