下流上車族|林敏驄黃嘉雯婚外戀被批離地!美女配大叔劇情太夾硬?!

下流上車族|林敏驄黃嘉雯婚外戀被批離地!美女配大叔劇情太夾硬?!

電視電影 娛樂新聞
By Jennifer on 11 Nov 2022
Digital Editor

TVB劇集《下流上車族》收視口碑都有唔錯成績,其中男主角車志明(林敏驄飾)同Peggy(黃嘉雯飾)嘅感情線令車志明老婆莫雯慧(江美儀飾)提出離婚!雖然林敏驄黃嘉雯「婚外戀」再掀話題,但有網友卻指劇情太離地!

男主角車志明(林敏驄飾)同Peggy(黃嘉雯飾)嘅感情線令車志明老婆莫雯慧(江美儀飾)提出離婚Photo from 《下流上車族》

《下流上車族》黃嘉雯演「最強小三」,親吻林敏驄掀熱議

即將迎嚟結局嘅《下流上車族》劇情發展到林敏驄飾演嘅男主角車志明同飾演日語學校校長Peggy嘅黃嘉雯擦出火花,黃嘉雯於劇中更獻出螢幕之吻,親上有婦之夫車志明(林敏驄飾)。

黃嘉雯於劇中更獻出螢幕之吻,親上有婦之夫車志明(林敏驄飾)Photo from 《下流上車族》

林敏驄飾演嘅男主角車志明同飾演日語學校校長Peggy嘅黃嘉雯擦出火花Photo from 《下流上車族》

其實之前黃嘉雯飾演嘅Peggy已大派福利,唔止有濕身戲,更著上泳衣晒fit爆身材同林敏聰一齊玩水上活動。劇情提到Peggy男友唔信任佢,令二人陷入感情危機,佢同車志明相約談心,飲醉咗嘅Peggy更情不自禁親吻車志明。

之前黃嘉雯飾演嘅Peggy已大派福利,上演濕身戲Photo from 《下流上車族》

場面掀起話題!Photo from 《下流上車族》

黃嘉雯著上泳衣晒fit爆身材Photo from 《下流上車族》

黃嘉雯同林敏聰一齊玩水上活動Photo from 《下流上車族》

飲醉咗嘅Peggy更情不自禁親吻車志明Photo from 《下流上車族》

林敏聰承認揀黃嘉敏出演為「自肥」?

黃嘉雯喺劇中成「最強小三」,有指林敏聰根本係「自肥」,林敏聰亦笑言監製畀咗成大疊相佢揀人,仲過啲相有成本電話簿咁厚,林敏聰表示覺得啲相入面全部人都唔得,大讚得黃嘉敏ok:「大方得體!好相與~」

林敏聰亦笑言監製畀咗成大疊相佢揀人,仲過啲相有成本電話簿咁厚Photo from TVB

林敏聰展現神級喊戲,網友批美女配大叔感情線不合理

林敏聰同黃嘉雯嘅感情線成功掀起網民熱議,另一方面車志明因為與小三疑似親吻被女兒撞破,妻子向自己提出離婚而痛哭流涕,林敏聰神級哭戲亦獲觀眾激讚好演技,更封佢做今年視帝。

車志明與小三親吻被女兒撞破Photo from 《下流上車族》

林敏聰神級哭戲亦獲觀眾激讚好演技,更封佢做今年視帝。Photo from 《下流上車族》

不過都有部分網民認為呢段「婚外情」劇情有啲「夾硬」,直言Peggy係校長同清潔大叔車志明發生感情唔太合理,又指美女配大叔呢個安排離地:「劇情多鬼餘!」、「擺明益佢(林敏聰)啦!」

有部分網民認為呢段「婚外情」劇情有啲「夾硬」Photo from 《下流上車族》

網友直言Peggy係校長同清潔大叔車志明發生感情唔太合理

美女配大叔呢個劇情太離地?!

網民:「擺明益佢(林敏聰)啦!」Photo from TVB

黃嘉雯上位在望?!

網民有唔同意見,但黃嘉雯憑呢個角色成功吸引網友關注,佢2019年參選香港小姐入行,相比起同屆嘅亞軍王菲、季軍古佩玲,黃嘉雯主要都係做主持工作,今次出演電視劇角色咁有發揮,上位在望!

黃嘉雯憑呢個角色成功吸引網友關注,出演電視劇角色咁有發揮,上位在望!Photo from 《下流上車族》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

下流上車族|林敏驄演技獲網民大讚,收視成績高企!出道40年來首次出演劇集!曾經歷2段婚姻

27 Oct 2022

大台電視劇《下流上車族》現正熱播中,搞笑及貼地嘅劇情成功吸引觀眾,令佢哋創下收視佳績~當中令網民最驚嘆嘅係男主角林敏驄嘅表現,認為佢幽默嘅嘅角色為劇集增色不少,大讚佢演技好!

台慶劇《下流上車族》成功創下收視佳績!Photo from TVB

《下流上車族》劇情貼地搞笑

由林敏驄、江美儀、鮑起靜等人主演嘅台慶劇《下流上車族》上星期開始播出,劇情題材夠貼地,描述港人為「上車」而努力工作嘅各種煩惱,成功引起共鳴。劇集亦成功創下收視佳績,有望成為大台今年嘅最佳電視劇!

廣告
廣告

《下流上車族》正在熱播中!Photo from TVB

劇情搞笑貼地,道出港人買樓上車嘅心酸!Photo from TVB

首週收視率成功創佳績!

近日,劇中嘅3位演員仲出演《東張西望》做勢,一開始林敏驄就發揮幽默本色「歡迎大家收睇《東張西望》,我係《東張西望》最新主持人車志明。」仲串爆咁話「《下流上車族》收視已經超過咗《東張西望》我哋一開波就係23.9到而家25.9。」仲揚言若果收視過30點,女演員們就將會著泳裝登場答謝觀眾。

近日,《下流上車族》嘅演員們出演《東張西望》為劇集宣傳!Photo from 《東張西望》

而林敏驄就串爆咁話劇集收視已經高過《東張西望》!Photo from 《東張西望》

林敏驄感謝2位好搭檔

其實劇情除咗搞笑之外,亦有唔少感人溫馨位,當中影后鮑起靜用日文向親家道歉嘅場面,成功令觀眾感動落淚!林敏驄受訪時亦有感謝2位搭檔,大讚江美儀及鮑起靜係「好戲之人」,亦謙虛表示係因為獲得天時地利人和先能令劇集有好成績。

鮑起靜喺劇中以日文想親家道歉嘅場面,令唔少望你直呼好感動!Photo from TVB

劇中演員相處融洽,大家都有講有笑~Photo from 《東張西望》

林敏驄係1980年代著名填詞人

現年63歲嘅林敏驄喺1980年以填詞人身份出道,並於1984年《十大勁歌金曲頒獎典禮》榮獲「最佳填詞獎」,為人熟悉嘅作品有《幻影》、《無心睡眠》、《霧之戀》等。1990年初,佢開始與曾志偉合作主持搞笑節目《開心主流派》,成功以幽默嘅談吐及急才深受大眾喜愛~

林敏驄係以填詞人身份出道,曾為唔少歌手填詞Photo from TVB

1990年初,林敏驄與曾志偉主持搞笑節目《開心主流派》,憑急才及幽默性格而為人熟悉。Photo from TVB

即睇更多人氣文章:

今次首次出演電視劇,獲網民大讚演技好!

此外,林敏驄亦曾參與電影拍攝及創作,不過今次出演《下流上車族》卻係佢入行40年以來首部電視劇作品!雖然大眾一直以來對佢嘅第一印象都係「無厘頭」居多,但佢成功靠「車志明」一角展現細心慈父嘅面貌俾觀眾睇,令大家喜出望外,演技亦獲得讚賞。

今次係林敏驄入行以來第一次出演電視劇!Photo from TVB

但就成功以「車志明」嘅搞笑慈父角色獲網民大讚~Photo from TVB

林敏驄經歷2段婚姻

林敏驄事業發展一帆風順,但佢嘅感情事就似乎不如工作順利,曾經歷過2段婚姻,而佢亦喺受訪時坦承自己唔適合再婚。盛傳林敏驄同港姐亞軍李美鳳因拍攝電影而擦出愛火花,喺1990年二人仲喺加拿大祕密註冊結婚。可惜婚姻只係維持咗5年就失敗告終,其後女方喺1996年改嫁台灣富商鄭翔中,曾被前夫林敏驄形容係「釣到大龍躉」。

1990年,林敏驄與李美鳳秘密註冊結婚;事隔多年才被爆出!Photo from TVB

李美鳳喺1987年參選香港小姐榮獲亞軍!Photo from TVB

與李美鳳秘婚消息多年後才被曝光!

實際上,林敏驄同李美鳳嘅婚姻關係於2008年先被傳媒大爆,而女方喺爆料後1年先作出回應,指當時唔公開婚訊全因唔想影響工作。

李美鳳喺1996年改嫁台灣富商鄭翔中Photo from TVB

喺被爆料後,李美鳳解釋當年未有公佈婚訊,係為唔影響工作!Photo from TVB

1998年與陳伶俐結婚,婚姻關係僅維持10年

其後,林敏驄喺工作期間遇到同樣係港姐出身嘅陳伶俐,二人於1997年公開戀愛。1998年,女方懷孕而二人亦宣佈結婚喜訊;婚後二人育有2名兒子林寶及林善。然而,二人喺2008年宣佈離婚,結束10年婚姻,而2名兒子嘅撫養權歸女方所擁有。儘管二人感情生變,但佢哋依然保持友好嘅朋友關係,再見亦是朋友!

1997年林敏驄與陳伶俐公開戀情,隔年女方懷孕二人結婚!Photo from TVB

二人婚後育有2名兒子,離婚後撫養權亦歸陳伶俐所擁有。Photo from 陳伶俐IG

女方改嫁新加坡富商

而陳伶俐於2012年與新加坡隱形富豪胡嘉烈再婚,婚後再為丈夫誕下一名兒子,生活幸福美滿~而林敏驄當時亦大方祝福對方,大讚女方係有情有義嘅人!

其後,陳伶俐喺2012年與新加坡富豪胡嘉烈再婚,感情甜蜜~Photo from 陳伶俐IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel