周國賢再與麥可怡傳出緋聞！網民提1事，質疑兩人關係匪淺

By Wing Ws on 27 Mar 2023

Digital Content Writer

周國賢日前飛到英國舉行演唱會，而曾經同佢傳出緋聞嘅藝人麥可怡，昨日post出周國賢演唱會照片，更留言：「戀愛將世界化成很細」，雖然其後刪除貼文，不過就好快被網民截圖，更質疑兩人關係匪淺。

Photo from 周國賢 IG

麥可怡跟周國賢一齊去英國？

去年9月於紅館演唱會尾場公開承認離婚嘅周國賢，曾與女助手及藝人麥可怡傳緋聞。其後，周國賢宣布舉辦世界巡迴演唱會，約一星期前便飛到英國，先在英國舉行2場演唱會。但有網民發現，麥可怡噚日（26日）貼出周國賢英國演唱會上嘅相，更以對方嘅歌《黑眼圈》中嘅歌詞：「戀愛將世界化成很細」，及其演唱會主題「the journey begins·1day to go」為caption，但可能係錯手出post，出完冇耐即刪除。不過，有關相片就引起討論，有網民貼出麥可怡早前貼出嘅外遊相，認為佢跟咗周國賢去英國，唔少網民認為麥可怡嘅舉動係認愛周國賢。

Photo from 連登討論區

麥可怡疑與周國賢愛貓合照

另外，有網民發現麥可怡上年年尾貼出一張與貓嘅合照，貓鼻及臉上嘅花紋位置與周國賢嘅愛貓吉吉睇落一致，另有網民貼出周國賢住所照作對比，似乎兩人關係匪淺。

Photo from 麥可怡 IG

Photo from 周國賢 IG

Photo from 連登討論區

2019年曾與周國賢合照

事實上，麥可怡曾於2019年時貼出與周國賢合照，當中，麥可怡寫上「我只係想你同我玩得好開心」、「懷內已是最好的不必往千里覓更好」、「#陪著你走 #全校最受歡迎的代課老師」等留言，不過其後則將貼文刪去。

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

周國賢fans憤怒值升級！批唔係好男人扮深情／好爸爸，英國場演唱會取消被指「賣唔出」？

10 Mar 2023

43歲周國賢繼去年舉辦紅館演唱會後，月前宣布開辦世界巡迴演唱會，首站於英國曼城及倫敦舉行3場演唱會，但日前有網民發現其中一場被取消，質疑因「賣唔出飛」而被迫取消場次，另有網民批評周國賢演唱會表現及形象崩壞。

Photo from koholaendy IG

繼半年前紅館演唱會安排被批，近日，有網民於討論區以「有冇人覺得周國賢好噁心？」為題開帖力數周國賢3大罪狀。

Photo from koholaendy IG

被批離婚都要包裝

周國賢於去年9月紅館演唱會尾場，突然公開承認離婚，台上周國賢暗示過與太太關係的轉變：「當年拍緊拖，寫咗呢首歌畀佢......經過咗咁多年，status（感情狀態）已經唔同咗，但係好想今日喺度感受佢嘅心一次，如果當年我係唱畀佢聽，而唔係自私淨係畀自己聽，個結局又會唔會唔同呢。」語畢唱出《天使》，又多次在台上感觸落淚。事後在訪問中直認年前與太太離婚，並指：「我哋而家選擇咗用另外一種方式去愛，我亦都會繼續履行做爸爸嘅責任，直到老為止，所以大家唔使再擔心。」但有網民重提此事，批評周國賢「扮好男人」、「扮深情」、「離左婚都要包裝到好慘」，有網民拎出周國賢於媒體訪問中指「自已結婚『結得太早』」嘅言論，認為周國賢意圖「離婚賴早婚」。

Photo from TVB 娛樂新聞台 YouTube

Photo from 連登討論區

好爸爸形象崩壞

另有網民指出周國賢過往與女助手及藝人麥可怡兩宗緋聞，雖然事後周國賢否認有關傳聞，但網民認為其私生活影響到小朋友。網民認為，更「噁心」嘅係，即使周國賢嘅緋聞令佢形象插水，但仍喺公眾面前「扮好爸爸」、「打溫情牌」。

Photo from 連登討論區

LIVE係災難級

唔少網民留言大鬧周國賢現場唱歌「難聽」：「唔live還好現場唱真係好難聽」、「啲歌好正，但唱得難聽」、「唔計私生活佢啲live真係好唔掂」、「每次去live佢都走音」。另外，有網民發現月前周國賢宣布嘅英國站演唱會取消咗一場，又指出其開出票價比張敬軒嘅海外演唱會貴，質疑係「賣唔出飛所以cancel一場」。事實上，周國賢於半年前舉辦嘅紅館演唱會已引起爭議，唔少睇第一、二場觀眾不滿演唱會安排，認為其他場次未如尾場加時1小時，甚至被趕離場，再加上三場歌曲編排等問題，令一眾網民大呻「唔公平」。