森美重回成長地感觸含淚爆喊，語重心長希望大家懂得欣賞人生

By Pat on 30 Dec 2022

Digital Editor

人前人後都受人敬仰的DJ森美，原來從小在屋邨長大，爸爸是消防員，小時候就讀聖方濟愛德小學及中學入讀過名校聖士提反書院、喇沙書院和新亞書院等學校，當年會考更以25分（1A5B）的超高姿態畢業進入中大。早前他受邀上TVB新節目《回家》，就大爆自己童年時的開心史，講講吓仲突然感觸爆喊。

Photo from 「熊館」截圖

TVB的特備節目《回家》每集將會請來曾經居住於屋邨的不同藝人，一連十集用嘉賓極具人情味的動人回憶來介紹香港的特色公屋，第一集就邀請到森美回到他童年時居住的地方- 葵盛西邨。念舊的森美一回到熟悉的成長地，立刻表現興奮，仲話童年時當正成條邨係自己屋企，去到邊都會撞到朋友。

Photo from TVB《回家》截圖

獨特「籮柚夾雞尾包」

講到興起嘅森美仲同街坊分享佢兒時覺得雞尾包最美味嘅食法，叫做「籮柚夾雞尾包」。去到新鮮出爐嘅麵包鋪買一個雞尾包然後再用「籮柚」去坐扁，引到在場街坊都笑到合不攏嘴。感性嘅森美慨嘆，童年比現在更容易滿足。

Photo from TVB《回家》截圖

獲製作組贈童年回憶「金絲貓」

而製作組每集都會為來賓花花心思，知道森美小時候最想要嘅就係一隻「金絲貓」（巴莫方胸蛛），森美收到「金絲貓」感動無比，仲以呢份禮物同街坊小朋友「熱鬥」一番，但現今小朋友少接觸昆蟲，又怕但又躍躍欲試。森美最後提到自己從前經常於?口位置踢波踩單車時，可能畫面太過深刻，回憶都湧上在心頭，上一秒仲笑笑口下一秒就突然間感觸落淚。

Photo from 網上圖片

Photo from TVB《回家》截圖

曾受情緒病困擾長達十年

其實森美出身基層，因而特別容易知足常樂，早前他接受Youtuber 熊仔頭訪問時亦大方承認，曾經受抑鬱症所困擾，當時每日完成電台節目後，都會責怪自己工作表現欠佳，擔心觀眾反應，約朋友外出時臨門一腳卻會不想出門，擔心同朋友會沒有話題，更自爆原來抑鬱症從未斷尾：「容易抑鬱嘅人係最記得自己做錯嘅嘢，會忘記晒自己好嘅事！我覺得醫生講得幾好，你由冇事變有事用咗5、6年，咁你變返好要5、6年就緊㗎啦！」

Photo from 「熊館」截圖

而節目嘅最後，森美仲語重心長咁同熊仔頭表示：「抑鬱嘅時候無論你做咩都覺得唔快樂，實際上係你開心，就做咩都開心，如果嗰件事大家都覺得好差，而你都感覺到嗰樣嘢係好嘅時候，你就係最好運嘅時候，你懂得欣賞自己嘅人生嗰陣你就係行緊運。」片段一出嘅時候，呢番說話令到好多網民感動，更加覺得森美對人對事嘅睇法都與眾不同，希望每一個人都可以做到識得欣賞自己嘅人生，共勉之。