正義迴廊|K先生真身曝光!古天樂、郭富城?翁子光Facebook表態

正義迴廊|K先生真身曝光!古天樂、郭富城?翁子光Facebook表態

電視電影 娛樂新聞
By Jennifer on 09 Nov 2022
Digital Editor

港產片《正義迴廊》上映後口碑極好,票房持續上升。電影監製翁子光透露佢為拍電影拎出首期,更問「K先生」借錢,而K先生亦十分豪爽,畀咗100萬佢拍戲。K先生真正身份隨即掀起網民熱議,有人指係古天樂、亦有人認為係郭富城,而翁子光終公開K先生真身!

港產片《正義迴廊》上映後口碑極好,票房持續上升Photo from 翁子光Facebook

港產片《正義迴廊》無人肯投資,翁子光成電影大股東

《正義迴廊》上映兩個星期,票房直逼1,000萬,已超越翁子光執導嘅電影《踏血尋梅》總票房。電影成績、口碑都同樣出色,監製翁子光喺Facebook發千字文,回憶當初開拍電影嘅艱難。

《正義迴廊》監製翁子光喺Facebook發千字文,回憶當初開拍電影嘅艱難。Photo from 翁子光Facebook

翁子光表示當初周圍搵投資者希望有人願意投資《正義迴廊》呢套戲,無奈大眾都唔太睇好電影可以回到本,加上呢套戲難以喺內地過審,無內地市場嘅港產片更難尋求投資,最終翁子光拎咗自己嘅積蓄出嚟,成為電影嘅大股東。

翁子光表示當初周圍搵投資者希望有人願意投資《正義迴廊》呢套戲,無奈大眾都唔太睇好電影可以回到本

翁子光爆「K先生」借出100萬,網民猜係古天樂或郭富城

佢指本身打算將筆錢攞嚟畀首期,為咗拍電影都義無反顧。翁子光又透露要夠錢投資電影要問人借錢,幸好有兩位匿名貸款人主動做白武士:「最後仍差一百萬,我膽粗粗打電話問了K先生,他對我一直錯愛,今次我就老實不客氣,開口就要借一百萬。」

最終翁子光拎咗自己嘅積蓄出嚟,成為電影嘅大股東。Photo from 翁子光Facebook

翁子光表示K先生喺電話入面淨係說話﹕「聽日過數。」、「不用多謝我也不用提我,努力為香港拍一部好戲。」所以翁子光並未公開K先生身份,但已引起網民熱議,有人認為K先生應該係近年出錢出力支持港產片嘅古天樂,但亦有人指可能係郭富城,因為郭富城同翁子光合作過好多次,應該都有交情。

有人認為K先生應該係近年出錢出力支持港產片嘅古天樂

亦有人指可能係郭富城,因為郭富城同翁子光合作過好多次Photo from 郭富城Facebook

郭富城係《踏血尋梅》男主角Photo from 翁子光Facebook

翁子光Facebook終公開K先生真身

雖然翁子光未有公開K先生姓名,但佢有like咗唔少Facebook留言:「K先生⋯⋯真係投好多戲」、「有人肯咁義無反顧投資香港電影,都係港產片之福」,相信K先生本人平時都投資咗好多港產片。

雖然翁子光未有公開K先生姓名,但佢有like咗唔少Facebook留言:「K先生⋯⋯真係投好多戲」Photo from 翁子光Facebook

「有人肯咁義無反顧投資香港電影,都係港產片之福」Photo from 翁子光Facebook

最終有網友留言:「K先生係唔係古老闆」獲翁子光讚好,正式公開K先生真身!古天樂為港產片不遺餘力,喺翁子光嘅文章中亦反映K先生講電話言簡意賅,一句起兩句止,同古天樂嘅習慣都係一樣!

古天樂為港產片不遺餘力

有網友留言:「K先生係唔係古老闆」獲翁子光讚好Photo from 翁子光Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

古天樂落淚真相曝光!揭《明日戰記》內地票房不敵國產電影疑另有內情?!

