禮記推90分鐘高級點心放題 $199/位 任食超30款新派中式點心

同朋友聚會食親都係打邊爐、日韓式放題同燒肉，今次特別少少試下中式放題？禮記今次推高級點心放題，價錢低至$199，就可以係90分鐘入面任食多款星級滋味中式點心，蝦餃皇燒賣皇絕對係基本啦，即睇優惠詳情！

禮記以新式手法融入舊式傳統菜式，是次放題更由曾任職多間米芝蓮星級餐廳嘅爵哥主理，炮製出多款高質素點心，賣相得體之餘每款都好滋味～有超過30款選擇任食，優惠價只需$199，平時飲茶都唔止！

蒸點包括禮記黑金蝦餃皇、黑魚子燒賣皇、蛋煎糯米雞、鮮竹陳皮牛肉球、醬皇蒸鳳爪、北菇棉花雞同金菊卷，招牌蝦餃燒賣啖啖足料架！

腸粉方面可以選擇香茜叉燒腸粉、香滑即拉布腸粉同XO醬炒腸粉，腸粉皮超薄！

炸點有香茜鹹水角、酸甜炸雲吞、迷你春卷、迷你咖喱角同芝麻明蝦桶，每件都炸到卜卜脆，一定要每款都試齊先走！

包點方面唔少得港人最愛蜜味叉燒包同黑金流沙包，仲有古早味馬拉糕同造型趣怪得意嘅小王子-豆沙包同眼鏡仔-奶黄包。

小食有麻辣手拍青瓜條、涼拌酸辣土豆絲，仲有比較少見嘅客家撈魚皮，夏日透心涼之選～

小菜方面有麻辣口水雞、葱油貴妃雞、懷舊鳳梨咕嚕肉、蒜蓉炒時蔬、白灼時蔬，有肉又有菜！

主食包括豉油皇炒河、鹹魚雞粒炒飯、蛋白鮮蝦炒飯同千炒公仔麵，而甜品就有養顏千層紅棗糕、養生黑糖薑汁糕同椰汁杞子桂花糕，款款經典得黎唔會過時，一定食得好滿足！仲可以$10升級至汽水任飲！

地址：將軍澳唐俊街23號MONTEREY Place地下G19號舖
營業時間：星期一至日及公眾假期：11:30 AM - 10:00 PM
電話：2861 1226

>>>立即預訂禮記高級點心放題<<<

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）