薛凱琪被惠英紅嘲40幾歲做花瓶，狠批再不發力星途難有發展！

By Pat on 12 Dec 2022

Digital Editor

今年已經41歲的薛凱琪（Fiona）近年一直長駐內地發展，容貌亦多次受到網民質疑，被指「整很大」。最近就再次參與內地節目《無限超越班》，日前播出預告片被「班主任」惠英紅當面嘲諷，直言40幾歲的Fiona還在裝陶瓷娃娃，再不把握機會就差不多了，Fiona當場表情僵硬，氣氛尷尬。

Photo from Photo from 無限超越班@微博

真人騷與TVB聯手

《無限超越班》是由浙江衞視、聯合優酷平台和TVB等共三台聯手製作一個關於演技的真人騷，由於參賽者大部分都是有演出經驗的演員，所以都有一定的知名度。參賽者要演出經典電影或TVB劇中某些情節，並且要用廣東話演出，例如《上海灘》、《大內密探零零發》、《射鵰英雄傳》等等，節目同時亦找到有爾冬陞、惠英紅、吳鎮宇、佘詩曼等擔任點評導師，成龍則擔任召集人。

Photo from Photo from 無限超越班@影片截圖

被嘲諷只是陶瓷娃娃

而日前釋出的預告中，可見Fiona一開始跟爾冬陞與及惠英紅表示希望可以成為一個「調色盤演員」，嘗試更多不一樣的戲，指自己一直以來戲路都很窄，只有演過古裝、現代戲跟搞笑片，很想挑戰一下反派的角色，惠英紅聽罷就表示，對於Fiona的感覺，她只認為是一個40幾歲的陶瓷娃娃，更明言年齡只是一個號碼，只要抓得好就是優勢，抓得不好就會被綁死，奉勸Fiona在這次節目中要好好把握機會，不然她的演藝生涯就差不多了。Fiona聽罷面色一沉，氣氛非常尷尬，亦有不少網民認同惠英紅的「直腸直肚」，指她說出了Fiona心底裏最害怕的事實。

Photo from Photo from 無限超越班@影片截圖

渴望擺脫花瓶

其實Fiona 2003年初出道時，風頭曾經一時無兩，橫掃各個頒獎禮的女歌手獎項，2006年更加憑電影《早熟》成功入圍第25屆香港電影金像獎「最佳新演員」提名，2011年更首度憑電影《分手說愛你》入圍第30屆香港電影金像獎「最佳女主角」。2008年12月，更加踏足音樂劇《Last Smile, First Tear》，電影、音樂都曾經大受歡迎。Fiona 在演藝路上一直嘗試不同範疇上的不同崗位，自2018年開始就開始將重心轉移至內地市場，首次參與綜藝節目《乘風破浪的姐姐》，最初因為大情大性的性格令內地網民討厭，覺得其造作兼無實力只是一個花瓶，後來觀眾們慢慢發現她的真性情是發自內心的，就開始在內地大受歡迎。

Photo from Photo from 《分手說愛你》劇照

Photo from Photo from 《Last Smile, First Tear》

Photo from Photo from 《早熟》劇照

Photo from Photo from physit@IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

薛凱琪自爆想有小朋友!? 罕談感情史稱入行17年點會無拍過拖

Aug 16, 2022

薛凱琪最近因《乘風破浪》而係內地人氣急升，佢日前現身王祖藍主持嘅綜藝節目《有個閏密叫祖藍》擔任嘉賓，大談自己係娛樂圈嘅經歷，更分享自己嘅人生大計，自爆想生B？

Photo from 《有個閨密叫祖藍》截圖

相識18年

薛凱琪同王祖藍原來係一個兒童節目中認識，至今原來已經識咗十八年，不過笑言同對方係好似屋企人嘅密友，因為薛凱琪要夜晚傾電話傾好耐，但佢會眼瞓，所以佢地唔係成日見但都會掛住對方。王祖藍更大爆對方係喊包，十次見面就有七次係到喊，更指對方係工作狂，薛凱琪更稱自己「唔停得」，希望做嘢做到八十幾歲！

Photo from 《有個閨密叫祖藍》截圖

大方提及感情事

甚少提感情事嘅Fiona係節目中大方提及同王祖藍合作拍攝電影《人間喜劇》嘅事，王祖藍話當年製作組都發現到Fiona情緒病爆發，而Fiona就話覺得佢好大量，當時佢癲到咁都頂得佢順，更指當時情況係無法自控，拍攝未埋位已經不斷流眼淚。佢指其實當年病發同家庭有關，起因係父母離異，但而家會形容（唔開心）係自己比自己，以前會怪責家人，而家會怪責自己點解個陣時要怪責屋企人，加上當時愛情上又令自己病情惡化。

Photo from 《有個閨密叫祖藍》截圖

拍拖少但自爆想生B

Fiona坦言拍拖次數「十隻手指數得哂」，更稱「入行十七年點會無拍過拖」，不過每次拍拖都會堅稱自稱無拍拖，但入行以來拍過4次拖，而且唔會拍散拖。佢自嘲細個皮膚黑、四眼仲箍緊牙，所以中學完全無人追，到大學先有初戀。而王祖藍就問到佢嘅感情同工作間取捨，Fiona就話兩樣都想要，自爆有時祈禱會希望天父賜佢一個小朋友，「我會話你覺得係時候嘅話就比我啦」，似乎暗示有人生大計！

Photo from 《有個閨密叫祖藍》截圖

方大同是人生導師

Fiona稱男性好友多數視佢為「麻甩佬」，亦笑言自己曾經試過煮飯比另一半，不過發生係太耐之前，剩係記得對方「食咗幾啖就無食」，睇黎Fiona仲未搣甩《美女廚房》嘅地獄廚神稱號。後來兩人傾到Fiona嘅老友方大同，Fiona直指對方係影響自己三觀嘅人，更稱對方係佢其中一個生命導師！更因為方大同嘅說話令佢相信人一定有美好嘅地方，「喺我最困惑時，佢用理智將我拉番出黎，叫我唔好做傻事。」

Photo from 《有個閨密叫祖藍》截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

王祖藍貼心為老婆李亞男提裙，慘被指似花童！夫婦真實身高差曝光

16 Aug 2022

王祖藍2015年與李亞男結婚，婚後育有兩女，夫妻一直恩愛。近日王祖藍夫婦盛裝打扮出席內地「北京國際電影節」，王祖藍更十分貼心為老婆李亞男提起禮服裙擺，但卻被內地網友笑言佢似新娘身邊嘅花童，成為熱話。

Photo from 李亞男微博

王祖藍、李亞男結婚7年育有2個女兒

2014年王祖藍公開向李亞男求婚成功，兩人於翌年成婚，婚後育有Gabby同Hayley兩位女兒。王祖藍亦不時喺社交網站分享一家四口嘅照片，家庭幸福美滿。而李亞男一直都做「跟得夫人」，先係跟隨王祖藍北上工作，到王祖藍回港擔任「首席創意官」，李亞男亦一直陪伴在側。

Photo from 李亞男微博

出席內地「北京國際電影節」行紅地氈，王祖藍為李亞男提裙

雖然喺香港有好多工作，但王祖藍於內地亦參加唔少節目。近日佢同太太李亞男獲邀出席內地「北京國際電影節」，兩人以一身正裝出席活動，李亞男久違著上露肩禮服裙，即使係兩孩之母仍然keep得好好。

Photo from 李亞男微博

李亞男同丈夫王祖藍一向恩愛，兩人不時會喺微博互動「耍花槍」。北京國際電影節行紅地氈時，王祖藍不忘為老婆提起拖地嘅裙擺，以免李亞男踩到，十分貼心。

Photo from 王祖藍微博

李亞男著高跟鞋，王祖藍被指似花童

不過由於身穿禮服裙，李亞男亦有著到高踭鞋，於是佢同王祖藍嘅身高差更加明顯，有網民笑言王祖藍望落似婚禮上新娘旁邊嘅花童。事件更登上微博熱搜榜，「王祖藍給李亞男提裙好像花童」話題有唔少網民討論。

Photo from 李亞男微博

Photo from 微博

大女身高遺傳李亞男？！

李亞男亦有喺微博post出兩人行紅地氈嘅相片：「你好，我的花童 @王祖藍」，王祖藍喺留言公開自己小時候嘅真實花童照回應：「當花童我可是專業的」有網友就指王祖藍可能將來係全家身高最矮嘅人，因為從李亞男公開嘅照片可見3歲嘅Gabby身高已經到媽媽嘅腰部位置，相信遺傳李亞男嘅身高基因，相信好快就會超越爸爸王祖藍。