佘詩曼自爆拍內地真人騷冇着褲，對住30幾部cam感辛苦：唔會再拍！

By Wing Ws on 16 Feb 2023

Digital Content Writer

入行25年嘅佘詩曼（阿佘），因參選港姐加入TVB，曾拍過唔少家傳戶曉嘅劇集，角色令觀眾印象深刻，但原來阿佘都曾經被批評演技差，劣評如潮，更自爆近年拍內地真人騷，大意喺鏡頭前冇着褲，非常驚險！

Photo from Instagram @do_do_cheng

參選港姐着泳衣有心理關口

佘詩曼（阿佘）近日接受Do姐（鄭裕玲）電台訪問提到，過往曾於瑞士讀酒店管理學，畢業後回港，媽媽就叫佢參選港姐，但阿佘嫌對方煩，兩人最終鬧交收場，但後來喺舊同學助力下，遞交申請表。提到當時自己好抗拒參選港姐，阿佘表示：「最尷尬係要着住泳衣喺台度，呢個心理關口點樣過呀，對一個20歲嘅女仔嚟講。」更直呼着泳衣嗰陣「好驚」，綵排回答問題時「成塊面、成個身紅晒，總之着住條泳衣就好似臘腸咁紅晒」，正式上場時反而「無諗咁多」。

Photo from 微博

曾被批演技差想退圈

阿佘拍嘅第一部戲係《雪山飛狐》，亦係第一套擔正女一嘅劇集，但當時觀眾劣評如潮，批評阿佘講嘢太雞仔聲、演技差：「嗰陣我要拍一場喊戲，陳錦鴻係喊晒，但我就喺度笑，導演叫我睇playback嗰陣，我一睇覺得自己做得好差，跟住好想喊，覺得好醜。」阿佘表示當時已經想退出娛樂圈，但TVB嘅劇集「一部接一部咁安排」、「未收工已經知下一部開咩」，令佢未有時間深究想辭職嘅念頭。2年後拍《十月初五的月光》令阿佘重拾信心，因收獲好評，其後，阿佘表示，「突然收到風」知道返內地實景拍《酒是故鄉醇》，於是即刻搵珍姐（曾勵珍）表示想拍：「後尾佢真係畀咗個機會我，拍完呢部戲之後我覺得自己開竅咗。」

Photo from TVB (official) YouTube

Photo from TVB USA Official YouTube

直播做主持感壓力

談及港姐未卸任前要主持《歡樂滿東華》，阿佘與亞軍李明慧、鄧梓峰要一同直播：「我直頭因為呢件事瘦咗5、6磅，驚到真係好驚，驚到我做完之後即刻打畀Ben Chan（高層），話你可唔可以幫我記落電腦度，我以後唔做主持，我好大壓力呀，唔鍾意做。」

Photo from 佘詩曼微博

冇着褲喺鏡頭前行過

阿佘近年拍咗唔少內地真人騷，提到一套24小時嘅監察式節目，幾乎每間房都有攝錄機，「好唔習慣，唔知點樣可以喺呢個空間度有30幾部機，但你要表現好自然，同埋好似冇人咁，拍咗差唔多成個幾、兩個月，好辛苦......」，更指：「但我都試過第一日（換衫）唔記得咗......下身着住短褲仔（喺鏡頭面前行過），我咪即刻同佢哋講頭先我冇着褲，嗰個shot之後我就更加alert（警惕）喇。」阿佘直言之後「唔會再拍」、「頂唔順」。阿佘喺2020年喺內地拍咗套明星獨居真人騷《看我的生活》，節目模式與韓綜《我獨自生活》相近，藝人會於節目中展示自己嘅真實生活，阿佘更於拍攝期間談及對結婚生子嘅看法。

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

佘詩曼6000萬相連獨立屋曝光投資有道擁4物業總值超1.5億!

18 Aug 2022

現年47歲嘅佘詩曼近年都係內地發展，吸金力超強，無論劇集、電影定廣告代言都頻頻接不停，有傳佢年收入已經達破億港幣！最近佢就大曬屋企內鮮花而令客廳曝光！

Photo from 抖音

參選港姐片段重溫

佘詩曼係1997年憑參選《香港小姐》入行，多年來演技備受認可，係公認嘅實力派演員。近日電視台發布佢當年選港姐嘅片段，可見而家嘅佢同當年變化不大，保養得好好，而當年佢已經超有自信，主持曾志偉問如果特首住係佢附近，經常有人採訪，佢會點令特首搬離，佘詩曼就指自己成為香港小姐會有好多粉絲，會騷擾到特首，主持又問如果佢落選呢，佘詩曼就話「我諗唔會」，而佢依家果然事業有成。

Photo from 抖音

擁超1.5億物業

據知佘詩曼係香港有4個物業，佢曾經以1400萬買入何文田皓畋的一個高層單位，又以約3000萬購入跑馬地紀雲峰一個千呎單位同以約800萬購入紅磡昇御門一個低層單位，加上佢係2015年以約3500萬購入西貢南山村嘅相連獨立屋，一棟送比媽媽，一棟自住，4個物業都升值唔少，單單係西貢獨立屋市值已經破6000萬，估計4個物業合共市值達1.5億！

Photo from IG ＠charmaine_sheh

Photo from 微博＠佘詩曼Charmaine

打卡意外曝光客廳

佢最近回港陪伴患病嘅媽媽，平時可以陪住媽媽，夜晚又可以返自己屋企，相當方便。佢近日就係曬出家中擺放唔少鮮花，令屋內生氣不少，更意外曝光客廳，可見裝修簡約奢華，以複式設計非常闊落，仲有佘詩曼最愛嘅樓梯打卡位同超大電視，睇落都好溫馨，令人好想知其他房間裝修係點！

Photo from 微博＠佘詩曼Charmaine

Photo from IG ＠charmaine_sheh

曾租住另一豪宅

佢曾經參與內地節目《看我的生活》令豪宅曝光，豪宅位於尖沙咀K11 ARTUS（寓館），屬服務式住宅，雖然同西貢獨立屋唔係同一間，亦係租住單位，不過都非常闊落。客廳同飯廳相連，客廳擺放左一張大型L型梳化，但室內仍有足夠空間感；客廳用落地大玻璃，採光度十足，又可以睇到維港景色，而飯廳擺放可以坐8人嘅飯枱，可以招呼唔同親友。