溫兆倫晒細20歲老婆,網民直言唔靚女!溫兆倫激動護妻獲讚真男人

溫兆倫晒細20歲老婆,網民直言唔靚女!溫兆倫激動護妻獲讚真男人

娛樂新聞
By Jennifer on 03 Nov 2022
Digital Editor

溫兆倫早年北上發展,早就喺內地落地生根。佢同內地演員趙庭結婚後育有一女,自此成為好老公好爸爸。近日溫兆倫喺抖音大晒老婆同女兒,竟被網民指佢太太唔靚女,溫兆倫即激動回覆網友,獲讚係好男人!

溫兆倫早年北上發展,早就喺內地落地生根。Photo from 溫兆倫抖音

溫兆倫抖音晒老婆女兒

溫兆倫1996年就已經返內地發展,佢現時定居北京,平時都會開直播帶貨,最近佢就上人氣綜藝節目《披荊斬棘2》,因為講嘢比較慢而成為話題,可惜個人喜愛度唔高,第一次公演後就被淘汰。

最近溫兆倫上人氣綜藝節目《披荊斬棘2》,因為講嘢比較慢而成為話題Photo from 溫兆倫微博

雖然未能喺節目走到最後,但久未於幕前出現嘅溫兆倫仍憑呢個綜藝收穫人氣。佢喺抖音擁有超過400萬粉絲,最近佢就喺抖音公開多張老婆、女兒嘅合照,並留言:「只要能讓你們一輩子幸福!讓我再難受委屈的人和事我也會挺住的!放心吧!#夫妻 #家庭 #一家人在一起就是幸福 #溫兆倫」

雖然未能喺節目走到最後,但久未於幕前出現嘅溫兆倫仍憑呢個綜藝收穫人氣。Photo from 溫兆倫微博

最近溫兆倫喺抖音公開多張老婆、女兒嘅合照Photo from 溫兆倫抖音

溫兆倫抖音擁有超過400萬粉絲Photo from 溫兆倫抖音

網民指趙庭顏值一般,溫兆倫護妻反駁

隨即吸超過5萬likes!從相中都睇得出佢同老婆非常恩愛,一家三口樂也融融~不過有網民卻留言指:「女主太一般了」,似乎講緊溫兆倫老婆唔靚女,溫兆倫護妻心切,即時回覆反駁:「警告你不要再評論我的家人!請你自己照照鏡子再評論吧!」

從相中都睇得出佢同老婆非常恩愛Photo from 溫兆倫抖音

有網民卻留言指:「女主太一般了」溫兆倫護妻心切,即時回覆反駁Photo from 溫兆倫抖音

溫兆倫一家三口樂也融融~Photo from 溫兆倫抖音

之後溫兆倫又喺評論區留言,更將自己嘅留言置頂:「人與人之間的尊重非常重要!」佢表示妻子同女兒都只係兩個普通人:「我的家人是無辜的?還是因為被我連累呢?」睇嚟佢對於網民嘅評論十分生氣!佢出言護妻後獲大量網友讚係好男人,又指佢敢喺抖音曬老婆女兒嘅男人有責任心又有擔當。

溫兆倫表示妻子同女兒都只係兩個普通人Photo from 溫兆倫抖音

溫兆倫將自己嘅留言置頂:「人與人之間的尊重非常重要!」Photo from 溫兆倫抖音

網友讚溫兆倫喺抖音曬老婆女兒嘅男人有責任心又有擔當。Photo from 溫兆倫抖音

溫兆倫出道40年,經歷三段婚姻

即將迎嚟58歲生日嘅溫兆倫現任妻子趙庭,比佢年輕20歲,趙庭本身係內地演員,亦係溫兆倫第三任妻子。溫兆倫出道40年嚟有唔少前女友,亦有過3段婚姻。溫兆倫第一任妻子係馬來西亞華僑李美玲,兩人於1989年結婚,當時溫兆倫係當家小生,不過呢段婚姻僅維持4年就離婚,兩人更因為財產問題對簿公堂。

