華仔終於復出啦！前日首度工作～出席電影《俠盜聯盟》首映禮！

劉德華受傷後首度復出，前日係九龍塘商場，出席宣傳由佢監制兼主演嘅電影《俠盜聯盟》，同場仲有該電影導演馮德倫同女主角舒淇。

今年一月，華仔係泰國拍廣告墜馬受傷，造成盆骨多處骨折，各地粉絲同市民都好擔心佢嘅康復狀況。

但華仔前日已經係「華仔天地」官網留言「Are you ready？」暗示復出有期。

華仔休養逾半年時間，前日復工，首次現身香港公開場合。現場吸引左大批粉絲同市民圍觀。華仔一現身，精神奕奕咁向現場嘅人打招呼：「我返黎啦！」，粉絲尖叫聲不斷！華仔繼續親民作風，不時跟粉絲們報以燦爛笑容同揮手。

不過華仔今次係勸服左醫生先可以出席活動，因為醫生唔贊成佢到太多人嘅活動，怕佢比人推撞到。其實華仔嘅傷勢，要完全癒合需要一至兩年時間，而家仲要係物理治療師指導上跑步機同練習深蹲等動作。

但佢坦言今次受傷後，對騎馬會有陰影，個廣告都唔會播出。

一向工作狂嘅華仔，即使停工都不忘為日後工作做準備，會睇下劇本、寫下歌詞。至於之前因傷取消左今年年尾嘅演唱會，華仔希望最快明年或者後年可以係香港舉行跨年演唱會。

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載