花蓮旅遊2023｜遠雄海洋公園全新登場！中世紀城堡亮相！首加入男人魚表演！

Digital Content Writer

台灣第一座海洋主題樂園「遠雄海洋公園」邁向20週年，同時，今年亦新增唔少設施，包括觸目嘅水晶城堡及機動遊戲，並首次加入男人魚表演，一齊睇吓有咩特別啦！

Photo from 遠雄海洋公園 FB

激萌小玩笑小水獺

提到遠雄海洋公園，水獺館絕對係必去項目！館內有滑水道、鞦韆等設施，畀大家一同感受小水獺嘅魅力。除此之外，遠雄海洋公園今年同日本人氣社群「小玩笑小水獺」合作，由日本插畫家Lommy創作，設置「小玩笑小水獺餐車」，大家可以買到可愛嘅小水獺紅豆包、爆谷等食物，以及公仔、袋、杯等周邊。

Photo from 遠雄海洋公園 FB

人魚實境騷喺上年11月回歸，觸目嘅係，今次嘅人魚表演唔再限於女性，加入男人魚表演，表演者會透過音樂舞動身姿，為大家帶嚟精彩嘅演出，睇完騷都可以同人魚合照。不過呢項表演需要預約先可以觀賞，大家有興趣嘅話，記得要喺入園前4日預約。

Photo from 遠雄海洋公園 FB

園內有唔少新機動遊戲，包括兩項已建成嘅「乘風破浪」及旋轉木馬般嘅「海洋嘉年華」，另有今年夏天即將推出嘅全新海底王國區域，有「海底王國」、觀景台般嘅「水母萬花筒」及刺激嘅「海底探險家」。

Photo from 遠雄海洋公園網站

4月1日登場嘅「城堡魔法主題區」新建一座中古世紀外型嘅城堡，城堡內有水晶城堡劇場、魔法殿堂、亞瑟王炸雞、魔幻水晶商店等多個亮點，大家可以觀賞海洋主題音樂劇，並購買魔法套餐！另外，城堡內不時出現樂園人氣角色，至於可唔可以遇到，就要睇運氣啦！

Photo from 遠雄海洋公園網站

Photo from 遠雄海洋公園 FB

遠雄海洋公園
地址：花蓮縣壽豐鄉鹽寮村福德189號
電話：(03) 8123-199

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

3 Apr 2023

太古城中心由2023年4月4日至5月7日期間化身成台灣夜市，穿過台灣觀光夜市拱門，一檔檔夜市裡所見到的人氣排檔、遊戲地攤等呈現眼前，還有配有霓虹燈牌的幸福巴士站、夜市小食圖案的文青牆等多個打卡位，讓你仿如置身台灣旅行。

誠品書店再次大搞台灣市集，今次繼續選址太古城中心，以《來去迺夜市》為主題，讓大家深入了解台灣的夜市文化，神還原多個經典場景如夜市必食的魯肉飯、大腸包小腸攤檔，另外更有遊戲地攤一一設於展場內，任由大家打卡影相！

Photo from PressLogic

場內搜羅超過600件台灣直送美食，零食如魚酥、蝦餅、牛軋糖餅、鹹蛋黃魚皮；芋頭系列的零食多不勝數，有酥心糖、紫晶酥、芋頭薯片；急凍食物怎少得蔥油餅、台灣腸、芋圓地瓜圓。而且於場內集齊六款蓋印即有優惠劵，立即來一趟偽台灣旅行掃貨打卡吧！

Photo from PressLogic

誠品《來去迺夜市》
日期：2023年4月4日至5月7日
營業時間：星期一至日 10:30至21:30
地點：太古城中心二樓中庭及中橋

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel