蔡天鳳前夫一家「寄居」豪宅曝光？！價值6,700萬，近2千呎超有氣派

時事熱話

By Jennifer on 27 Feb 2023

Digital Editor

蔡天鳳（Abby）嘅不幸遭遇令人婉惜，有指蔡天鳳欲出售以前夫鄺港智父親名義買入嘅何文田豪宅而出事。有地產公司於網上將疑似鄺港智一家所住涉事單位公開放售，而蔡天鳳前夫鄺港智哥哥曾於IG晒相，與該單位極為相似！

Photo from 蔡天鳳IG

蔡天鳳案被全港關注，前夫鄺港智一家，包括其父親、母親及兄長都被捕，4人全部不准保釋，案件到5月8日再訊。蔡天鳳於3年前曾花逾7,000萬買入何文田加多利山一個單位，當時疑為節省印花稅而以前夫爸爸名義購買。

Photo from TVB

有指蔡天鳳打算出售有關單位，有人反應極大想獨佔單位，於是精心策劃事件。《東張西望》報道蔡天鳳前夫母親已向法庭申請破產，蔡一鳳又打本過百萬畀前夫哥哥買雞蛋仔做生意，生意失敗後仍為佢安排工作。

Photo from 蔡天鳳IG

Photo from TVB

有關單位疑似喺地產網上放售，根據地產公司提供資料，單位係Kadooria低層，實用面積1,820呎，有4間房，包括2間套房，現售$6,700萬。網站更有唔少單位內部照，可見全屋以白色為主裝修。

Photo from 中原地產

裝修亦用上大量大理石材質，飯廳一盞超大型水晶燈，成屋裝修相當有氣派。其中大理石飯枱同前夫鄺港智哥哥早前喺IG公開嘅屋企相十分相似，連廚房門都差唔多一模一樣！

Photo from 中原地產

Photo from 蔡天鳳前大伯IG

Photo from TVB

蔡天鳳好友前歌手周英杰（現名清晞誦）受訪時稱蔡天鳳去世後，佢媽媽表示獲女兒報夢，而現任丈夫Chris家中則出現飛蛾。

Photo from 蔡天鳳IG

蔡天鳳與現任丈夫Chris感情要好，去年蔡天鳳生日會上，Chris多次向愛妻獻吻，好友方媛都有用手機拍片，Chris亦承諾會照顧好Abby所生嘅4位小朋友。

Photo from 蔡天鳳IG

Photo from 五姐抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

蔡天鳳案累《愛回家》「食軟飯」劇情被批？網民力勸唔好搵家庭條件差距大男性

27 Feb 2023

28歲名媛蔡天鳳遇害案全港轟動，前夫於日前（25日）被捕，涉案人士亦陸續落網。但有關事件於網絡上仍引申出不少討論，有網民甚至因此批評TVB處境劇《愛回家之開心速遞》中嘅「送水輝」、KC等角色，認為當中嘅「食軟飯」劇情「三觀不正」、「教壞細路」，仲叫《愛回家》快啲大結局完咗佢。

Photo from 《愛回家之開心速遞》劇照

為保業權動殺機，前夫疑有詐騙前科

據報，蔡天鳳前夫一家嘅作案動機係為咗保住何文田豪宅業權，而該豪宅物業係約10年前由蔡天鳳購買，但當時為咗慳返15%印花稅，於是由前夫嘅爸爸掛名買下。當時雙方協議，假如將來出售物業，所得嘅款項歸於蔡天鳳。至去年底，蔡天鳳打算出售豪宅時，前夫一家疑蔡天鳳打算將佢哋趕走，於是種下殺機。但事實上，據蔡天鳳好友所指，蔡天鳳只係投資決定，會為前夫一家安置更好住處。另外，有指前夫一家均有案底，網民翻查舊聞，發現與前夫同名男子有詐騙前科，年齡、背景等似乎都吻合。

Photo from 蔡天鳳 IG

網民斥《愛回家》宣揚「夫憑妻貴」

唔少網民都為蔡天鳳嘅遭遇感到不值，至昨日（26日）更有網民上傳一組《愛回家之開心速遞》劇照並發文，要求TVB「不要再宣傳夫憑妻貴了」，認為編劇筆下有唔少「有錢女無可救藥愛上窮小子、男人主動或被身邊人逼着吃軟飯」嘅劇情，套劇都有唔少「軟飯男」，發文樓主更引申至蔡天鳳案件，力勸女性唔好搵家庭條件相差太遠嘅對象：「因為你永遠不會知道人心有多麼陰暗和險惡，這是婚姻不幸的源頭，千萬不要被電視劇蒙蔽眼睛，以為真的有所謂的『豪門童話』，都是瞎扯的～」不過，有網民就留言話男性「娶白富美」係「香港比較常見的生態」。事實上，蔡天鳳遇害案引起不少迴響，內地、台灣媒體均有報道，網民更紛紛開帖，籲女性「認真反思」、「引以為鑑」。

Photo from 小紅書

網民力數「送水輝」罪狀

對此，唔少網民表示認同，紛紛留言力數呢類條件相差太遠嘅CP，發文樓主認為「阿孝和Liza真心相愛，條件也匹配，在一起會幸福」，反而賈名媛係「強扭的瓜不甜」。相對之下，唔少網民力數「送水輝」同「大小姐」CP，認為「送水輝」係《愛回家》中嫁入豪門嘅「軟飯男」：「如果阿輝有真本事肯認真學習上進也就算了，他一切手段都是討好女人的」、「有集KC被媒體嘲笑吃女朋友軟飯，阿輝還在會議上帶着嘲笑的表情說他，嘲笑別人吃軟飯這事兒最不該從阿輝嘴裏說出來」、「送水輝最噁心的是住龍家吃龍家，但是大龍生去大小姐家住的時候竟然想趕人家走」，加上「送水輝」係二婚有小朋友，網民認為個仔宋飛立「小小年紀心機那麼重」、「心思深沉不用在正路上」。

Photo from 《愛．回家之開心速遞》劇照

被指為洗白最勁角色？

同時，網民認為「送水輝」係洗白得最勁嘅角色，留言區有唔少觀眾提出該角色嘅「劣跡」：「最開始送水輝和Mary那集......那個時候好像還是騙女人錢」，又認為「送水輝」後來莫名奇妙咁被編劇「洗白」，有網民提到其他CP作對比：「Mary那時候跟MAX談戀愛多少人罵她痴心妄想不配嫁入豪門，到了送水輝就寬容的不得了」，因此戥劇集中嘅女角色唔抵。另外，有網民認為《愛回家》都有唔少精英女性為愛情而放棄更好嘅男性，如Mia、Helen：「還有人記得Helen為KC放棄了遺產嗎？無語了這些劇情」。