download HolidaySmart 假期日常 app
東京人氣燒肉放題分店Top10!第一位係牛角分店!激抵56蚊午市放題!

東京人氣燒肉放題分店Top10!第一位係牛角分店!激抵56蚊午市放題!

旅遊攻略 日韓旅遊
By Wing Ws on 24 Mar 2023
Digital Content Writer

燒肉放題相信係唔少人嘅至愛,而去旅行食燒肉除咗要考慮食物味道,肉質、交通、服務、體驗等都係當中嘅重要因素!日本網站ねとらぼ日前就根據網絡評分及食評,選出東京人氣燒肉放題前10位,一齊睇吓呢啲分店有咩特別啦!

廣告
廣告

日本網站ねとらぼ日前根據網絡評分及食評,選出東京人氣燒肉放題前10位。Photo from Twitter

第一位:牛角 中野北口店

排行榜首嘅係中野區嘅「牛角 中野北口店」,呢間分店距離JR中野站非常近,交通方便。自助餐單提供「70道料理」、「90道料理」及「100道料理」3個套餐選擇嘅90分鐘暢食放題,「100道料理」品項中,仲可以食到牛舌!「牛角」喺香港都有開分店,相信唔少人都食過,至於呢間分店有咩魅力,大家不妨親臨店鋪試一試!

牛角 中野北口分店距離JR中野站非常近。Photo from 牛角 中野北口店【official】 網站

牛角提供「70道料理」、「90道料理」及「100道料理」3個套餐選擇。Photo from Twitter

牛角
地址:〒164-0001 東京都中野区中野5丁目65-5 SKビル 3F
營業時間:16:00~24:00(星期一至五)及 12:00~24:00(星期六、日、假日)

第二位:六歌仙 新宿西口1號店

廣告
廣告

相信去開日本嘅朋友對六歌仙都唔會陌生,呢間「六歌仙 新宿西口1號店」位於西新宿1丁目,係日本嘅人氣放題,選取特定套餐,仲可以享用松阪牛或龍蝦。除咗燒肉,店舖亦提供和牛涮涮鍋及壽喜燒放題套餐,適合想同時滿足燒肉及邊爐自助嘅朋友!而呢間「新宿西口1號店」由JR新宿站西口步行約2分鐘即可到達,交通都非常便利。

六歌仙係一間食材優質嘅人氣放題。Photo from 六歌仙 官網

六歌仙
地址:〒160-0023 東京都新宿区西新宿1丁目3-1 新宿サンフラワービル 6階・7階
營業時間:11:00~05:00

第三位:肉屋の台所 新宿

呢間喺新宿嘅「肉屋の台所」喺新宿站東口步行3分鐘就可以到達,店舖提供肉屋台所套餐及上等和牛套餐,除咗燒肉,餐單上仲有韓式冷麵、拌飯等主食,種類豐富。另外,加1500円(約港幣89元)就有酒精放題,適合同朋友聚餐~

肉屋の台所提供肉屋台所套餐及上等和牛套餐。Photo from 和牛焼肉 肉屋の台所【公式】 Twitter

肉屋の台所
地址:〒160-0021 東京都新宿区歌舞伎町1丁目6-14 第2ショーリビル 2F
營業時間:12:00~23:00

第四位:神保町食肉センター 本店

廣告
廣告

午餐時間喺神保町食肉センタ950円(約港幣56元),就可以享用一餐高CP值嘅燒肉放題,有別於其他午市放題,店家用嘅係朝早新鮮劏宰嘅新鮮肉,招牌係豬肝及豬心,當然,兩者都係新鮮嘅內臟,再配搭醬汁一齊燒,非常下飯!

神保町食肉センタ用56蚊就可以食午市放題!Photo from 神保町食肉センタ 官網

神保町食肉センター
地址:〒101-0051 東京都千代田区神田神保町2丁目16
營業時間:11:30~14:30,17:00~22:30

第五位:肉鍋料理店 かがやき

呢間燒肉放題最特別嘅係個爐,上層燒肉,下層可以打邊爐,店家先會提供蔬菜拼盤作火鍋配菜,燒肉嘅時候,肉汁、油脂就會流落火鍋,令湯底味道更加香濃!另外,有包埋酒精暢飲嘅套餐,雖然價格稍貴,但都值得一試!

上層燒肉,下層可以打邊爐。Photo from Twitter

肉鍋料理店 かがやき
地址:〒110-0012 東京都台東区竜泉2丁目16-6
營業時間:17:00~22:00

廣告
廣告

第6位:焼肉酒場 すみびや

呢間放題嘅燒肉係炭火烤製,國產和牛係由大阪南港直送,生肝亦係人氣內臟。另外,店內以木系家具及牆身,並採用暖光,整體氛圍溫暖,非常適合與家人、朋友一齊嚟!

焼肉酒場すみびや 係用炭火燒製。Photo from 【立川焼肉酒場】すみびや Twitter

焼肉酒場 すみびや
地址:〒190-0012 東京都立川市曙町2丁目5-17 S&T ITOH BLD 4F
營業時間:11:30〜23:00(星期一至六)及 11:30〜22:00(星期日)

第7位:ホルモン焼肉 縁 涉谷店

「ホルモン焼肉 縁」喺東京有逾10間分店,而呢間喺涉谷嘅分店喺涉谷站八公像步行3分鐘就可到達,店家稱用作醃肉嘅醬汁用10種以上嘅蔬菜及水果製成,人氣菜品係醬汁壺漬肉。

ホルモン焼肉 縁喺東京有逾10間分店。Photo from ホルモン焼肉 縁 官網

ホルモン焼肉 縁
地址:〒150-0043 東京都渋谷区道玄坂2丁目16-1 1F・2F
營業時間:11:30〜16:00,17:00〜23:30

廣告
廣告

第8位:馬焼肉酒場「馬太郎」 西新宿7丁目店

「馬太郎」係馬肉放題,大家亦可以品嘗到馬肉刺身,店家最近追加咗馬肉壽司呢項菜品。值得一提嘅係,店內嘅酒精就有逾20種,加1200円(約港幣72元)就可以任飲特定種類嘅紅酒、雞尾酒、日本酒等,生啤放題則要加1500円(約港幣89元)。對馬肉有興趣嘅朋友,可以試吓呢間!

馬太郎係一間馬肉放題。Photo from Twitter

馬太郎最近追加咗馬肉壽司。Photo from Twitter

店內嘅酒精就有逾20種。Photo from 馬太郎 官網

馬焼肉酒場「馬太郎」
地址:〒160-0023 東京都新宿区西新宿7丁目10-12 ダイハンビルデンス 3F
營業時間:17:00~23:00(星期一至五)及 15:00~23:00(星期六、日、假日)

第9位:和牛放題の殿堂 肉屋横丁 秋葉原店

秋葉原有唔少燒肉店,而呢間「肉屋横丁」嘅燒肉放題就喺當中突圍而出,據指,呢間分店喺幾年前開幕就引起話題,相較其他需要落單嘅店舖,「肉屋横丁」會將肉類放喺陳列櫃供食客自取,當中更包括和牛,見到雪櫃滿滿嘅和牛,相信都係一種滿足!

廣告
廣告

肉屋横丁會將肉類放喺陳列櫃供食客自取。Photo from Twitter

和牛放題の殿堂 肉屋横丁
地址:〒101-0021 東京都千代田区外神田1丁目18-19 BiTO AKIBA 3F
營業時間:12:00〜15:30,17:00〜22:00(星期一至五)及 11:30〜22:00(星期六、日、假日)

第10位:土古里 淺草店

呢家燒肉店主打和牛,大家亦可以品嘗到雞蛋拌生牛肉絲,此外,店舖每個月都有時令菜品。大家去到記得試埋啦!

土古里主打和牛。Photo from Twitter

土古里
地址:〒111-0032 東京都台東区浅草1丁目23-6 浅草関根ビル 2F
營業時間:12:00~14:30,17:00~22:00(星期一至五)及 11:30~15:00,15:00~22:00(星期六、日、假日)

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

《解風東京》杜如風抵玩/食推薦!120蚊有找掃街美食/肉類大滿足拉麵店!(7-8集精選)

16 Mar 2023

TVB今個月播出由杜如風主持嘅《解風東京》介紹唔少疫情3年間新開嘅景點,除此之外,相信大家都發現,杜如風一改以往大買奢侈品嘅風格,多咗唔少平價嘅餐廳/景點,以下就為大家編選咗4個節目中嘅抵玩抵食之地,等大家「返鄉下」有多個行程選擇!

《解風東京》有唔少平價嘅餐廳/景點。Photo from 《解風東京》節目截圖

押上新開平價迴轉壽司

呢間兩層高嘅迴轉壽司店喺2022年3月開業,店舖以「無接觸」設計,攞壽司嘅時候唔使接觸到個盤,連調味料、餐具都係收埋喺餐枱,店內嘅壽司有唔少款式,淨係壽司都有百幾款,加埋麵、飲品、甜品等,總共有150種餐點,除咗大家食日式料理會嗌到嘅刺身,仲有粟米、漢堡扒等選擇,大人細路都啱!而店內嘅壽司大多係132円(約港幣6元)起,連海膽都係290円(約港幣17元),非常抵食!杜如風覺得激拖羅、三文魚子呢兩款味道唔錯,納豆則較一般。食飽飯,大家要將碟投放到餐枱上嘅回收口作埋單,每5隻碟就可獲得一次抽獎機會,中獎後用手機掃平板上嘅QRcord,就可以玩餐廳出面1樓嘅扭蛋機及2樓嘅射擊遊戲,以獲得扭蛋!

呢間兩層高嘅迴轉壽司店喺2022年3月開業。Photo from 《解風東京》節目截圖

廣告
廣告

店舖以「無接觸」設計。Photo from 《解風東京》節目截圖

調味料、餐具收埋喺餐枱。Photo from 《解風東京》節目截圖

杜如風讚激拖羅好味。Photo from 《解風東京》節目截圖

三文魚子味道唔錯。Photo from 《解風東京》節目截圖

海膽賣290円。Photo from 《解風東京》節目截圖

中獎後要用手機掃平板上嘅QRcord。Photo from 《解風東京》節目截圖

1樓嘅扭蛋機。Photo from 《解風東京》節目截圖

2樓玩射擊贏扭蛋。Photo from 《解風東京》節目截圖

廣告
廣告

グローバル旗艦店押上
地址:東京都墨田區押上1-8-23 1F
營業時間:11:00 - 23:00

人情街120蚊有找掃街美食

杜如風帶大家嚟到下町人情街,挑戰以2000円(約港幣118元)「掃街」!呢條充滿古早味嘅商店街鄰近晴空塔,當中有好多價廉物美嘅街頭美食,杜如風先品嘗咗300円(約港幣17元)6粒「可樂餅球」,「可樂餅球」比起塊狀嘅「可樂餅」更方便進食,不過商店街上大多炸物都唔係即整,未必可以食到熱焫焫嘅炸魚、炸蝦。另外,仲有大過塊面嘅麵包,杜如風以180円(約港幣10元)買咗個栗子包,又平又抵食!而商店街內嘅飲品自動販賣機都係平過市價,全部只需100円(約港幣6元)。日本嘅生果出名貴,杜如風就喺商店街發現600円(約港幣35元)1公斤嘅柑賣,甜度十足!另有串燒店賣90円(約港幣5元)一條串燒,醬汁鹹甜結合,杜如風大讚雞肝串燒好味,最後仲吸引到幕後人員一齊食,味道獲得認可!喺人情街有一間長期有人排隊嘅章魚燒店,店內有各種特殊口味,如醬油、咖哩、pizza、辣pizza、明太子燒、梅子等,杜如風試咗350円(約港幣20元)咖哩味章魚燒,熱辣辣兼有大大粒章魚。最尾,食飽都仲有錢淨,真係勁抵!

下町人情街鄰近晴空塔。Photo from 《解風東京》節目截圖

球狀嘅「可樂餅」。Photo from 《解風東京》節目截圖

大過塊面嘅麵包。Photo from 《解風東京》節目截圖

飲品自動販賣機全部只需100円。Photo from 《解風東京》節目截圖

600円1公斤嘅柑。Photo from 《解風東京》節目截圖

廣告
廣告

串燒味道獲得認可!Photo from 《解風東京》節目截圖

呢間章魚燒店長期有人排隊。Photo from 《解風東京》節目截圖

下町人情KIRAKIRA橘商店街
地址:東京都墨田區京島3丁目

直擊隅田川情人橋

墨田區有唔少新地方畀大家chill吓,隅田川喺2020年6月新開咗一條情人橋,方便大家直接橫渡隅田川,來往淺草同晴空塔。步道橋沿路景色優美,夜晚條橋仲可以見到燈飾,夠晒浪漫!杜如風建議大家喺黃昏嘅時候過嚟,呢個時間嘅景色係最靚!如果大家想加入行程嘅話,不妨行完淺草過嚟,過橋後再去情空塔~

隅田川喺2020年6月新開咗一條情人橋。Photo from 《解風東京》節目截圖

杜如風喺個鎖寫咗偉仔同自己個名。Photo from 《解風東京》節目截圖

夜晚勁靚。Photo from 《解風東京》節目截圖

杜如風建議大家日落嚟。Photo from 《解風東京》節目截圖

すみだリバーウォーク(SUMIDA RIVER WALK)
地址:東京都墨田區向島一丁目1番地 - 台東區花川戸1丁目1番地
交通:東武伊勢崎線「淺草站」 北出口歩行約3分鐘 或 東京Metro銀座線「淺草站」5號出口歩行4分鐘

目黑區肉類大滿足拉麵店

呢間位於目黑區嘅拉麵店,附近幾乎冇乜商店,雖然位置唔顯眼,但間鋪係十間東京市內評分最高嘅拉麵店之一!醬油及鹽味拉麵都係售價1500円(約港幣91元),其中,醬油湯拉麵更被形容為一碗「優雅」嘅拉麵,當中有豬肉、鴨肉、雞胸肉、雲吞、雞蛋等多種配料,極之豐富!濃郁湯底配以吸收醬油湯香味嘅細麵,令杜如風舉手指大讚好味!不過呢間拉麵店每日限量100碗,約下午3點就會賣完,而客人更需提早到場登記,由朝早9:45起分成各個時間段,一般寫到10點半就滿額。所以大家有興趣嘅話,要早啲起身喇!

呢間拉麵店係十間東京市內評分最高嘅拉麵店之一。Photo from 《解風東京》節目截圖

拉麵有豬肉、鴨肉、雞胸肉、雲吞、雞蛋等多種配料。Photo from 《解風東京》節目截圖

客人需要提早到場登記。Photo from 《解風東京》節目截圖

Ramen Break Beats
地址:東京都目黒区目黒4丁目21−19

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel