永利威江蘇/日本直送大閘蟹優惠 $42起/隻 歎無污染優質鮮甜靚蟹

永利威江蘇/日本直送大閘蟹優惠 $42起/隻 歎無污染優質鮮甜靚蟹

生活熱話 美食推介 著數優惠Smart Select
By Moon Lam on 30 Sep 2022
Digital Content Writer

踏入食大閘蟹嘅季節,相信咁多位識食之人已經準備好大擦特擦!今次推介百年老字號永利威推出嘅大閘蟹,低至$42/隻,仲可以選擇來自江蘇或者日本直送嘅大閘蟹!立即預訂享鮮味大閘蟹頭啖湯!

永利威戚本港嘅百年老字號,創立於公元1876年,經已屹立於上環146年!雖然以自製高製名酒同食品聞名,不過每年秋季都會為大家搜羅靚嘅大閘蟹,今次優惠就提供來自江蘇養殖場同日本直送嘅大閘蟹,包保無污染,清甜鮮味!仲可以選擇蟹公或蟹乸同埋蟹嘅重量~

江蘇大閘蟹

雖然話「九月圓、十月尖」,九月通常會食蟹乸,而十月就食蟹公,但係永利威提供嘅江蘇養殖場大閘蟹可以食到12月!咁就唔怕錯過食蟹嘅最好時機啦!大閘蟹每隻都生長係天然環境,只需要簡單蒸煮就以食到蟹嘅鮮味,非常容易處理!

是次優惠提供多個方案,如果想食蟹乸最低每隻只需$48,重量分為3至3.5兩、3.6兩至4.1兩、4.2至4.7兩、4.8至5.3兩共4個選擇,而蟹公每隻仲低至$42,重量就分為3至3.5兩、3.6兩至4.5兩、4.6至5.4兩、5.5至6.2兩、6.3至7.2兩共5個選擇,諗起都流口水!

日本大閘蟹

除咗江蘇大閘蟹,永利威仲提供日本直送、空運抵港嘅大閘蟹,優質靚蟹係無污染、無激素、無二噁英嘅河底,會較一般蟹類更肥美飽滿,蟹殼色澤亦會比較深,蟹肉清甜結實,蟹膏味道仲會好濃郁!

廣告
廣告

日本直送大閘蟹都採用同一分類方式,蟹乸低至$58起,最低都有足3兩,最大隻到5.3兩,而蟹公就低至$52起,最低足3兩,最大隻有7.2兩,可以根據預算選擇~每款都CP值爆燈,最快10月3日已經有得取貨!

TapNow_WingLeeWai_JapCrab_crab3

多買多送!

係永利威一次過購買多隻大閘蟹,滿25隻以上可享免費送貨,仲有不同禮品,買滿6隻會附送蟹醋一包、紫蘇葉、薑茶一包同赤糖,而買滿12隻就會送蟹剪工具一套!

食大閘蟹一定唔少得散寒嘅花雕酒!買25隻起選擇自取就會送620ml永利威玻璃瓶陳年花雕酒1瓶,而30隻以上更可升級至500ml利威豬胆樽型瓷瓶5年陳花雕酒,40隻以上為8年陳花雕酒,50隻以上為12年陳花雕酒,多買多送!仲可以8折購買永利威花雕酒或以9折購買其他牌子花雕酒!

優惠期由即日起至2022年12月18日,送貨及自取前都要係最少2日前預先填妥表格,以保證食到最新鮮既靚蟹!

自取地址︰上環永樂街124號永利威大廈地下
電話︰2544 1172/2544 1174

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel