威廉成王儲繼承超10億英鎊領地 年收入暴增5倍以上 成英國「大地主」

威廉成王儲繼承超10億英鎊領地 年收入暴增5倍以上 成英國「大地主」

時事熱話 生活熱話
By Moon Lam on 14 Sep 2022
Digital Content Writer

英女王伊莉莎白二世辭世後由查理斯三世繼任國王,而長子威廉王子亦隨之成為王位第一順位繼承人,被授予「威爾斯親王」同「康和公爵」頭銜,佢同凱特王妃嘅年收入將暴增約5倍,仲將會繼承10億英鎊以上嘅遺產!

美聯社Photo from 美聯社

威廉凱特王室地位升級

威廉王子原為劍橋公爵殿下,而查理斯三世登基後,威廉王子亦自動繼承代表君主長子嘅「康和公爵」爵位,同時又被冊封王儲專屬「威爾斯親王」頭銜;而凱特王妃則同時為劍橋、康和公爵夫人,以及威爾斯王妃。

美聯社Photo from 美聯社

繼承超10億英鎊領地!

兩人除咗頭銜再升一級,更繼承超過5.2萬公頃嘅康和公國領地,價值超過10億英鎊(約90億港元),包含英格蘭和威爾斯等20郡,包括德文郡(Devon)、肯特郡(Kent)、卡馬森郡(Carmarthenshire)及諾丁罕郡(Nottinghamshire)等。

衛報Photo from 衛報

領地內多半係農田,亦有住宅、商業地產、森林、河流同海岸,當中更包括達特穆爾國家公園(Dartmoor)、國家公園曾經用於開採錫、銅等礦物。此外,領地亦有倫敦市中心嘅橢圓形板球場(Oval cricket ground)、達特穆爾監獄(Dartmoor prison)、洛斯特威希爾區(Lostwithiel)嘅植栽中心等特別資產,淨資產價值大部分都來自不動產投資。

達特穆爾國家公園官網Photo from 達特穆爾國家公園官網

曾為查理斯三世賺2100萬英鎊

據外媒報導,康和公國領地係過去半世紀為查理斯三世帶來可觀收入來源,康和公爵領地網站說明,領地內莊園每年有數百萬英鎊收入﹐而收入被用於資助查理斯「公共、私人和慈善活動」,查理斯更係2017年賺得約2100萬英鎊(約1.9億港元)。

APPhoto from AP

廣告
廣告

威廉、凱特夫婦之前都曾經受領地收入資助,2020年夏天,佢地嘅活動費總共係440萬英鎊(約4000萬港元),但當時哈利同梅根未退出王室,所以呢筆收入由兩對夫婦平分,而威廉現時已成為英國嘅「大地主」,負責經營、管理康和公國領地嘅新工作,年收入同之前差得遠,可以為妻子凱特及子女提供更豐富資源。

路透社Photo from 路透社

英女王私人財產得約4億英鎊

而查理斯三世將會繼承英女王嘅財產,雖然英女王在任70年,但外界估計其私人財產大約得4億英鎊(約36億港元)。不過英女王嘅財富不限於個人財產,而大部分財產屬於王室公司Monarchy PLC,由英女王領導溫莎王室成員組成及管理,持有約280億美元房地產資產,不過無法被出售。

GETTYPhoto from GETTY

估計威廉將經營王室事業

王室傳記作者塞華德(Ingrid Seward)受訪表示威廉或會用呢筆資金經營自己嘅王室事業,不過未必係短期內起步。威廉係近年發起「為地球奮鬥獎」(Earthshot Prize)嘅環境氣候貢獻獎項,每年選出5名得獎者,派發100萬英鎊嘅獎金;而凱特王妃係2021年成立皇家基金會幼兒中心(Royal Foundation Centre for Early Childhood)。佢地亦嘅慈善工作根據領域分工,威廉專注於支援緊急救難人員及男性心理健康問題,而凱特就關注於兒童早期發展方面。

berlinerPhoto from berliner

威廉民間支持度超高!

威廉嘅生母戴安娜王妃係1997年因車禍逝世,當時15歲嘅威廉成為傳媒焦點。佢根據英國王室傳統就讀頂尖私立學校,又係軍中服役,加上積極履行王室職務同參與公益活動,令佢係英國嘅支持度達75%,僅次於英女王在任時,而父親查理斯只得54%,弟弟哈利更只得32%支持度。

路透社Photo from 路透社

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel