渣哥擬向毛記購回股份不果決裂 對方開價以倍數計 網民反指渣哥輸打嬴要?

渣哥擬向毛記購回股份不果決裂 對方開價以倍數計 網民反指渣哥輸打嬴要?

時事熱話 生活熱話 娛樂新聞
By Moon Lam on 21 Sep 2022
Digital Content Writer

「渣哥一九九六懷舊小食店」由前港姐藝人譚小環同丈夫蔡強榮(渣哥)係2014年創立,但渣哥團隊近日係社交平台發聲明,指公司最大股東係毛記葵涌。渣哥想購回毛記所持49%股份,但對方開出「以倍數計嘅價錢」,令渣哥團隊難以接受,揚言可能會集體辭職!

大渣哥茶記 FacebookPhoto from 大渣哥茶記 Facebook

渣哥欲回購毛記股份

前港姐藝人譚小環同丈夫蔡強榮(渣哥)係2014年開設「渣哥一九九六懷舊小食店」,2020年再以「渣哥」之名開設茶餐廳「大渣哥茶記」,生意愈做愈大。不過渣哥係昨日(20號)發聲明,渣哥單一大股東毛記葵涌高級管理層引發眾多媒體及社交平台議論,為免導致對公司產生不必要的揣測,將事件公開以正視聽。

IG@halina_tamPhoto from IG@halina_tam

聲明中指出毛記由年多兩年前已經無代表參與渣哥同大渣哥嘅管理及營運,而渣哥有意回購股份,並係2月初由渣哥代表渣哥管理團隊向毛記葵涌管理層正式提出終止合作,要求以2018年當時入股(只計算實際資產及負債)之同樣條件之下,以現時實值市值毛記所持49%股份。

IG@halina_tamPhoto from IG@halina_tam

發聲明呻毛記開天價

渣哥亦表示事件拖延超過半年,到本月初對方竟開天價,渣哥管理團隊收到價錢後「感到非常震驚。 源於這個價錢我哋真係無能為力,亦真的接受不了」,更表示更難以接受嘅係渣哥想購回自己公司嘅股份,竟然被要求以「倍數計」嘅價錢。

大渣哥茶記 FacebookPhoto from 大渣哥茶記 Facebook

渣哥可能集體辭職?

渣哥直指對方行為如「鵲巢鳩佔」,更揚言如果再拖延落去,就算心有不捨,但係別無他法之下可能會以集體辭職嘅手段離開渣哥同大渣哥,指自己嘅做法係小店「能夠向財雄勢大嘅上市集團作出抗議控訴嘅唯一方法」,文末仲標注「#沒有渣哥的渣哥仲係唔係渣哥」。

渣哥鰂魚涌店開幕時有毛記藝人到場支持Photo from IG@halina_tam

網民意見兩極

官方聲明帖子一出,就引來大批網民留言及媒體留意,部分網民支持渣哥指尊重渣哥同團隊嘅決定,無論結局如何都會繼續支持及信任渣哥,亦話「大渣哥」只係一個名,重要嘅係渣哥本人,更有人指渣哥可以「開間小環姐再黎過」。

大渣哥茶記 Facebook 截圖Photo from 大渣哥茶記 Facebook 截圖

大渣哥茶記 Facebook 截圖Photo from 大渣哥茶記 Facebook 截圖

大渣哥茶記 Facebook 截圖Photo from 大渣哥茶記 Facebook 截圖

廣告
廣告

大渣哥茶記 Facebook 截圖Photo from 大渣哥茶記 Facebook 截圖

渣哥與毛記曾合作搞年宵Photo from IG@halina_tam

不過亦有大部分網民表示毛記做法合理,指渣哥「輸打嬴要」、「傾唔掂數就擺上網公審」,表示毛記作為投資者要求回報好合理,入股後亦唔一定要參與營運,更有網民整理後認為渣哥嘅話術「陰濕」,指渣哥「總之你唔平賣比我,我就同你攬炒」嘅手法係威脅,笑稱咁不如用同樣價錢賣埋剩低嘅51%股份比毛記算。

大渣哥茶記 Facebook 截圖Photo from 大渣哥茶記 Facebook 截圖

大渣哥茶記 Facebook 截圖Photo from 大渣哥茶記 Facebook 截圖

大渣哥茶記 Facebook 截圖Photo from 大渣哥茶記 Facebook 截圖

大渣哥茶記 Facebook 截圖Photo from 大渣哥茶記 Facebook 截圖

大渣哥茶記 Facebook 截圖Photo from 大渣哥茶記 Facebook 截圖

大渣哥茶記 Facebook 截圖Photo from 大渣哥茶記 Facebook 截圖

毛記送花賀渣哥新店開業Photo from 大渣哥茶記 Facebook

IG@jargor1996Photo from IG@jargor1996

毛記近年人事變動大

毛記電視及毛記葵涌近年有多項人事異動,2021年8月1日,創辦人之一嘅林日曦係社交媒體發公告,表示已辭去《100毛》母公司毛記葵涌嘅執行董事職務,以處理個人事務,更表示辭任後唔會在係集團任何公司擔任任何職務,而股份已經轉售比另外兩位創辦人陳強及阿Bu。日前毛記又宣布委任《am730》前執董馮振超為營運總監,近日又與「大渣哥茶記」(大渣哥)決裂。

IG@lam1heyPhoto from IG@lam1hey

即睇渣哥聲明全文:

大渣哥茶記 FacebookPhoto from 大渣哥茶記 Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel