麥長青自爆於內地人氣不俗「戴口罩都認得我」！澄清選擇北上工作並不代表「喺香港撈唔掂」

近年好多香港藝人都決定北上工作，並成功贏取內地網民嘅心。最近，麥長青（麥包）接受內地媒體訪問，大談事業近況；提及被網民質疑「撈唔掂先返內地」，佢就反駁並非事實「邊度有工作咪去邊度囉。」

Photo from 麥長青抖音

父女檔拍飲食節目

現年53歲嘅「麥包」麥長青1987年與大台簽約，正式入行，其後曾出演多部電視劇；直到2019年離巢將事業重心轉移返內地。而佢曾自願做檢測義工，獲內地網民大讚！近日佢有份出演MyTVSuper飲食節目《一條麻甩在廣州》擔任主持人兼監製，而節目統籌以及導演則由囡囡麥淳琳擔任，父女檔拍住上！

Photo from 麥長青微博

Photo from 小紅書

麥長青上年3月開始長居內地

日前，麥長青獲邀出演內地節目「二十大前曕性報道 我們的美好生活」接受訪問。喺自我介紹嘅時候，佢就自稱係「大灣區叔叔」，但就話平時粉絲都叫佢「非凡哥」！本身係廣州出生嘅佢原來喺順德同香港成長，直到上年3月因工作選擇長居內地。

Photo from 微博

回應「香港撈唔掂」留言

麥長青表示過往曾被網民覺得「係咪香港撈唔掂先返內地？」而佢就回應「點解你咁覺得呢？！香港只係一個城市，唔同你上海人去廣州做嘢就一定係撈唔掂？邊到有工作就去邊到囉。」

Photo from 微博

Photo from 微博

即睇更多人氣文章：

女兒與媽媽嗌交一怒之下選擇報警，竟意外揭母親非法居留23年！

球賽拎「大戒指」當眾求婚被拒 俾女友怒罵加掌摑 全場觀眾被嚇呆

指自己於內地人氣不錯！

麥長青坦承香港藝人返內地發展絕對係有優勢，認為「好多大灣區嘅朋友係睇住我哋長大，起碼大家都知道我係邊個！」喺酒樓拍攝飲食節目時，佢就不停被人要求合照，而佢都有求必應；受寵若驚咁話「估唔到我戴住帽或者口罩都認得我！」

Photo from 微博

Photo from 微博

Photo from 微博

北上後直播帶貨賺錢

除此之外，麥長青亦曾經試過直播帶貨，並努力經營內地嘅社交平台，成功吸引逾95萬粉絲追蹤！而佢就大讚過往演員係比較「被動」嘅工作，但現時就機會多咗「搵幾個志同道合嘅朋友一齊拍片擺上網，可能就開始有合作嘅工作。」

Photo from 微博

Photo from 微博

努力經營抖音帳號，最受歡迎影片獲過百萬like！

為咗維持喺內地嘅人氣，麥長青用心經營抖音帳號，經常都會上載影片。過往佢曾拍攝食飯嘅搞笑影片，附上「不吃飽哪有力氣減肥哪有力氣開直播，對八（吧）？」，被網民指身型發福不少，但呢段影片成功為佢「賺得」逾180萬like，成為佢抖音影片中暫時最多人關注嘅影片！

Photo from 麥長青抖音

Photo from 麥長青抖音

2019年離巢！大呻被當係透明人？

其實麥長青入行至今逾30年，離巢後出演ViuTV節目《有酒今晚吹》大呻喺2010年憑劇集《巾幗梟雄之義海豪情》「梁非凡」一角榮奪「最佳男配角」後，竟然有10個月冇工開，令佢感到失望！佢仲透露當時獲王維基以比大台高9倍人工說服佢過檔，但最終因為與大台續約而錯過時機。

Photo from ViuTV

Photo from ViuTV

相關文章：王君馨離巢後北上參加跳舞節目組女團？！王祖藍帶領藝人內地搵錢受阻礙！連陳貝兒都無辜受牽連？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

麥包自言入行30年最慘喺大台畀人當透明！攞「最佳男配角」後10個月無工開

20 Jan , 2021

麥包（麥長青）上ViuTV節目《晚吹－有酒今晚吹》時透露自己喺TVB被當透明，感覺無癮想離巢，後來奪得「最佳男配角」，奪獎後竟有10個月無工開！

麥包（麥長青）喺TVB有出演過唔少電視劇，不過近年佢離巢，最近更上埋ViuTV嘅節目大談佢喺大台工作嘅往事。

Photo from 《晚吹－有酒今晚吹》

強尼問到佢「入行以嚟最難過/最難捱嘅moment」，麥包就話係攞獎之前。

Photo from 《晚吹－有酒今晚吹》

麥包表示入咗行30年，都叫做過主角之一，例如係《西遊記》、《茶是故鄉濃》等：「但慢慢去到一個20集嘅戲，你得嗰幾場，得2、3集，仲要畀人當透明」

Photo from 《晚吹－有酒今晚吹》

佢指為角色做足功課，同導演商量點演出，對方反而求其話：「得㗎喇！唔洗㗎喇！」麥包深感無癮：「咁何必呢？如果無錢、無名無利，我想過下戲癮都唔得嘅時候，咁我咪走囉！」

Photo from 《晚吹－有酒今晚吹》

不過佢後來奪得「最佳男配角」，麥包自言：「諗住一片光明啦，點知之後10個月又無工開。」

Photo from 《晚吹－有酒今晚吹》

麥包表示攞獎後身價升咗兩倍，當時王維基嘅HKTV更開價9倍請佢過檔！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）