17 Aug 2022

古天樂有份投資、主演嘅科幻電影《明日戰記》率先於內地上映,不過內地票房卻不敵同期國產電影《獨行月球》,有指古天樂現身內地戲院宣傳時一度感觸落淚,佢親自回應當日情形。有內地網民則質疑票房造假,指《明日戰記》票房不佳疑有內情。

廣告
廣告

古天樂有份投資、主演嘅科幻電影《明日戰記》率先於內地上映Photo from 《明日戰記》微博

宣傳《明日戰記》被指落淚,古天樂親自解釋

《明日戰記》電影制作經過10年,可以話係古天樂嘅心血,電影投資超過$4.5億港元。日前電影率先於內地上映,連日嚟古天樂都喺內地宣傳,更破天荒上直播帶貨。抖音上《明日戰記》嘅古方帳號更上傳短片,稱:「這世界就是這麼殘酷,努力10年就是沒有回報」

《明日戰記》電影制作經過10年,可以話係古天樂嘅心血,電影投資超過$4.5億港元。Photo from 《明日戰記》Facebook

連日嚟古天樂都喺內地宣傳,更破天荒上直播帶貨。Photo from 《明日戰記》抖音

片中古天樂更拎出紙巾抹面,似乎感觸落淚,令人動容。不過古天樂回港出席活動時就否認自己有落淚,佢表示係因為戲院無開冷氣,自己熱到流晒汗先拎紙巾抹汗。但古天樂承認自己的確十分感觸,《明日戰記》用咗10年時間製作,其實真係唔件易事。

片中古天樂更拎出紙巾抹面,似乎感觸落淚,令人動容。不過古天樂回港出席活動時就否認自己有落淚Photo from 《明日戰記》抖音

古天樂表示係因為戲院無開冷氣,自己熱到流晒汗先拎紙巾抹汗。Photo from 《明日戰記》微博

《明日戰記》內地票房不佳,恐未能回本?!

提到好多圈中人公開力撐佢嘅電影,古天樂都表示好感動,佢希望觀眾會支持佢套電影。對於內地票房成績,古天樂亦指自己係「鋼鐵造」,唔會咁易就跌低,更表示:「就算跌低咗,我都會即刻起返身!」

對於內地票房成績,古天樂亦指自己係「鋼鐵造」,唔會咁易就跌低Photo from 《明日戰記》抖音

《明日戰記》投資逾$4.5億,有網民估計至少要有10億票房先可以回本,但電影喺內地上映多日票房仍未破4億,而同期上映嘅國產喜劇《落後月球》已收逾20億票房,令唔少網民擔心《明日戰記》嘅票房回唔到本。

《明日戰記》投資逾$4.5億,有網民估計至少要有10億票房先可以回本Photo from 《明日戰記》Facebook

內地網友質疑票房造假,直指《明日戰記》票房被偷?!

近日喺內地網絡上有網民指《明日戰記》票房疑似「被偷」,有唔少內地網友稱去戲院買飛睇《明日戰記》,但戲飛上卻寫上《落後月球》,疑似被計入做另一套電影嘅票房,更有啲戲院疑以手寫字將戲飛改成《明日戰記》。

近日喺內地網絡上有網民指《明日戰記》票房疑似「被偷」Photo from 抖音

唔少內地網友亦佢去戲院買飛睇《明日戰記》,但戲飛上卻寫上《落後月球》Photo from 《明日戰記》微博

有網民質疑票房造假Photo from 《明日戰記》微博

唔少網友抱不平Photo from 《明日戰記》抖音

唔少內地網友替古天樂不值,認為佢為內地咁多地學捐款建校,卻被偷票房。不過亦有網民稱《落後月球》票房遠超《明日戰記》,根本唔需要偷佢嘅票房,直言:「就是劇情拉胯才沒人看」、「需要偷一個連他零頭都沒有的票房」

有戲院疑以手寫字將戲飛改成《明日戰記》。Photo from 抖音

買《明日戰記》,戲飛卻顯示《落後月球》Photo from 抖音

唔少內地網友替古天樂不值,認為佢為內地咁多地學捐款建校,卻被偷票房Photo from 抖音

亦有網民稱《落後月球》票房遠超《明日戰記》,根本唔需要偷佢嘅票房Photo from 微博

網民直言:「就是劇情拉胯才沒人看」、「需要偷一个连他零头都没有的票房」Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel