鍾鎮濤不滿大女性感上陣晒身材? 曾表態撐女兒投身娛樂圈 1舉動顯真心？

By jack on 06 Apr 2023

Digital Content Writer

溫拿樂隊成員鍾鎮濤（B哥）出名是圈中的廿四孝爸爸，他與現任妻子范姜育有兩女鍾懿（Blythe）及鍾幗，B哥一向對女兒寵愛有加，大女鍾懿從小充滿表演慾，兩父女更不時上台合唱表演，轉眼間鍾懿經已18歲大，去年9月鍾懿遠赴英國升學，在外國獨立生活的她愈來愈開放，不時在IG貼性感相大晒好身材！

Photo from 范姜 IG

IG大解放晒好身材疑惹爸爸不滿？

近日鍾懿在IG分享照片，相中她換了一頭歐美系中長曲髮，化上美豔眼妝，咬著一枝珍寶珠，更身穿酒紅色低胸上衣登場，打扮性感迷人，星味十足，同時可見她盡得媽媽范姜的真傳，擁有一副令人羨慕的好身材。以往B哥哥看到女兒的貼文，都會極速讚好以示支持，不過唯獨今次這張性感照未見他讚好，未是是否女兒的衣著太過火辣令他不滿。

Photo from 鍾懿 IG

鍾懿成績優異獲4大英國頂尖學府取錄

鍾懿一向學業成績優異，對藝術表演深感興趣，她自小跟著爸爸出埠及登台，更不時亮相爸爸鍾鎮濤的演唱會表演唱歌，表現出色，毫不怯場，甚有音樂天份。而B哥亦對女兒想投身演藝圈持開放態度，更表示若女兒日後真的入行發展，會盡力支持她。去年范姜於IG發文，表示大女鍾懿成功獲英國King’s College London，University of London，University of Manchester及London Film Academy四間院校頂尖學府取錄，指女兒將會修讀有關電影的課程。范姜去年更貼出多張女兒鍾懿的生活照，表示送完女兒機後感到非常不捨：「從她出生後，最不敢想像的就是今天……….放下她自已在異鄉，幾個月前已經跟自已綵排今天的情景但……….我幾乎哭昏在機上」鍾懿亦留言安慰媽媽：「i miss u mama」足見兩母女感情深厚，一家人關係超好，令人羨慕。

Photo from 范姜 IG

B哥夫婦舉行盛大Party慶祝愛女18歲生日

B哥夫婦與兩名愛女幾乎沒有代溝，兩名女兒經常會跟著父母到處遊玩，B哥夫婦亦不時在社交網貼出家庭合照晒幸福。去年8月，B哥夫婦為愛女鍾懿舉行盛大Party，更邀請了大班鍾懿的同學出席，同時找來Live Band，讓愛女與朋友們盡情高歌。相中可見，B哥夫婦為女兒準備了一個冬甩及馬卡龍製成的生日蛋糕，B哥抱著女兒合照，場面溫馨。媽媽范姜則在IG留言：「8歲，花一般的年齡，夢一樣的歲月，好好把握珍惜，給自己創造一個超級的青春，祝My Baby Blythe18歲生日快樂。」

Photo from 范姜 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

鍾鎮濤為好友慶生曝光上海豪宅！歐陸風獨立屋！樓底超高/裝潢豪華

7 Feb 2022

鍾鎮濤（阿B）最近出席內地春晚表演，事隔8年再一次同溫拿樂隊嘅成員們登台，令唔少內地網民非常興奮～日前，佢就同好友們慶祝梁家輝嘅生日，仲喺自己位於上海嘅豪宅內舉辦party，仲好開心咁一齊喺屋內夾band！

Photo from 鍾鎮濤微博

# 鍾鎮濤與溫拿成員合體出席春晚！

現年68歲嘅鍾鎮濤（阿B）近年大多喺內地發展，不時都會出演綜藝節目或者登台，有指佢仲已經搬往上海長居，過著半退休嘅悠閒生活。而最近佢就同「溫拿樂隊」嘅成員久違地合體表演，令唔少網民都直呼好懷念！

Photo from 央視春晚

# 於豪宅中與梁家輝慶生！

日前，鍾鎮濤就同影帝梁家輝慶祝64歲生日，仲邀請好友們包括台灣歌手信（蘇見信）出席派對。雖然未有列明派對嘅確切地點，不過根據網民推測應該就係鍾鎮濤位於上海嘅豪宅喇！

Photo from 鍾鎮濤微博

# 客廳超大，三人興奮夾band！

從照片中所見，佢哋一行人為梁家輝預備咗4個生日蛋糕，仲一齊喺大廳內即興夾band，玩得非常盡興～豪宅內部主要以白色歐陸風為主，而牆上不時見到有掛畫，設計簡約又古典！

Photo from 小紅書

# 經常都邀請朋友去豪宅作客

而且豪宅樓底亦似乎十分高，空間好寬闊，又難怪鍾鎮濤會經常邀請朋友去佢屋企相聚嘅～而飯廳就擺放一張白色嘅長枱，可以同時容納多人；後方就擺放咗一個白色透明櫃以及植物作為點綴，以往佢曾經邀請譚詠麟、應采兒等人一邊玩遊戲一邊喝酒，非常愜意！而屋外仲疑似有過千呎嘅花園，面積非常大。

Photo from 鍾鎮濤微博

# 早期事業一帆風順

其實鍾鎮濤嘅早期嘅事業可以話係非常順利，組成溫拿樂團後歌曲亦紅遍亞洲！直到1980年嘅時候，成員們先開始各自發展，而佢就喺台灣拍攝電影《小城故事》等，令佢人氣越來越旺。喺1988年，鍾鎮濤與章小蕙舉辦世紀婚禮，並育有一子一女，事業感情兩得意～直到1996年有傳媒爆出章小蕙同富商陳曜旻關係密切，令佢哋嘅感情出現危機！

Photo from 范姜微博

Photo from 章小蕙微博

# 1997年經歷人生低谷，但遇上細20年女友范姜！

1997年，鍾鎮濤因為金融風暴投資失利，導致負債逾兩億港幣；同年佢亦正式同章小蕙離婚，受到雙重打擊，最後於2002年正式宣佈破產！後來，佢就遇到比佢細20年嘅台灣女友范姜素貞（范姜），而女方一直都對佢不離不棄，並且用心照顧佢嘅一對子女，鍾鎮濤喺2006年破產令解除，而二人就於2014年喺峇里島辦婚禮～