台灣客人呻買香港名牌月餅中伏 流心月餅變空心月餅 網友解釋其實正常?

台灣客人呻買香港名牌月餅中伏 流心月餅變空心月餅 網友解釋其實正常?

時事熱話 生活熱話
By Moon Lam on 16 Sep 2022
Digital Content Writer

購物時想試新嘢唔多唔少都會「中伏」﹐不過今次竟然係香港知名品牌月餅?有台灣人係網上發文指對香港月餅勁失望,指流心奶黃月餅偷工減料,變咗真係「流心」?有網民就解釋真相!

《開心速遞》劇照Photo from 《開心速遞》劇照

台網友分享購買香港月餅

有台灣網友係Facebook群組「Costco好市多 商品經驗老實說」發文,指上月底係好市多買咗兩盒香港知名品牌嘅月餅,原價要2249台幣(約563港幣),減去折扣250台幣只需1999台幣(約港幣501港幣),價格並不便宜。

Facebook群組截圖Photo from Facebook群組截圖

切開月餅後超失望!

而樓主係切開月餅後深感失望,指「中間那個洞會不會太誇張,技術不好,功力不夠還是偷工減料?」,又以台灣牌子嘅流心奶黃月餅比較,指台灣月餅雖然蛋黃唔多,至少內餡滿滿,更提到如果唔係其中一盒已經送咗比人,絕對會退貨,狠評:「什麼爛東西?下次絕對不會再買。」

Facebook群組截圖Photo from Facebook群組截圖

兩地月餅比較

從樓主上載嘅照片可見,左邊嘅台灣月餅比較細件,餡料偏實身,似乎無咩流心;而右邊嘅香港月餅較大件,雖然見到中間空咗一個窿,但都可以明顯見到周圍金黃色流心奶黃餡料。

Facebook群組圖片Photo from Facebook群組圖片

流心變空心月餅?

廣告
廣告

有台灣網民睇完之後覺得香港月餅名不符實,指要改名做「空心月餅」,又指流心奶黃月餅真係「流心」,變咗個窿,直言「名牌是大家追求的,其實沒牌的更好吃」、「除非受贈者指名要這品牌,否則送了有時候反而失禮」,更附上新鮮買滿滿流心餡嘅月餅照。有人更笑言月餅中間空心係為咗要塞紙條,真係跟足傳統!

網友分享自己係本地買嘅月餅Photo from Facebook群組截圖

網民指可能擺耐咗

不過有網民就指出左邊嘅台灣月餅其實唔算流心,反而算偷料,「流心月餅右邊比較像,左邊那餡算流心嗎?」,話流心月餅本來就係咁嘅樣。有人就問樓主係咪擺得耐咗,「其實你以為的流心,只是充滿油脂的內餡,放久了油被餅皮充分吸收,就只剩脫油的內餡跟更油的餅皮」,樓主就表示明白,低保存期限內就出現呢種情況令佢無法認同。

Facebook群組截圖Photo from Facebook群組截圖

烘培達人澄清情況正常

後來亦有自稱做烘培嘅網友幫手澄清,指左邊嘅台灣月餅其實係流心餡夾得太少,「根本沒有流」,而右邊嘅香港月餅先係正常,「原理是包入冷凍的液態餡烤的時候加熱融化才會流心」,所以中間會有空洞,亦有人表示應該加熱後食用,仲提醒大家唔好食太多呀!

Facebook群組截圖Photo from Facebook群組截圖

Facebook群組截圖Photo from Facebook群組截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel