法證先鋒5|鄭俊弘演足4輯,戲份卻大減?被黃宗澤封大前輩表情尷尬!

法證先鋒5|鄭俊弘演足4輯,戲份卻大減?被黃宗澤封大前輩表情尷尬!

電視電影 娛樂新聞
By Jennifer on 22 Nov 2022
Digital Editor

TVB《法證先鋒5》播出,主角再度轉晒人,由黃宗澤、蔡思貝、王敏奕主演。其中鄭俊弘卻係由第一輯已經出演嘅「大師兄」,喺訪問時其他人都忍唔住叫佢做前輩,令鄭俊弘忍唔住露出尷尬表情。

TVB《法證先鋒5》播出,主角再度轉晒人,由黃宗澤、蔡思貝、王敏奕主演Photo from TVB

《法證先鋒5》主角班底大換人

《法證先鋒》系列係TVB嘅「皇牌電視劇」,10幾年嚟已經拍咗五輯,其中《法證先鋒5》主角班底又同第四輯唔同晒,由黃宗澤、袁偉豪、蔡思貝、袁偉豪等人主演。雖然《法證先鋒》得第一、第二輯係用返原班人馬,但有一個人卻係由第一輯做到第五輯。

《法證先鋒5》主角班底又同第四輯唔同晒Photo from TVB

鄭俊弘於《法證先鋒》演蒙嘉慧弟弟

佢就係鄭俊弘!喺2006年播出嘅《法證先鋒》中佢就有份參演,劇中佢飾演女主角蒙嘉慧嘅細佬,本身係法證部技術員,雖然無咩經驗,但係上司歐陽震華都畀咗好多機會佢。鄭俊弘出演《法證先鋒》時只係出咗道幾年,但呢個角色同主角有唔少對手戲,所以佢戲份都唔少,佢更暗戀第二女主角鍾嘉欣,角色有發揮。

鄭俊弘飾演女主角蒙嘉慧嘅細佬Photo from TVB

劇中鄭俊弘本身係法證部技術員,雖然無咩經驗,但係上司歐陽震華都畀咗好多機會佢。Photo from TVB

鄭俊弘再度出演續集《法證先鋒2》

去到續集《法證先鋒2》,鄭俊弘繼續飾演細佬「剛仔」,不過由於女主角蒙嘉慧戲份大減,轉咗佘詩曼領銜主演,加上剛仔呢個角色亦更加成熟,鄭俊弘嘅戲份比起第一集無咁突出。

去到續集《法證先鋒2》,鄭俊弘繼續飾演細佬「剛仔」Photo from TVB

《法證先鋒3》無份,鄭俊弘《法證先鋒4》回歸兼「升職」做科學鑑證主任

《法證先鋒3》主演班底全部換晒,以全新劇情示人,所以有份出演第一、第二輯嘅鄭俊弘都未有繼續參與第三輯嘅《法證先鋒》,不過去到第四輯佢卻以新角色「湛霆」再次出演,今次佢同樣係法證部,不過就「升職」成科學鑑證主任。喺第四輯中鄭俊弘戲份唔少,仲同朱晨麗有感情線。

第四輯佢卻以新角色「湛霆」再次出演,今次佢同樣係法證部,不過就「升職」成科學鑑證主任。Photo from TVB

《法證先鋒》第四輯中鄭俊弘戲份唔少,仲同朱晨麗有感情線。Photo from TVB

《法證先鋒5》鄭俊弘角色獲保留但第七集即離世

近日播出嘅《法證先鋒5》中雖然主演人馬又唔同晒,但鄭俊弘嘅角色「湛霆」卻獲保留,佢今次係男主角黃宗澤嘅下屬兼徒弟,但第6集中佢於二次搜證時被奸角高鈞賢陷害,最終於第七集輕生離世。今次佢第7集就「領便當」,不過都算係劇集嘅重要人物,即使戲份唔多都有可以發揮演技。

《法證先鋒5》中雖然主演人馬又唔同晒,但鄭俊弘嘅角色「湛霆」卻獲保留Photo from TVB

第6集中鄭俊弘於二次搜證時被奸角高鈞賢陷害,最終於第七集輕生離世。Photo from TVB

黃宗澤封做前輩,洪永城稱為「祖先」,鄭俊弘聞言表情尷尬

《東張西望》訪問一眾《法證先鋒5》主演時主持就提到鄭俊弘已經出演過好多輯,問其他人有無稱呼鄭俊弘做「大師兄」,黃宗澤即笑言:「佢唔係大師兄,佢根本係前輩!」此時洪永城加一句:「唔係祖先咩?」令鄭俊弘哭笑不得,其他人又加一句:「祖師爺!」搞到鄭俊弘面露尷尬,更想用手掩面。

東張西望》訪問一眾《法證先鋒5》主演時主持就提到鄭俊弘已經出演過好多輯,問其他人有無稱呼鄭俊弘做「大師兄」Photo from TVB

黃宗澤即笑言:「佢唔係大師兄,佢根本係前輩!」Photo from TVB

洪永城加一句:「唔係祖先咩?」令鄭俊弘哭笑不得Photo from TVB

其他人又加一句:「祖師爺!」搞到鄭俊弘面露尷尬Photo from TVB

《法證先鋒5》已經率先喺內地首播,不過內地網民就唔太欣賞,更直言《法證先鋒》系列越拍越唔好睇。鄭俊弘喺5輯中出演足足4輯,可能係因為其他同期嘅演員都已離巢或各有發展,近年佢雖然keep住出演電視劇,但角色都係配角多。喺樂壇方面佢參加《星夢傳奇》成名,之後有出歌、開個人演唱會,2022年佢回歸星夢,但未有推出音樂作品,主要都係唱劇集主題曲。

《法證先鋒5》已經率先喺內地首播,不過內地網民就唔太欣賞Photo from TVB

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

周柏豪被踢出《法政V》 由黃宗澤頂上! 首度開腔回應 因返內地拍戲而撞期

8 Oct 2021

TVB經典系列《法政先鋒V》即將於本月開拍,有傳TVB將配合內地整頓娛樂圈嘅政策,非常重視藝人們嘅行為。有傳,原本由周柏豪黃翠如擔正嘅《法政先鋒V》就將改由黃宗澤、蔡潔頂替角色,但周柏豪近來就表示突然換角係因為自己要返內地拍戲啊!

有傳周柏豪被《法政先鋒V》劇組換走!Photo from 周柏豪IG

#黃宗澤回巢拍《法政V》

於上年播出嘅《法政先鋒IV》就獲得唔錯嘅收視成績,因此TVB就籌備《法政先鋒V》,並將於本月開始拍攝。其中,有傳聞就指曾志偉出面成功邀請到離開TVB 4年嘅黃宗澤回巢參與電視劇,令唔少網民都感到十分期待!

《法政先鋒IV》上年播出時創下收視佳績,因此TVB決定開拍新一輯!Photo from 《法政先鋒IV》

黃宗澤就於IG大晒劇本!Photo from 黃宗澤IG

#主演周柏豪被換走!

有傳聞指,原本《法政先鋒V》係有周柏豪同黃翠如擔正演出,不過就因為TVB想配合內地整頓娛樂圈嘅政策而被迫換走!而過去,周柏豪就曾經因為言論而引起網民們嘅不滿,今年就有商場邀請佢舉辦online粉絲見面會,唯獨最後卻因為太多網民「派嬲」而搞到要將post刪除,人氣大不如前!

有傳TVB將會跟隨內地整頓娛樂圈政策,所以先換走周柏豪?!Photo from 周柏豪IG

周柏豪今年曾經嘗試舉辦見面會,可惜不獲網民支持!Photo from FB

#傳黃宗澤取代周柏豪!

現時《法政先鋒V》將會由黃宗澤取代周柏豪位置,飾演法醫一角。而大部分網民知道換角嘅傳聞後,都話「好彩換咗人演!」、「太好喇!係黃宗澤啊!」等留言,似乎都對於換角嘅決定感到非常興奮~

網民們都因為黃宗澤宣佈參與電視劇而感到興奮!Photo from 黃宗澤IG

網民得知周柏豪被換角後都有唔同嘅睇法,大多都話支持呢個決定!Photo from 周柏豪IG

#周柏豪解釋因為內地工作撞期!

而周柏豪日前接受訪問時,就對外解釋換角嘅傳聞。佢回應「其實喺公佈會出演新一輯之後,好快就收到另一個工作嘅邀約,而公司就決定咗返內地工作」,所以就好遺憾無緣參與今次嘅拍攝!

周柏豪接受訪問,首度開腔回應被換角傳聞!Photo from 娛樂新聞台

#下年先會返香港!

而周柏豪好大機會10月尾就要離開香港,到內地拍攝電視劇,需時幾個月,所有都要出年先可以返港。而啱啱二度成為人父嘅佢就表示「會錯過囡囡2歲生日、結婚週年紀念、仔仔百日宴等,好唔捨得!」不過就有部份網民就似乎唔係好相信佢嘅說法,認為係因為被換角先會選擇返內地工作。

周柏豪8月嘅時候宣佈再度成為人父,誕下仔仔!Photo from 周柏豪IG

 不過網民就似乎唔太相信周柏豪嘅解釋喇!Photo from TVB YouTube

#否認因為酬勞高而接job!

對於被問到TVB係因為擔心先換走佢,周柏豪就回應「唔會!我而家都係返內地拍劇,之前仲有份出演內地中秋晚會」;而佢就話選擇接拍內地嘅電視劇同酬勞高無關,只係因為角色十分吸引!

周柏豪將前往內地拍攝電視劇,不過就否認係因為酬勞高!Photo from 周柏豪IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel