download HolidaySmart 假期日常 app
蔡天鳳案|奶奶接受《東張西望》訪問直言好心寒!怒斥前夫一家

蔡天鳳案|奶奶接受《東張西望》訪問直言好心寒!怒斥前夫一家

娛樂新聞
By Jennifer on 01 Mar 2023
Digital Editor

蔡天鳳(Abby)離世後佢父母及夫家到龍尾村現場進行儀式,蔡天鳳媽媽五姐情緒激動,依靠喺女婿肩上痛哭。而蔡天鳳現任奶奶接受《東張西望》訪問,表示好心寒,又怒斥前夫一家。

廣告
廣告

蔡天鳳(Abby)離世後佢父母及夫家就到龍尾村現場進行儀式Photo from 《東張西望》

蔡天鳳媽媽五姐情緒激動爆喊!

蔡天鳳案連日嚟都係市民關注嘅焦點,喺Abby去世後好多閨密好友都表示十分傷心,又大讚Abby為人真誠又善良,經常幫助流浪動物。Abby出事後佢嘅父母同丈夫Chris都相當低調,直至日前做法事先現身。

Abby去世後好多閨密好友都表示十分傷心,又大讚Abby為人真誠又善良Photo from 蔡天鳳IG

Chris與媽媽以及Abby父母到龍尾村現場進行超渡儀式,Chris悉託師傅幫忙。喺現場Abby嘅媽媽五姐情緒激動,要依靠喺女婿肩上,佢喊住話:「媽媽個寶貝呀....媽媽個女呀....咁乖咁孝順,話無就無喇...媽媽以後都見你唔到喇!」

Chris與媽媽以及Abby父母到龍尾村現場進行超渡儀式Photo from 《東張西望》

Chris悉託師傅幫忙Photo from 《東張西望》

廣告
廣告

Abby嘅媽媽五姐情緒激動,要依靠喺女婿肩上Photo from 《東張西望》

五姐:「媽媽個寶貝呀....媽媽個女呀....咁玩咁孝順,話無就無喇...媽媽以後都見你唔到喇!」Photo from 《東張西望》

Abby丈夫Chris及奶奶承諾會照顧好4個子女

Abby嘅奶奶亦表示:「你今生嘅善良用錯咗地方喇傻妹!」又承諾:「4個小朋友我哋會好好教佢。」Chris亦難掩悲傷:「好感激遇到你!」現場一片淚海,唔少人都感同身受,非常心碎。

Abby嘅奶奶亦表示:「你今生嘅善良用錯咗地方喇傻妹!」Photo from 《東張西望》

Abby奶奶承諾:「4個小朋友我哋會好好教佢。」Photo from 《東張西望》

Chris亦難掩悲傷:「好感激遇到你!」Photo from 《東張西望》

廣告
廣告

現場一片淚海,唔少人都感同身受,非常心碎。Photo from 《東張西望》

蔡天鳳奶奶接受《東張西望》訪問

之後Abby嘅奶奶接受《東張西望》語音訪問,佢坦言一家對四個小朋友好好、好錫。又指舊年聖誕,佢哋同Abby、兩個孫以及兩位工人姐姐一齊去日本玩得好開心,估唔到會成為追憶。

Abby嘅奶奶接受《東張西望》語音訪問指舊年聖誕,佢哋同Abby、兩個孫以及兩位工人姐姐一齊去日本玩得好開心Photo from 《東張西望》

Abby奶奶表示佢哋去到龍尾村,路過慈山寺覺得好心寒:「嗰啲衰人竟然喺觀音像下做出咁喪盡天良嘅事。」佢稱見到現場間村屋更加傷心:「現在仲係好傷心好痛,最小嘅小朋友得三歲就無咗媽媽,好悽涼。」

Abby奶奶表示佢哋去到龍尾村,路過慈山寺覺得好心寒Photo from 《東張西望》

最後佢指:「最希望Abby早日沉冤得雪,拉晒班衰人,令她一路好走、安息。」除咗Abby家人外,仲有3位男女專程由廣東來港,到現場拜祭Abby,佢哋指曾受過Abby恩惠。

Abby奶奶:「最希望Abby早日沉冤得雪,拉晒班衰人,令她一路好走、安息。」Photo from 《東張西望》

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

蔡天鳳案|TVB新聞小花麥詩敏報道眼泛淚光?「溫馨提示」掀熱議

28 Feb 2023

蔡天鳳案雖然前夫一家都落網但仍係全城焦點,連日嚟新聞持續報道,有網民發現TVB新聞小花麥詩敏喺報道蔡天鳳案時疑似眼泛淚光,指佢喺報道前更「溫馨提示」觀眾,認為麥詩敏都為蔡天鳳遭遇感可惜。

蔡天鳳案雖然前夫一家都落網但仍係全城焦點,連日嚟新聞持續報道Photo from 蔡天鳳IG

蔡天鳳案轟動全港,TVB主播麥詩敏報道時眼濕濕

廣告
廣告

蔡天鳳案轟動全港,海外多個國家亦有報道,連日嚟香港嘅傳媒都有持續跟進事件,蔡天鳳前夫鄺港智及其父母、兄長被捕,4人均不准保釋,而前夫鄺港智父親嘅小三亦被捕,報道指佢對蔡天鳳案知情,並協助鄺港智藏於月租約4萬元嘅凱旋門單位。

蔡天鳳前夫鄺港智及其父母、兄長被捕,4人均不准保釋Photo from TVB

蔡天鳳案轟動全港,海外多個國家亦有報道Photo from 蔡天鳳IG

雖然前夫一家全部落網,但市民對蔡天鳳案嘅關注依然未停,而喺2月27日播出嘅《香港早晨》,主播麥詩敏報道時多次眨眼,更疑似眼濕濕,似對事件相當感慨。

2月27日播出嘅《香港早晨》,主播麥詩敏報道時多次眨眼,更疑似眼濕濕Photo from TVB

麥詩敏「溫馨提示」觀眾

唔少網民都表示好理解,蔡天鳳案受到全城關注,市民都十分慨憤,認為麥詩敏即使真係眼泛淚光都係人之常情,又指正常人都會有同理心。其實翻睇麥詩敏以往報道新聞時都會眨眼同眼有淚光,似乎係佢嘅個人習慣。

唔少網民都表示好理解,蔡天鳳案受到全城關注,市民都十分慨憤,認為麥詩敏即使真係眼泛淚光都係人之常情Photo from TVB

廣告
廣告

翻睇麥詩敏以往報道新聞時都會眨眼同眼有淚光,似乎係佢嘅個人習慣。Photo from TVB

不過麥詩敏喺報道蔡天鳳案時就特別「溫馨提示」觀眾,佢首先讀出新聞提要,之後就指:「提提大家喇!以下內容可能會令大家不安。」呢句並無字幕,相信係麥詩敏個人加嘅。

麥詩敏喺報道蔡天鳳案時就特別「溫馨提示」觀眾:「提提大家喇!以下內容可能會令大家不安。」Photo from TVB

曾因讀錯「中東呼吸綜合症」掀熱議

麥詩敏畢業於香港科技大學工商管理系,2015年加入TVB新聞部,同年佢報道泰國確診首宗中東呼吸綜合症時不慎讀成「中東呼吸中級綜合...呼吸中東..呼...中級呼吸....中東呼吸綜合症」,而引起網民熱議。

麥詩敏畢業於香港科技大學工商管理系,2015年加入TVB新聞部Photo from 麥詩敏IG

麥詩敏報道泰國確診首宗中東呼吸綜合症時不慎讀成「中東呼吸中級綜合...呼吸中東..呼...中級呼吸....中東呼吸綜合症」Photo from YouTube

之後2016年TVB互動新聞台因技術故障而一度「停播」10分鐘,當時嘅主播亦係麥詩敏,恢復畫面後佢眼紅紅疑似喊過再度受到網民關注。麥詩敏現為《香港早晨》主播,佢父親係香港電台《警訊》前節目主持。

麥詩敏現為《香港早晨》主播Photo from 麥詩敏IG

曾因眼紅紅被網民關注Photo from 麥詩敏IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel