樊少皇宣佈離婚後求賈曉晨原諒！老婆JJ嬲爆回應，被網民質疑炒作？！
現年40歲嘅JJ賈曉晨與49歲樊少皇結婚7年，育有兩女。近年兩人都定居內地，近日樊少皇突然喺微博宣佈「離婚」引起熱議，連JJ都要佢公開解釋，最終樊少皇發文求老婆原諒，但JJ似乎唔收貨！更有網民質疑佢哋兩夫婦係夾埋炒作！
Photo from JJ微博
JJ賈曉晨與樊少皇結婚7年育有2個女兒
JJ賈曉晨2006年來港參加TVB《美女廚房》並奪得「美少女廚神冠軍」之後入行，佢2007年於TVB節目《味分高下》擔任味之天使「梳打」受到關注，之後參演過唔少電視劇，而JJ每次出演《獎門人》都會因為「瞇眼吸乒乓波」而成為話題。
Photo from TVB
2012年JJ同動作演員樊少皇拍拖，兩人2016年結為夫妻，婚後育有「小飯兜」、「小飯團」兩個女兒。近年因工作原因，JJ同老公定居內地，亦主力參演內地作品。不過久未於香港露面嘅JJ夫婦近日就受到唔少網民關注。
Photo from JJ微博
樊少皇突宣佈同JJ賈曉晨要離婚？！
原因就係JJ喺微博公開夫妻合照慶祝佢哋結婚7周年，點知樊少皇竟然喺微博轉發：「我們要離婚了」，雖然佢隨後又先後改成「我們」、「我們換個冬天不冷的地方生活吧」，但由於微博可以查看帖文編輯記錄，因此樊少皇第一次寫嘅「我們要離婚了」仍然引起網民嘅揣測。
Photo from JJ微博
Photo from 樊少皇微博
樊少皇解釋「離婚」真相，求老婆原諒
事件引起網民熱議，JJ亦於微博發文：「吃瓜吃到自己頭上了，等後續。出來解釋解釋吧@樊少皇，我就看看你怎麼說」，令離婚傳聞討論度越嚟越高。樊少皇終於出現解釋，佢指本身想打「我們離開這裡了」，但因為手機嘅關聯字變咗打成「離婚」，再加上「楊康之後疑似出現腦霧後遺症（「楊康」應該係指新冠檢測陽性後康復）」，同埋兩個女兒一直「搞事」先會打錯字。
Photo from JJ微博
Photo from 樊少皇微博
樊少皇稱：「哎呀！手滑了出事了，我一看清，趕緊重新編輯。」但估唔到竟然有編輯記錄留下紀錄，佢更向老婆JJ道歉求原諒：「老婆，我错了，求你原谅我吧！」JJ並未轉發呢個帖文，佢喺微博表示：「我還以為這是一不小心把心裡話給發出來了呢」，佢又指：「下次要是有什麼想法直接告訴我，別在網上又打錯，還得想怎麼回應」，似乎仲未嬲完！
Photo from 樊少皇微博
Photo from JJ微博
Photo from JJ微博
賈曉晨要求老公跪榴槤？網民質疑JJ夫妻炒作
之後JJ又發文晒出榴槤相片並留言：「怎麼用？」唔通想叫老公樊少皇跪榴槤？！有網民就認為打錯字其實唔出奇，尤其用iPhone個關聯字真係好易打錯，但亦有網民指呢啲咁少嘅家事兩夫妻私下解決就得，直言佢哋咁公開回應有炒作嫌疑：「估計要出來帶貨了。」
Photo from JJ微博
Photo from 微博
Photo from 微博
有內地網民於JJ微博留言：「有些事情就私底下解決為好。」JJ同樊少皇分別回應稱點都要公開交待下，樊少皇更表示自己發文解釋嘅時候一家四口都喺同一張梳化上。
Photo from JJ微博
Photo from JJ微博
相關文章：盤點 9 位昔日「天使」去向大不同～Coffee變百萬KOL Liddy當年介入李心潔婚姻現富豪老公有錢過彭順多多聲
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
39歲賈曉晨受夠做家庭主婦堅決復出？！老公樊少皇忙拍戲，獨力湊兩個女感崩潰
27 Sep 2021
賈曉晨（JJ）與老公樊少皇婚後育有兩個女兒，現年39歲嘅佢誕下女兒後就專心照顧家庭，近年甚少工作嘅佢最近喺微博大呻做家庭主婦亳無成就感，決心繼續做幕前工作。佢湊兩個女忙到失魂，曾誤餵過期奶粉、剪傷女兒指甲。
Photo from 賈曉晨微博
賈曉晨與樊少皇結婚後育有兩個女兒
賈曉晨（JJ）同樊少皇於2016年結婚，婚後一年佢誕下大女「小飯兜」、2020年誕下細女「小飯團」，兩個女兒年紀仲好細，JJ決定專心照顧佢哋。
Photo from 賈曉晨微博
忙於湊女嘅佢喺2020年年尾曾表示：「不用考慮接戲了」，事實上佢近年幕前工作都唔多，結婚後只拍過一套電影，將自己空餘時間都分畀家庭。大女小飯兜亦遺傳媽媽美貌，年紀小小十分精靈可愛！
Photo from 賈曉晨微博
賈曉晨呻做家庭主婦吃力不討好
不過JJ近日喺微博大呻做家庭主婦係最吃力不討好嘅工作！佢表示：「雞毛蒜皮嘮嘮叨叨幾乎佔據了全部生活，無人理解，別人幫不上忙，必須自己扛」，JJ又直言做全職家庭主婦無半點成就感，更多嘅係壓力、疲憊同憤怒。
Photo from 賈曉晨微博
Photo from 賈曉晨微博
一人湊兩個女感崩潰，曾誤餵過期奶粉/剪傷女兒指甲，決意復出
其實要獨力照顧兩個年幼女兒，JJ壓力唔細，佢曾喺網上買奶粉，但因為無留意保質期，結果餵女兒飲時發現已過期一個月，細女更飲咗成個月，令佢十分自責。
Photo from 賈曉晨微博
Photo from 賈曉晨微博
之後佢幫小飯團剪指甲時唔小心剪傷女兒，JJ大為心痛，更反問自己：「我是怎麼了，已經第二次剪破小寶的指甲了。。。以前兜兜從來沒剪破過，我到底怎麼回事」
Photo from 賈曉晨微博
JJ反覆強調要復出繼續幕前工作：「我想繼續我的工作，趁現在爭取多一點工作，一定要工作，我要工作」
Photo from 賈曉晨微博
樊少皇主力拍内地網路電影，新戲演「國產Iron Man」？！
睇嚟湊女真係好辛苦，JJ亦透露好耐無post過同老公樊少皇嘅合照，原因係老公比較忙。樊少皇近年主力拍攝内地網路電影，2021年佢已有4套網路電影上映。
Photo from 賈曉晨微博
Photo from 《神兵特攻》
其中一套網路電影《神兵特攻》，樊少皇係主演，電影一上線更登上熱播榜第一！向來主力出演武打電影嘅樊少皇喺《神兵特攻》亦有以真功夫演出，不過電影最令人印象深刻嘅莫過於係佢身穿灰色機甲嘅情節。
Photo from 《神兵特攻》
套機甲與Marvel《鐵甲奇俠（Iron Man）》十分相似，雖然著機甲嘅片段唔多，但都引起部分觀眾嘅熱議。
Photo from 《神兵特攻》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
