日本拉麵店「失敗蛋」意外爆紅?!僅售1.2蚊!網民大讚:希望全國都可以咁做!

日本拉麵店「失敗蛋」意外爆紅?!僅售1.2蚊!網民大讚:希望全國都可以咁做!

生活熱話 美食推介
By Wing Ws on 18 Jan 2023
Digital Content Writer

半熟蛋係日式拉麵中常見嘅配菜,一粒成功嘅半熟蛋咬落去就可以見到入面柔軟嘅溏心,食落肚絕對係大滿足,相信大人細路都好鍾意!不過大家又有冇聽過「失敗蛋」呢?有日本網民表示,喺拉麵店嘅餐牌上見到呢項料理,好奇心驅使下決定嗌嚟試吓,而結果令呢位網民非常驚喜,相關帖文亦引起其他網民嘅一致好評,甚至希望全國拉麵店都可以推出呢款「失敗蛋」!

半熟蛋係日式拉麵中常見嘅配菜。Photo from 《愛吃拉麵的小泉同學》劇照

「失敗蛋」到底點失敗法?

早前,一名日本網民喺Twitter發帖,表示喺一間拉麵店點餐嘅時候發現一條名為「失敗蛋」(失敗玉子)嘅料理,呢位網民一開始仲以為係類似「麻藥蛋」般奇怪口味嘅雞蛋,佢決定嗌一份試吓,上菜後當堂鬆咗啖氣,原來呢份「失敗蛋」係煮失敗嘅半熟蛋!

「失敗蛋」原來係煮失敗嘅半熟蛋!Photo from Twitter @gogonocoda

「失敗蛋」之所以失敗,係因為佢有瑕疵,可能係製作過程中蛋黃穿咗、剝殼嘅時候傷到表面、熟度未如理想等。雖然失敗咗,但味道並無影響,而且呢份「失敗蛋」更只售20円(港幣約1.2元),幾乎等同食材成本嘅價格,相信冇人會嫌棄!

「失敗蛋」之所以失敗,係因為有瑕疵。Photo from Tabelog食べログ

網民一致好評

有關帖文喺社交平台上引起熱議,網民更一致好評,認為店家唔浪費嘅態度值得一讚,更表示「咁樣完全可接受,希望全國嘅拉麵店之後都可以咁做」、「要嗌返10個」、「呢個比平時嘅食材更受歡迎,唔知日後會唔會特登將雞蛋整失敗?」。有網民指出「失敗蛋」只係外觀差咗啲,但完全係可以食到,認為其他食肆都可以嘗試增加呢類「失敗」嘅料理,而網民就表示「失敗拉麵」都可以接受!另外,有自稱喺拉麵店工作嘅網民表示,自己經常會將呢種失敗嘅雞蛋炸成天婦羅再撈飯食,聽落都好好食!

網民話完全可以接受!Photo from Twitter

有網民仲話要嗌10個!Photo from Twitter

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

GOGYO五行|闊別3年日本過江龍拉麵中環回歸! 必食招牌焦香味噌拉麵+DIY壽司手卷

16 Jan 2023

日本拉麵大王河原成美創辦的GOGYO五行拉麵,闊別3年後再回歸中環!各位拉麵迷可以再次品嚐到經典五行焦香味噌拉麵之外,更多達40款佐酒小食和飲料,讓大家與三五知己來小酌一番。

日本過江龍拉麵回歸

GOGYO五行拉麵於2003年暫別香港後,令一眾拉麵迷大嘆可惜,不過最近店家已選址中環重開!拉麵店名概念來自玄學五行哲理—金、木、水、火、土,意思是各力量環環緊扣結合,新店揉合傳統日式居酒屋及現代西式酒吧元素,包括加入逾40款佐酒小食、主菜、甜品及多款手工啤酒等。

廣告
廣告

GOGYO五行拉麵於2003年暫別香港後,令一眾拉麵迷大嘆可惜,不過最近店家已選址中環重開!Photo from Presslogic

招牌五行焦香味噌拉麵

以「五行焦香味噌拉麵」而聞名的GOGYO五行,以熱油高溫烘烤湯底內的自家秘製味噌醬,所以帶陣陣焦香和煙燻味,有別於常見的豚骨和醬油湯底,飲落甘甜又有層次。而且配上叉燒油脂相間,麵條又夠煙韌和掛湯,整體十分出色!

以「五行焦香味噌拉麵」而聞名的GOGYO五行,以熱油高溫烘烤湯底內的自家秘製味噌醬,所以帶陣陣焦香和煙燻味,有別於常見的豚骨和醬油湯底!Photo from Presslogic

另推介法式烤牛清湯拉麵,嚴選美國黑毛安格斯牛肉,每片呈豐富大理石紋,肉質柔軟,用料不馬虎!而且牛肉清湯加上白松露油,清甜易入口,又帶陣陣菌香味。

另推介法式烤牛清湯拉麵,嚴選美國黑毛安格斯牛肉,每片呈豐富大理石紋,肉質柔軟,用料不馬虎!Photo from Presslogic

逾40款佐酒小食

除經典拉麵外,店家更提供逾40款佐酒小食及主菜,當中有可按個人喜好,自己DIY的京風手織壽司。拼盤中包括海膽、油甘魚、拖羅蓉、三文魚、赤海蝦、三文魚子及野菜天婦羅,大家可以自由組合壽司米飯及刺身並捲成手卷;刺身肥美厚身,鮮美又好玩!

除經典拉麵外,店家更提供逾40款佐酒小食及主菜,當中有可按個人喜好,自己DIY的京風手織壽司。Photo from Presslogic

食肉獸必食鹿兒島和牛的菜式,店家將和牛切成刺身薄片,肉質嫩滑之外,再蘸上生蛋黃汁同食,更突顯和牛濃郁的脂香氣!焦香味噌和牛三文治,同樣選用來自日本鹿兒島的和牛,配上由招牌焦香味噌製成的吉列和牛醬汁,帶濃郁脂香味;加上三文治吸入醬汁和肉汁,食落外脆內軟又滋味!

食肉獸必食鹿兒島和牛的菜式,店家將和牛切成刺身薄片,肉質嫩滑之外,再蘸上生蛋黃汁同食,更突顯和牛濃郁的脂香氣!Photo from Presslogic

焦香味噌和牛三文治,同樣選用來自日本鹿兒島的和牛,配上由招牌焦香味噌製成的吉列和牛醬汁,帶濃郁脂香味Photo from Presslogic

而最令人驚喜是店家與日本著名串燒店八兵衛合作,將正宗的串燒帶到香港!當中包括有外層香脆、內餡軟滑的吉列青豆餅串;肥瘦相間、肉香濃郁的鹽味豚腩及自家製的免治雞肉串,最適合佐以美酒及燒酎同嚐。

而最令人驚喜是店家與日本著名串燒店八兵衛合作,將正宗的串燒帶到香港!Photo from Presslogic

聯乘本地品牌

與7個本地品牌、創作者及美食家合作,推出聯乘飲品和服飾等。包括由2位姐妹共創的「大杯茶」,當中紫蘇綠茶菌最為特別,飲落帶淡淡的肉桂、丁香和薄荷味;另推介英雄啤特調的季節手工啤酒「Phases」,味道清新又解渴,最適合作解膩飲品!

與7個本地品牌、創作者及美食家合作,推出聯乘飲品和服飾等。Photo from Presslogic

GOGYO 五行
營業時間:星期一至日及公眾假期 11am至10:30pm
電話:3568 5833
地址:中環遮打道 16-20 號歷山大廈地庫1樓B02 號舖

更多【美食推介】請按此

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel