92歲朱維德驚傳已離世？！不願被投閒置散不續約TVB！現況曝光

前TVB資深主持人朱維德（朱翁）近日於網上被傳出逝世消息，由於朱翁年事已高，所以唔少人都留言悼念。朱翁曾於TVB工作53年，因為不願被投閒置散而決心離巢。網上瘋傳佢已離世，朱翁太太就公開佢嘅現況。

Photo from TVB

「朱維德」呢個名未必人人都知，但大家應該都見過佢個樣，朱維德，人稱「朱翁」，曾主持多個TVB節目，佢係加入麗的映聲入行，但1967年轉投TVB，更加係TVB開台頭10名員工之一！

Photo from TVB

朱翁做過多個唔同領域嘅主持，包括：《歡樂今宵》、《體育世界》、《婦女新姿》、《都市閒情》、《文化廣場》等，亦有出演劇集《皆大歡喜》、《同事三分親》、《畢打自己人》等，係TVB資深主持人。朱翁於2014年嘅《萬千星輝頒獎典禮》獲頒「專業演員大獎」。

Photo from TVB

眾多節目中，朱翁主持咗《文化廣場》超過20年，但因為人手減少等原因，2019年尾《文化廣場》正式停播。之後朱翁幾乎絕跡幕前。2020年7月朱翁因唔願意被投閒置散，決意唔續約TVB，離開服務咗53年嘅公司。

Photo from TVB

即睇更多人氣文章：
台灣兩大媽為75歲情人當街MMA！老翁直認多女友：冇計，我就係一生風流！
全球顏值最高國家排名公布 印度人榮登榜首 中國/韓國10大不入

Photo from TVB

離開TVB後朱翁有打算轉投ViuTV但最終因年事已高未能成事。近日網上突瘋傳朱翁離世嘅消息，網友紛紛留言「RIP」悼念。但朱翁太太就回覆傳媒澄清，現年92歲嘅朱翁仍然健在，但患有認知障礙，現時住喺安老院舍。

Photo from TVB

朱翁對香港文化、歷史同地理都有所研究，又推出過幾本著作。朱翁主持文化、教育節目時更會融入所學知識。佢當年更喺清水灣半島附近發現佛頭洲稅關遺址。朱翁年事已高，唔少網友都十分關心佢嘅健康，得知佢身體無大礙都放心不少。

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

88歲胡楓《踩過界2》演絕情老翁演技大爆發！與雪妮老戲骨對手戲獲封神演技

18 Nov 2020

《踩過界2》日前播出，88歲胡楓（修哥）於劇中同75歲雪妮嘅對手戲獲封「神級演技」！兩位老戲骨演技大爆發，演活絕情老翁同癱瘓老人，劇情扣人心弦，尤其係修哥痛哭場面，令人心酸。

《踩過界2》播出後，除咗主角王浩信、張曦雯外，一班綠葉配角嘅演出亦引人入勝！

Photo from 《踩過界2》

早前播出一集，胡楓（修哥）同雪妮嘅演技令人驚歎！兩人飾演一對年老夫妻，雪妮演一位因患痛而癱瘓兼講唔到嘢嘅老人，而修哥則要照顧年老患病嘅妻子。

Photo from 《踩過界2》

Photo from 《踩過界2》

Photo from 《踩過界2》

因為老伴四肢癱瘓，修哥要照顧佢起居飲食非常辛苦，終於喺躁鬱症發作下，親手了結妻子。

Photo from 《踩過界2》

而雪妮角色癱瘓又講唔到嘢，全程一句對白都無，單靠眼神已超有戲，完美演繹出對丈夫嘅理解同憐憫，毫無怨恨嘅表情令人心痛。

Photo from 《踩過界2》

Photo from 《踩過界2》

而修哥喺庭上嘅演技亦非常厲害！當盲俠大狀文申俠大鬧佢妻子刺激佢時，佢即激動上前怒斥對方：「唔好詆毁我太太！」

Photo from 《踩過界2》

喺盲俠講到佢為照顧妻子，明明患上躁鬱症都無去醫治，最終導致悲劇發生，修哥嘅喊戲亦非常精彩，一邊顫抖一邊咬拳痛哭，睇到好心酸。

Photo from 《踩過界2》

兩位老戲骨演技大爆發，網民大讚佢哋嘅「神級演技」觸動人心！

Photo from 《踩過界2》

其實88歲嘅修哥同75歲雪妮已入行超過50年，演戲功底的確非新人可比！

修哥雪妮姐演技大爆發片段：

即睇兩位老戲骨之前演夫婦嘅片段：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）