日本溫泉|星野集團「界」2大全新溫泉旅館開幕!泉水可美肌,遠眺日落海景

日本溫泉|星野集團「界」2大全新溫泉旅館開幕!泉水可美肌,遠眺日落海景

旅遊攻略 旅遊優惠 Hotel酒店推薦 日韓旅遊
By Jennifer on 09 Nov 2022
Digital Editor

星野集團溫泉旅館品牌「界」十分有名,喺日本多地都設有唔同特色嘅溫泉旅館,其中喺島根縣將有2間溫泉旅館開幕,兩間旅館風格各有不同,亦提供不同泉質嘅溫泉,中意浸溫泉嘅可以一次過浸晒兩間!

星野集團溫泉旅館品牌「界」十分有名,喺日本多地都設有唔同特色嘅溫泉旅館Photo from 星野集團

去日本旅行,浸溫泉係一大樂事。星野集團「界」係著名嘅精品溫泉旅館品牌,除咗有舒適嘅溫泉之外,客房裝修風格亦十分高級,令住客浸溫泉間盡情休息。星野集團「界」喺島根縣有2間溫泉旅館「星野集團 界 出雲」、「星野集團 界 玉造」即將開業。

星野集團 界 出雲Photo from 星野集團

星野集團 界 玉造Photo from 星野集團

「界 出雲」

「界 出雲」係全新嘅溫泉旅館,坐落於海邊,可以望到日御碕燈塔。「界 出雲」共有39間客房,提供5款房型,全部都係望海,可以欣賞日出或日落時嘅海景。喺部分遠眺日御碕嘅客房更可睇到燈塔落日餘暉嘅壯麗景致;遠眺出雲松島嘅客房則可欣賞到清晨朝霞。

「界 出雲」係全新嘅溫泉旅館,坐落於海邊,可以遠眺日御碕燈塔。Photo from 星野集團

「界 出雲」共有39間客房,提供5款房型,全部都係望海Photo from 星野集團

部分遠眺日御碕嘅客房更可睇到燈塔落日餘暉嘅壯麗景致Photo from 星野集團

另外「界 出雲」嘅湯泉屬氯化鈉強鹽泉,有效使身體溫熱,最適合冬天浸泡,浸完身體無咁易發冷。館內大浴場可以遠眺日本海,望住海景浸溫泉絕對係人生一大享受。

館內大浴場可以遠眺日本海,望住海景浸溫泉絕對係人生一大享受Photo from 星野集團

「界 玉造」

另一間溫泉旅館「界 玉造」雖然同「界 出雲」同日開幕,但佢卻係重新改裝開幕,「界 出雲」位於島根縣玉造溫泉,玉造溫泉喺約1300年前起已經係知名嘅美肌之湯溫泉勝地,更獲譽為日本最古老嘅美肌之湯。

「界 出雲」位於島根縣玉造溫泉,玉造溫泉喺約1300年前起已經係知名嘅美肌之湯溫泉勝地Photo from 星野集團

「界 玉造」有24間客房,共3款房型,所有客房都有露天風呂浴池,大浴場置身於樹林中,浸美肌之湯別有一番風味,美肌之湯泉質可以令肌膚水潤飽滿,充滿光澤,非常適合女生浸泡,加上大浴場周圍都係樹木,身心都遠離煩囂。

「界 玉造」有24間客房,共3款房型,所有客房都有露天風呂浴池Photo from 星野集團

大浴場置身於樹林中,浸美肌之湯別有一番風味Photo from 星野集團

美肌之湯泉質可以令肌膚水潤飽滿,充滿光澤,非常適合女生浸泡Photo from 星野集團

除咗浸溫泉,「界 玉造」更有「日本酒BAR」,同提供「茶湯體驗」,旅客可以深入了解日本文化,嚟個日本深度遊!「界 出雲」同「界 玉造」都係於11月16日開幕,想冬天浸溫泉嘅不妨bookmark定~

「界 玉造」更有「日本酒BAR」Photo from 星野集團

「界 出雲」
地址:699-0763 島根県出雲市大社町日御碕604
開幕日期:2022年11月16日
官網:按此

「界 玉造」
地址:699-0201 島根県松江市玉湯町玉造1237
開幕日期:2022年11月16日
官網:按此

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

東京豐洲市場|「千客萬來」2024年開幕!和風購物街、24小時溫泉

2 Nov 2022

日本築地市場聞名遐邇,2018年搬到東京灣人工島「豐洲」並改名為「豐洲市場」,唔少人龍店都搬咗去豐洲市場。2023年9月新設施「千客萬來」就會初步完工,預計2024年開幕,到時大家去東京豐洲市場可以暢玩一日~

2023年9月新設施「千客萬來」就會初步完工,預計2024年開幕

豐洲市場開業4年,「築地市場」正式告別,不過以往喺場內嘅人氣長龍店「大和壽司」、「八千代」、「築地神樂壽司」、「天房」等都一同搬到「豐洲市場」。豐洲市場大致分為3個區域,除咗美食店之外,仲可以買乾貨、水產等。

豐洲市場開業4年

豐洲市場2023年9月會加入新設施「千客萬來」,就咁聽個名可能唔知係咩嚟,其實「千客萬來」亦分為兩大區域,「商業棟」同「溫浴棟」,預計會於2024年初正式開幕。

「千客萬來」亦分為兩大區域,「商業棟」同「溫浴棟」

豐洲市場新設施「千客萬來」

「商業棟」有約100間商店進駐,「千客萬來」亦還原咗日本古代嘅建築特色,令遊客好似置身於江戶時代咁,絕對係打卡、購物嘅好去處。

「商業棟」有約100間商店進駐

「千客萬來」亦還原咗日本古代嘅建築特色

遊客好似置身於江戶時代咁

而「溫浴棟」則係9層樓建築,提供24小時溫泉服務,而且仲有免費足湯,行街行到攰嘅可以浸下腳,或者去歉溫泉放鬆下,日後「千客萬來」開幕應該可以喺豐洲市場玩足成日。

「溫浴棟」則係9層樓建築,提供24小時溫泉服務

行街行到攰嘅可以浸下腳,或者去歉溫泉放鬆下

免費嘅足湯庭園位於「溫浴棟」頂層天台,可以望到東京灣景色,一邊浸腳、一邊欣賞風景,真係好chill!

免費嘅足湯庭園位於「溫浴棟」頂層天台,可以望到東京灣景色

「千客萬來」
開幕日期:2024年初
地址:東京都江東区豊洲6-101-1

「千客萬來」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel