download HolidaySmart 假期日常 app
印度鑽石商8歲女決定出家!家產過億但生活簡樸,未睇過電視、行商場?

印度鑽石商8歲女決定出家!家產過億但生活簡樸,未睇過電視、行商場?

生活熱話
By Wing Ws on 20 Jan 2023
Digital Content Writer

唔少父母都會為子女搭橋鋪路,希望佢哋行少啲苦路,不過作為子女可能有想做嘅事,甚至年紀輕輕就已經確立自己嘅目標或理想。印度鑽石富商嘅8歲女Devanshi Sanghvi縱然家族產業過億,但面對世俗物質享樂,Devanshi近日卻宣布出家成為耆那教嘅女修士,開始佢嘅修行,並將遵從嚴格教義,過簡樸生活。

印度8歲女Devanshi Sanghvi選擇放棄繼承家業,出家成為耆那教嘅女修士。Photo from Instagram @devanshi_diksha_danam

家族擁上億資產

印度西部蘇拉特市(Surat)嘅珠寶貿易全球聞名,令當地有「鑽石城」之稱。當中,一間1981年成立嘅老牌鑽石珠寶公司「SANGHVI & SONS」淨資產就有6100萬美元(港幣約4.8億元),而8歲嘅Devanshi Sanghvi就係家中兩個女嘅長女,佢仲有個妹妹,不過家族已擁有巨額財產嘅Devanshi未有如大家所想咁,走上家人為自己鋪排嘅道路,反而年僅8歲就選擇「出家」,成為耆那教(Jainism)嘅女修士。

8歲嘅Devanshi係家中長女。Photo from Instagram @devanshi_diksha_danam

未睇過電視、行商場

Devanshi從小跟隨家人信仰耆那教,同其他家庭成員一樣會一日祈禱三次。同時,Devanshi喺信徒中以虔誠聞名,經常出入寺廟,參加至少367次宗教儀式。Devanshi「出家」儀式中其中一名參加者更稱:「Devanshi從未睇過電視或電影,也未曾行過商場或去餐廳用膳。」在場亦有人透露:「即使擁有龐大資產,呢家人平時嘅生活都過得簡樸。佢哋意識到個女想遠離世俗享樂。」而據當地媒體報道,Devanshi嘅父母更表示,個女一直渴望成為一位女修士。

Devanshi嘅父母更表示,個女一直渴望成為一位女修士。Photo from Instagram @devanshi_diksha_danam

成為最年輕嘅女修士之一

終於,Devanshi喺今個禮拜開始咗4日特殊儀式後,於前日(18日)將身衣精美嘅服飾換上全白長袍,乘坐由大象拉行嘅馬車,前往當地寺廟。據知,Devanshi係耆那教最年輕嘅女修士之一。

Devanshi換上全白長袍,前往當地寺廟。Photo from Instagram @devanshi_diksha_danam

子女成為僧侶可提升社會地位

耆那教係印度古老宗教之一。據報,印度有約400萬多耆那教信徒,其中唔少信徒好似Devanshi一家咁嚟自貿易繁榮嘅富人區。呢啲富有家庭通常會鼓勵子女成為僧侶,以提升佢哋喺親戚間嘅社會地位。

呢啲富有家庭通常會鼓勵子女成為僧侶,以提升佢哋喺親戚間嘅社會地位。Photo from Instagram @devanshi_diksha_danam

耆那教教義極嚴

耆那教信徒需要堅持嚴格嘅素食原則,部分男性、女性僧侶會用布料遮嘴,避免不慎吞入昆蟲。但其宗教儀式亦受到唔少批評,例如極端禁食嘅齋戒傳統。2016年印度中部就曾發生一宗案例,一名13歲少女喺2個月嘅齋戒期間,每天淨係被允許飲2次暖水,導致少女昏迷死亡,最後佢嘅父母被警方以過失殺人罪起訴。

耆那教信徒需要堅持嚴格嘅素食原則。Photo from 《淒厲人僧》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

日女被父母逼一年相親35次! 毅然放棄高薪厚職遠赴美國做僧侶

24 Sep 2021

相信唔少女生依然背負住結婚壓力,好多時呢啲壓力都係由父母或者親人所導致嘅!最近,日本一位女士因為抵受唔住父母強逼相親嘅壓力,而隻身前往美國闖蕩10年。再次回日本嘅時候,佢已經成為咗一位僧侶!

英月因為想逃避父母迫婚,毅然飛往美國!Photo from Twitter

#日本女生被父母逼婚!

現時依然有唔少長輩抱持住「女仔要係適婚年齡嫁出去」嘅傳統觀念,而來自日本京都嘅英月就同好多女仔一樣飽受呢種煩惱,不停被家人給予要盡快結婚嘅壓力。不過佢嘅解決方法就令大家都嚇咗一跳!

英月成為僧侶,躲避父母迫婚?!Photo from YouTube@三民書局

#畢業後於日本任職銀行!

根據當地媒體報導,英月屋企係經營寺廟,而佢畢業後就於銀行裡面工作,高薪厚職,能夠輕易購買名牌衣服手袋、周圍去旅行等,喺大家心目中佢好似無憂無慮咁,令旁人十分羨慕。但其實佢嘅內心卻十分孤單,經常都聯想「究竟佢嘅人生有咩意義」,但就反而被母親責備唔知足!

英月畢業後就於銀行工作,高薪厚職,受唔少人羨慕!Photo from Twitter

#父母強逼一年相親35次!

由於祖父母同父母都係透過相親而認識,所以佢哋自然希望英月可以盡快相親結婚,過住幸福快樂嘅日子!佢表示29歲嗰年佢就已經相親咗足足35次,仲遇見過各式各樣嘅奇怪條件:生兒子當繼承人、一個月只可以同朋友見面一次等,令佢對於結婚更加冇憧憬!

英月29歲嘅嗰年,就已經被迫相親35次!Photo from Twitter

#逃離到美國!

喺各方面嘅壓力之下,英月就突然毅然決定離開日本,遠赴美國只為逃離父母嘅迫婚嘅壓力!佢表示到咗美國後生活十分艱辛,由於佢嘅英文程度並唔高,只能夠做餐廳侍應同日語教師賺取生活費,佢亦因此而深深感受到美國同日本嘅職場文化簡直係大相徑庭,令佢更加著重自身價值。

英月表示並冇後悔過佢美國嘅決定,喺經歷令佢尋回自己嘅價值!Photo from YouTube@三民書局

#決定成為僧侶!

英月因為幫朋友主持愛貓嘅葬禮,而令佢重新認識佛教,並決定成為一名僧侶,喺美國展開佢全新嘅人生!喺美國居住咗約10年嘅時間後,當時38歲嘅佢又拋下辛苦建立嘅事業基礎,返回日本任職佛寺主持人。

現時英月於日本成為真宗佛光寺主持人!Photo from Twitter

#至今依然單身!

今年英月已經踏入48歲,不過佢已然單身,並表示對於婚姻抱持住順其自然,隨遇而安嘅態度,認為婚姻對於女生而言並唔係人生嘅全部!

英月仲寫咗本書,希望可以將佢自己嘅親身經歷傳俾其他人!Photo from Twitter@Eigetsu5

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel