日本拉麵店「失敗蛋」意外爆紅？！僅售1.2蚊！網民大讚：希望全國都可以咁做！

半熟蛋係日式拉麵中常見嘅配菜，一粒成功嘅半熟蛋咬落去就可以見到入面柔軟嘅溏心，食落肚絕對係大滿足，相信大人細路都好鍾意！不過大家又有冇聽過「失敗蛋」呢？有日本網民表示，喺拉麵店嘅餐牌上見到呢項料理，好奇心驅使下決定嗌嚟試吓，而結果令呢位網民非常驚喜，相關帖文亦引起其他網民嘅一致好評，甚至希望全國拉麵店都可以推出呢款「失敗蛋」！

Photo from 《愛吃拉麵的小泉同學》劇照

「失敗蛋」到底點失敗法？

早前，一名日本網民喺Twitter發帖，表示喺一間拉麵店點餐嘅時候發現一條名為「失敗蛋」（失敗玉子）嘅料理，呢位網民一開始仲以為係類似「麻藥蛋」般奇怪口味嘅雞蛋，佢決定嗌一份試吓，上菜後當堂鬆咗啖氣，原來呢份「失敗蛋」係煮失敗嘅半熟蛋！

Photo from Twitter @gogonocoda

即睇更多人氣文章：
17歲少女興奮晒爸爸送「名牌袋」，售價僅$500被網民笑！含淚回應獲力撐
台灣網紅踩入日本做一日牛郎，靠翻譯同肢體動作一個鐘勁賺50萬

「失敗蛋」之所以失敗，係因為佢有瑕疵，可能係製作過程中蛋黃穿咗、剝殼嘅時候傷到表面、熟度未如理想等。雖然失敗咗，但味道並無影響，而且呢份「失敗蛋」更只售20円（港幣約1.2元），幾乎等同食材成本嘅價格，相信冇人會嫌棄！

Photo from Tabelog食べログ

網民一致好評

有關帖文喺社交平台上引起熱議，網民更一致好評，認為店家唔浪費嘅態度值得一讚，更表示「咁樣完全可接受，希望全國嘅拉麵店之後都可以咁做」、「要嗌返10個」、「呢個比平時嘅食材更受歡迎，唔知日後會唔會特登將雞蛋整失敗？」。有網民指出「失敗蛋」只係外觀差咗啲，但完全係可以食到，認為其他食肆都可以嘗試增加呢類「失敗」嘅料理，而網民就表示「失敗拉麵」都可以接受！另外，有自稱喺拉麵店工作嘅網民表示，自己經常會將呢種失敗嘅雞蛋炸成天婦羅再撈飯食，聽落都好好食！

Photo from Twitter

Photo from Twitter

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

GOGYO五行｜闊別3年日本過江龍拉麵中環回歸！ 必食招牌焦香味噌拉麵+DIY壽司手卷

16 Jan 2023

由日本拉麵大王河原成美創辦的GOGYO五行拉麵，闊別3年後再回歸中環！各位拉麵迷可以再次品嚐到經典五行焦香味噌拉麵之外，更多達40款佐酒小食和飲料，讓大家與三五知己來小酌一番。

日本過江龍拉麵回歸

GOGYO五行拉麵於2003年暫別香港後，令一眾拉麵迷大嘆可惜，不過最近店家已選址中環重開！拉麵店名概念來自玄學五行哲理—金、木、水、火、土，意思是各力量環環緊扣結合，新店揉合傳統日式居酒屋及現代西式酒吧元素，包括加入逾40款佐酒小食、主菜、甜品及多款手工啤酒等。

Photo from Presslogic

招牌五行焦香味噌拉麵

以「五行焦香味噌拉麵」而聞名的GOGYO五行，以熱油高溫烘烤湯底內的自家秘製味噌醬，所以帶陣陣焦香和煙燻味，有別於常見的豚骨和醬油湯底，飲落甘甜又有層次。而且配上叉燒油脂相間，麵條又夠煙韌和掛湯，整體十分出色！

Photo from Presslogic

另推介法式烤牛清湯拉麵，嚴選美國黑毛安格斯牛肉，每片呈豐富大理石紋，肉質柔軟，用料不馬虎！而且牛肉清湯加上白松露油，清甜易入口，又帶陣陣菌香味。

Photo from Presslogic

逾40款佐酒小食

除經典拉麵外，店家更提供逾40款佐酒小食及主菜，當中有可按個人喜好，自己DIY的京風手織壽司。拼盤中包括海膽、油甘魚、拖羅蓉、三文魚、赤海蝦、三文魚子及野菜天婦羅，大家可以自由組合壽司米飯及刺身並捲成手卷；刺身肥美厚身，鮮美又好玩！

Photo from Presslogic

食肉獸必食鹿兒島和牛的菜式，店家將和牛切成刺身薄片，肉質嫩滑之外，再蘸上生蛋黃汁同食，更突顯和牛濃郁的脂香氣！焦香味噌和牛三文治，同樣選用來自日本鹿兒島的和牛，配上由招牌焦香味噌製成的吉列和牛醬汁，帶濃郁脂香味；加上三文治吸入醬汁和肉汁，食落外脆內軟又滋味！

Photo from Presslogic

Photo from Presslogic

而最令人驚喜是店家與日本著名串燒店八兵衛合作，將正宗的串燒帶到香港！當中包括有外層香脆、內餡軟滑的吉列青豆餅串；肥瘦相間、肉香濃郁的鹽味豚腩及自家製的免治雞肉串，最適合佐以美酒及燒酎同嚐。

Photo from Presslogic

聯乘本地品牌

與7個本地品牌、創作者及美食家合作，推出聯乘飲品和服飾等。包括由2位姐妹共創的「大杯茶」，當中紫蘇綠茶菌最為特別，飲落帶淡淡的肉桂、丁香和薄荷味；另推介英雄啤特調的季節手工啤酒「Phases」，味道清新又解渴，最適合作解膩飲品！

Photo from Presslogic

GOGYO 五行
營業時間：星期一至日及公眾假期 11am至10:30pm
電話：3568 5833
地址：中環遮打道 16-20 號歷山大廈地庫1樓B02 號舖

更多【美食推介】請按此