莊思明自爆今年內與楊明結婚,只欠求婚儀式?坦承疫情下燉湯生意大蝕過千萬!

莊思明自爆今年內與楊明結婚,只欠求婚儀式?坦承疫情下燉湯生意大蝕過千萬!

娛樂新聞
By Stephanie on 21 Sep 2022
Digital Content Writer

2010年港姐季軍莊思明同男友楊明拍拖6年,二人經歷咗唔少波折,彼此都視對方為結婚對象~近日,莊思明喺接受傳媒訪問時自爆因為做生意等問題,導致蝕咗過千萬;但就話可能會今年內結婚!而佢亦sweet爆大讚最愛男友嘅性格,但唯獨唔太滿意佢呢樣嘢?!

莊思明近日自爆會於今年內結婚,曾揚言非君不嫁!Photo from 莊思明IG

自爆可能今年內結婚!

日前,莊思明接受其他媒體採訪自爆有機會於今年內與男友結婚,透露喺馬來西亞嘅父母近日正考慮來港探望,所以唔排除會簽咗紙先。過往曾父親係大馬拿督身份而被爆家底豐厚嘅佢,原來事業都因為疫情而大受影響!佢表示餐廳生意損失非常大,足足蝕咗過千萬;加上男友近年上庭所花費嘅費用,令二人本身儲落嘅錢都已經少咗好多。

莊思明近日受訪時自爆可能會喺今年內結婚?!Photo from 楊明IG

大呻男友尚未正式求婚?

莊思明曾話過最愛楊明嘅性格,大讚佢堅強及樂觀,仲話對方私底下能夠俾到足夠嘅安全感佢;不過佢今次受訪時就抱怨男友唔夠浪漫!事關男方都宜家都尚未正式向佢求婚,仲話覺得現時嘅生活已經好似結咗婚咁。不過楊明咁疼愛女友,相信求婚事宜應該都喺佢掌握之中喇~

但佢大呻男友唔夠浪漫,到宜家都仲未求婚Photo from 莊思明IG

楊明近日返內地拍戲做男一

雖然楊明近年新聞多多導致形象插水,但大台並未有因此而「放棄」佢!早前,楊明獲安排到內地佛山拍攝由王晶執導嘅劇集《一舞傾情》做男主角,並與姚子羚、蔡潔等合作,而莊思明都有份出演劇集,實行有錢齊齊搵~

近日楊明獲公司安排返內地拍戲,仲做埋男主角!Photo from 楊明IG

而莊思明都有份出演劇集,據悉已經喺今年7月拍攝完畢。Photo from 莊思明微博

即睇更多人氣文章:

莊思明 楊明於2016年公開戀愛

現年35歲嘅莊思明喺2010年參加香港小姐競選而入行;喺2016年,佢同男藝人楊明公開承認戀情。交往6年間二人經歷唔少風雨,但佢哋嘅感情都非常穩定~二人喺2018年合資一齊投資燉湯餐廳生意「燉」,開業短短一年就已經喺香港開咗3間分店,成績尚算唔錯!

莊思明喺2010年榮獲香港小姐季軍!Photo from TVB

2018年莊思明同男友楊明合資投資燉湯生意Photo from 莊思明IG

燉湯生意受疫情影響

由於莊思明家底豐厚,部份網民批評楊明靠女友開餐廳「食軟飯」,而莊思明就喺IG上載千字文反駁「我可以好肯定咁話比大家聽,楊明冇用過我一分一毫」,霸氣護男友!不過後來生意卻受到疫情影響,於今年2月開始結束經營大部分嘅分店門市,並改為網上訂購服務。

楊明曾被網民狠批「食軟飯」,當時莊思明喺IG寫下千字文為男友反駁!Photo from 楊明IG

2020年男友駕車出意外鬧上法庭

同一時間,楊明喺2020年8月揸車自炒撞毀山頂馬己仙峽道嘅八十年歷史石牆,事後因為拒絕提供血液樣本而鬧上法庭。儘管如此莊思明一直都默默喺男友背後支持佢,每次出庭都會見到佢陪伴,仲曾經揚言非君不嫁,對楊明嘅愛真係十分堅定!

2020年楊明駕車時撞到山頂石牆,因此鬧上法庭Photo from 楊明IG

莊思明每次都會陪伴男友出庭應訊Photo from 娛樂新聞台

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

楊明餐廳生意受影響停業裁員,莊思明呻每月租金蝕7位數字!

廣告
廣告

10 Mar , 2022

本港新冠肺炎確診人數上升,疫情嚴峻,唔少食肆都要暫時停業。經營飲食業嘅藝人都受到影響,楊明開設嘅燉湯店生意大受打擊,要停業裁員。莊思明大呻每月租金勁蝕7位數字!

楊明開設嘅燉湯店生意大受打擊,要停業裁員Photo from 楊明 IG

楊明與友人合資開燉湯店,分店越開越多

楊明2018年開始進軍飲食界,與友人合資百萬開燉湯店,當時佢指好幸運3個月已經回本,楊明落手落腳現身舖頭做樓面工作,之後更陸續開設分店。

楊明2018年開始進軍飲食界,與友人合資百萬開燉湯店Photo from 莊思明 IG

雖然一度因為位於工廈嘅食店招呼街客而違規,但無阻楊明餐廳嘅發展,分店越開越多,更一度開到7間分店,連楊明女友莊思明都喺IG發文慶祝:「屯門加盟店今日正式開張啦!祝生意興隆,大展鴻圖~下一間開係邊到好呢?」

楊明女友莊思明都喺IG發文慶祝:「屯門加盟店今日正式開張啦!祝生意興隆,大展鴻圖~下一間開係邊到好呢?」Photo from 莊思明 IG

本港新冠疫情嚴重,楊明經營食店生意受影響

不過近月疫情越發嚴重,確診數字持續上升,飲食業首當其衝受到影響,早前有網友發現楊明經營嘅燉湯店佐敦分店疑結業,其他分店生意亦大受打擊。

早前有網友發現楊明經營嘅燉湯店佐敦分店疑結業Photo from 楊明 IG

莊思明受訪時透露現時除咗一間分店仍維持有限度嘅外賣服務,其餘分店全部都要停業,佢表示生意難做,收入都唔夠出糧。

莊思明受訪時透露現時除咗一間分店仍維持有限度嘅外賣服務,其餘分店全部都要停業Photo from 莊思明 IG

莊思明呻每月蝕7位數字,莊鍶敏珍珠奶茶舖亦要停業

莊思明稱政府甚少補貼小商戶,加上業主亦無減租意願,坦言每月淨係租金都蝕咗7位數字!佢又指無奈下唯有裁員。莊思明家姐莊鍶敏老公係台灣珍珠奶茶店東主,莊鍶敏喺香港都有開珍珠奶茶舖,佢指因為店舖有員工確診所以要暫時停業,希望7日後可以重開。

莊思明稱政府甚少補貼小商戶,加上業主亦無減租意願,坦言每月淨係租金都蝕咗7位數字Photo from 楊明 IG

莊思明家姐莊鍶敏老公係台灣珍珠奶茶店東主Brian,佢喺香港都有開珍珠奶茶舖,佢指因為店舖有員工確診所以要暫時停業Photo from 莊思明 IG

楊明低調行事,食店交由莊思明打理?

雖然燉湯店一開始係由楊明同朋友合資開設,但幾年嚟女友莊思明都陪伴身邊,現身店舖幫手又出力宣傳,加上開分店時楊明亦十分低調,僅由莊思明於IG作宣傳。

雖然燉湯店一開始係由楊明同朋友合資開設,但幾年嚟女友莊思明都陪伴身邊Photo from 楊明 IG

開分店時楊明亦十分低調,僅由莊思明於IG作宣傳。Photo from 楊明 IG

莊思明現身店舖幫手又出力宣傳Photo from 莊思明 IG

今次佢間餐廳停業,楊明無任何回應,反而係女友出面令唔少網友錯重點:「租金係莊思明交?」、「屋企咁有錢蝕少少唔怕啦!」

網友:「屋企咁有錢蝕少少唔怕啦!」Photo from LIHKG

網友錯重點Photo from LIHKG

網民直指7位數字對莊思明應該只係好少錢Photo from LIHKG

今次佢間餐廳停業,楊明無任何回應,反而係女友出面Photo from 莊思明 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel