49歲孫耀威、53歲陳浩民用洗廁所刷刷牙！內地網民批博出位：有必要嗎？！
Photo from 陳浩民抖音
孫耀威2018年喺香港舉行個人演唱會，之後佢獲選為肇慶旅遊形象大使，近多長駐內地工作。佢最近經常更新小紅書，日前因為用咗「老人filter」掀起熱議，有部分網友誤以為佢熄咗美顏，被「真面目」嚇親。
Photo from 孫耀威小紅書
其實孫耀威只係開咗「老顏濾鏡」，最近佢喺小紅書又分享一段新嘅短片，今次佢仲搵埋藝人好友陳浩民合作，陳浩民2011年與內地模特兒蔣麗莎結婚後一直定居內地，今次二人一齊拍片，可見關係唔錯。
Photo from 蔣麗莎微博
片段一開頭，孫耀威就拎出牙膏牙刷，似乎想刷牙，點知鏡頭一轉，就見到陳浩民將牙膏擠上清潔刷，仲非常「得戚」咁用清潔刷刷牙！
Photo from 孫耀威小紅書
Photo from 孫耀威小紅書
不過孫耀威亦不甘示弱，攞出鮑魚刷，然後塞入口中刷牙！兩人拎出唔同嘅刷具刷牙，十分誇張！短片亦引起網友討論，有網友留言讚片段非常有趣，又指孫耀威同陳浩民「太拼了」。
Photo from 孫耀威小紅書
但亦有唔少內地網友唔係好欣賞呢段影片，雖然片段有寫明「純屬娛樂，切勿模仿」，但仍有網民留言指片段太過火：「其實沒必要」、「低級趣味」，更直言：「不正常才會拍這種視頻」，不過由於影片名為「攀比人生」，有人認為孫耀威旨在諷刺現實。
Photo from 孫耀威小紅書
Photo from 孫耀威小紅書
Photo from 孫耀威小紅書
孫耀威同陳浩民之前為內地千萬網紅「國岳夫婦」拍攝宣傳片同直播帶貨，但兩人全程都甚少開口講嘢，被網民指「淪為佈景版」，感嘆香港明星北上後慘變內地網紅嘅配角。
Photo from 國岳夫妻抖音
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳浩民夫婦再次因留剩菜給保姆掀起熱議！蔣麗莎反擊：給2萬工資不是來享福的！直播期間當面鬧丈夫，場面超尷尬？
17 May 2022
現年52歲嘅陳浩民與妻子蔣麗莎於2011年結婚，並育有一子三女，一家六口長居內地。二人經常都會喺社交平台上開直播同網民們傾計，日前兩夫婦就一邊食飯、一邊直播，期間蔣麗莎就提醒丈夫要「打包剩菜俾保姆食」，呢番言論再次引起網民熱議！
Photo from 蔣麗莎微博
陳浩民與妻子蔣麗莎熱愛開直播！
最近內地疫情持續升溫，上海仲封城長達1個多月時間！現時於內地居住嘅陳浩民亦受到影響，經常喺屋企同妻子蔣麗莎一齊開直播，與粉絲進行互動交流。但過往就曾因為「將餸菜倒掉」、「留剩飯俾保姆食」等，而備受網民熱議！
Photo from 蔣麗莎微博
又再一次因為「留剩菜」給保姆引熱議！
日前，兩夫婦嘅直播內容又引起頻繁引起網民關注！佢哋喺直播期間食飯，而蔣麗莎一度提醒丈夫要留剩菜俾保母，令佢哋再一次因「剩菜問題」引起熱議！唔少網民都認為佢哋嘅舉動似乎唔太尊重保姆，而且食物衛生亦會受到影響，應該先留菜俾保母再開始進食。
Photo from 微博
Photo from 微博
不讓保姆上枱食飯？！
再加上，蔣麗莎曾透露絕對唔會俾保姆上枱食飯，令部份網民感到反感。面對網民們嘅批評，蔣麗莎今次主動反擊「我每個月花2萬工資是請保姆干活的，不是來享福，誰家顧保姆是用來養的？」，強調與保姆之間嘅僱主關係「我不是不尊重保姆，我們給的工資在上海已經算高了！」
Photo from 蔣麗莎微博
曾表示保姆只係瞓沙發！
網民亦翻出二人過往喺節目中自爆因為屋企房間不足，所以保姆只能夠喺沙發瞓覺！雖然蔣麗莎後來喺直播回應話保姆宜家係同囡囡一齊瞓，但網民們就似乎唔太相信喇。
Photo from 微博
被網民狠批浪費食物！
兩夫婦喺進食10斤嘅小龍蝦時，自爆獨特食法「我們不吃蝦頭、蝦尾，只會吸一點中間的味」，網民隨即留言批評佢哋嘅食法非常浪費！而陳浩民立刻回應係因為擔心蝦頭以及蝦尾唔乾淨；而性格直率嘅蔣麗莎就認為網民們太多管閒事「我們一直都是這樣生活，也沒出現甚麼不好！」
Photo from 微博
Photo from 微博
於鏡頭前公然怒斥陳浩民？！
除咗直播開Live外，二人仲不時會直播帶貨賺錢。昨日（16日），兩夫婦開直播嘅時候竟然突然吵架，而蔣麗莎仲喺鏡頭前怒罵丈夫？！事源係陳浩民誤將妻子煮俾小朋友嘅麵食晒，而妻子發現後就好嬲咁話「這給孩子煮的！這麼大人了，還跟小孩子爭食！」；而陳浩民只能無奈接受，並且表示不解「再煮就好了啊！」
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