溫兆倫現任妻子趙庭,比佢年輕20歲,趙庭本身係內地演員,亦係溫兆倫第三任妻子。Photo from 溫兆倫抖音

溫兆倫出道40年嚟有唔少前女友,亦有過3段婚姻。Photo from 溫兆倫抖音

溫兆倫第二任妻子係潘燕妮,1996年兩人因工作結緣,2002年被爆已婚,但不久即離婚,有指潘燕妮更幫溫兆倫還債。溫兆倫2013年再次結婚後就安定落嚟,見到佢一家人咁幸福,相信今次真係搵到真命天女。

溫兆倫第二任妻子係潘燕妮Photo from 溫兆倫微博

溫兆倫2013年再次結婚後就安定落嚟,見到佢一家人咁幸福,相信今次真係搵到真命天女。Photo from 溫兆倫抖音

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

披荊斬棘2|57歲溫兆倫首輪慘遭淘汰!呢位港星喜愛度排最尾?!

22 Aug 2022

披荊斬棘》第二季開播!今季有唔少香港、台灣男藝人參加,仲有第一季嘅陳小春張智霖等再次出演,話題度爆燈!據稱節目現已錄制咗兩場公演,溫兆倫更於第一輪就被淘汰,令網民大呼尷尬。

《披荊斬棘》第二季開播!今季有唔少香港、台灣男藝人參加Photo from 《披荊斬棘2》

《披荊斬棘2》有眾多香港台灣男星參加,陳小春、張智霖再度出演

《披荊斬棘(原名為《披荊斬棘的哥哥》第二季)》有32位男藝人出演,第一季「大灣區五人組」成功彈出,更再合作推出《大灣仔的夜》團體綜藝。新一季多咗唔少香港、台灣男星參加,第一季嘅陳小春、張智霖、張雲龍、李承鉉等亦回歸節目。

第一季「大灣區五人組」成功彈出,更再合作推出《大灣仔的夜》團體綜藝Photo from 《披荊斬棘2》

喺節目播出前已引起好多網民關注,《乘風破浪3》完結後電視台緊接住推出《披荊斬棘》,再掀網民熱議,其中林峯、吳卓羲、周柏豪、蘇有朋、吳建豪、劉愷威等都係香港人熟悉嘅男星。

廣告
廣告

周柏豪自彈自唱Photo from 《披荊斬棘2》

台灣代表蘇有朋Photo from 《披荊斬棘2》

60歲杜德偉為年齡最大參賽者

今季年紀最大嘅係60歲嘅杜德偉,佢更獲影帝梁朝偉、歌神張學友打氣,在場嘅哥哥們都感歎佢人脈超強!而最年輕嘅參加者係26歲嘅楊長青ICE,香港代表曾比特則以28歲之齡成全個節目第二細嘅藝人,佢出演《聲生不息》後人氣急升,有望憑呢個綜藝節目再度提升內地知名度。

今季年紀最大嘅係60歲嘅杜德偉Photo from 《披荊斬棘2》

影帝梁朝偉拍攝短片為杜德偉打氣Photo from 《披荊斬棘2》

歌神張學友聲音出演Photo from 《披荊斬棘2》

在場嘅哥哥們都感歎佢人脈超強Photo from 《披荊斬棘2》

林峯同吳卓羲好兄弟糖黐豆,網友讚吳卓羲保養得宜

日前播出嘅第一集中林峯同吳卓羲一對好兄弟即時成為焦點,唔少人表示細個都係睇佢哋嘅電視劇大,喺「初舞台競演」中林峯選唱代表作《使徒行者》嘅片尾曲《越難越愛》,而吳卓羲則表演郭富城嘅經典歌曲《動起來》。

日前播出嘅第一集中林峯同吳卓羲一對好兄弟即時成為焦點Photo from 《披荊斬棘2》

「初舞台競演」中林峯選唱代表作《使徒行者》嘅片尾曲《越難越愛》Photo from 《披荊斬棘2》

吳卓羲則表演郭富城嘅經典歌曲《動起來》。Photo from 《披荊斬棘2》

林峯同吳卓羲一見面即激動攬攬,又不停互窒,關係超好!吳卓羲形容佢哋兩人係「好閨蜜」~有網友大讚吳卓羲保養得宜,指佢出道20幾年都無變過,而且樣子仍然十分自然。佢與林峯更同上季人氣王陳小春、溫兆倫組成「新一代大灣區組合」表演《一生何求》。

林峯同吳卓羲一見面即激動攬攬Photo from 《披荊斬棘2》

林峯同吳卓羲不停互窒,關係超好Photo from 《披荊斬棘2》

吳卓羲形容佢哋兩人係「好閨蜜」Photo from 《披荊斬棘2》

有網友大讚吳卓羲保養得宜Photo from LIHKG

網友指吳卓羲出道20幾年都無變過,而且樣子仍然十分自然。Photo from LIHKG

吳卓羲林峯同上季人氣王陳小春、溫兆倫組成「新一代大灣區組合」表演《一生何求》Photo from 《披荊斬棘2》

溫兆倫曾自信稱自己保養得好,網民爆佢第一輪就被淘汰

早已定居內地嘅溫兆倫近年轉型做幕後同直播帶貨,今次出演《披荊斬棘》希望帶挈事業有所發展。年近6旬嘅佢同一眾哥哥相比唔算後生,出道40年嘅佢亦係所有人中年資最大嘅一位,佢之前曾經於直播自誇57歲保養狀態已經好好,又讚自己後生比時下小鮮肉「強多了」。

現年57歲嘅溫兆倫今年出道40年,係所有人中年資最大嘅一位Photo from 《披荊斬棘2》

溫兆倫之前曾經於直播自誇57歲保養狀態已經好好Photo from 《披荊斬棘2》

同組嘅陳小春就笑佢講嘢好慢:「好像結巴結巴。」陳小春表示已搵到同溫兆倫溝通嘅方法,指用反問法同溫兆倫交流會暢順啲,不過有網友就笑言陳小春本人嘅普通話都係一般,竟然會笑人哋講嘢慢。

同組嘅陳小春就笑溫兆倫講嘢好慢:「好像結巴結巴。」Photo from 《披荊斬棘2》

陳小春表示已搵到同溫兆倫溝通嘅方法Photo from 《披荊斬棘2》

陳小春指用反問法同溫兆倫交流會暢順啲Photo from 《披荊斬棘2》

雖然節目只係播出咗一集,但有消息指已經錄製咗兩次公演,更有爆料稱溫兆倫同另一位出演者方逸倫喺第一輪就被淘汰,網民更直言好尷尬:「這麼快就要回去直播帶貨」、「去比賽淘汰係意料中事啦」、「尷尬的是他的年紀還叫哥哥」

雖然節目只係播出咗一集,但有消息指已經錄製咗兩次公演,更有爆料稱溫兆倫同咋一位出演者方逸倫喺第一輪就被淘汰Photo from 《披荊斬棘2》

第一集「個人喜愛度排名」公開

節目第一集結尾就公佈咗「個人喜愛度排名」,第一名係獻唱《傷心太平洋》嘅任賢齊,緊隨其後嘅係潘瑋柏、鄭鈞、蘇有朋、李承鉉、吳建豪、張智霖、陳小春。林峯排第10、周柏豪13位、曾比特排第15,杜德偉、溫兆倫、吳卓羲分別係17~19位,而劉愷威則排第24。

節目第一集結尾就公佈咗「個人喜愛度排名」Photo from 《披荊斬棘2》

第一名係獻唱《傷心太平洋》嘅任賢齊Photo from 《披荊斬棘2》

劉愷威「個人喜愛度」排第24Photo from 《披荊斬棘2》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel