download HolidaySmart 假期日常 app
台中十三咖啡,宛如哈爾移動城堡般秘境!飲咩要睇老闆心情!

台中十三咖啡,宛如哈爾移動城堡般秘境!飲咩要睇老闆心情!

台灣旅遊
By Wing Ws on 21 Apr 2023
Digital Content Writer

台灣有唔少特別嘅咖啡店,喺台中南屯藏就有一間名為「十三咖啡」嘅隱世咖啡店,有綠植、流水聲包圍,店鋪更被食客稱為有如《哈爾移動城堡》嘅場景,非常特別!

廣告
廣告

台中南屯藏就有一間名為「十三咖啡」嘅隱世咖啡店。Photo from 十三咖啡 FB

由老闆親自建成

十三咖啡係由老闆用木材、石頭等材料親自建成,傳統嘅舊庭院內,有綠植點綴,位置靠近河邊,裝修別具風味,更有唔少食客覺得好似《哈爾移動城堡》中嘅場景,店內嘅木製餐桌、牆壁都非常治癒。不過呢間隱世咖啡店相對偏僻,大家可能要費一番工夫先搵到。

十三咖啡係全年無休。Photo from 十三咖啡 FB

店內嘅木製餐桌、牆壁都非常治癒。Photo from 十三咖啡 FB

入夜後都好靚!Photo from 十三咖啡 FB

廣告
廣告

無菜單咖啡店

十三咖啡係一間無菜單嘅咖啡店,台內嘅最低消費係每人300台幣(約港幣77元),老闆會由近期烘焙嘅咖啡豆隨機挑選3款,為食客煮咖啡,咖啡豆會由淺至深焙,第一杯必然係「冷咖啡」,接而係「熱咖啡」。雖然大家無法選擇想飲嘅咖啡,但都可以相信老闆嘅眼光,感受匠人咖啡帶嚟獨有體會!

第一杯會先上「冷咖啡」。Photo from 十三咖啡 FB

老闆十三哥係對咖啡有堅持嘅人,咖啡豆由佢親自烘焙,並會用單品虹吸咖啡親手沖畀客人,飲落相對溫潤,對於飲完咖啡會心悸嘅朋友都非常適合。店內牆壁亦寫上「人的雙手是機器無法取代的溫度」,闡述咗老闆對咖啡嘅態度。

咖啡豆係由老闆自己烘焙。Photo from 十三咖啡 FB

老闆會用單品虹吸咖啡親手沖畀客人。Photo from 十三咖啡 FB

十三咖啡
地址:台中市南屯區環中路五段200號
電話:0917-646373
營業時間:13:30-18:30

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

台南新開8層高雪糕店!沉浸式慢活體驗~每一個空間都係專屬打卡點!

17 Mar 2023

近年有唔少特色餐廳,無論係改名、裝橫等都別具心思。台南喺上年9月就有間新開嘅雪糕店爆紅,因為間店有8層咁高,而且由著名建築師設計,充滿藝術感,每位客人喺各個空間都可以搵到自己嘅專屬打卡點!

南埕衖事上年9月開業。Photo from 南埕衖事 FB

大門唔係真正嘅「大門」

台南上年開業嘅人氣雪糕店「南埕衖事」一共有8層,分為兩個區域,每一個空間都各有特色!值得注意嘅係,建築以台南巷弄為主題,即使大樓有大門,真正進入嘅「正門」喺巷內,大家要經過庭院嘅綠色小徑進入。雖然大門喺人流最多嘅馬路上,但館方表示,希望「將客人行進的節奏放緩」,所以喺巷口慢慢散步入內會喺最適合嘅進場方式!

廣告
廣告

南埕衖事嘅大門唔係正門。Photo from 南埕衖事 FB

大家要經過庭院嘅綠色小徑進入。Photo from 南埕衖事 FB

逾10款雪糕口味及限量發售甜品

大樓嘅1樓係售票處,由2樓開始就係堂食區域,2樓及4樓係點餐區,當中,雪糕有數十種口味,水果類選用台灣在地水果製作,如季節精選嘅芒果、草莓、鳳梨台灣等,亦有「大人系」及不時出現嘅隱藏版「巷仔內」口味。除咗雪糕,仲有每日限量發售嘅「散步甜品」,如甜筒泡芙、南埕衖柿、玫瑰金磚費南雪等,有十足風味之餘,每款甜品都非常適合打卡!

雪糕有數十種口味。Photo from 南埕衖事 網站

每日限量發售嘅「散步甜品」。Photo from 南埕衖事 網站

每個空間都係專屬打卡點!

講到「南埕衖事」嘅特色,除咗因為佢係一間8層樓咁高嘅雪糕店,更重要嘅係遊客體驗!官網上介紹指:「『南埕衖事』賣冰也不賣冰,賣的是體驗、是感受、是一場饗宴」。大樓嘅每個空間都有唔同風貌,大家可以從中感受探索嘅樂趣,揀返個自己鐘意嘅空間chill住食雪糕,一邊休閑咁度過半日閑暇~

廣告
廣告

每個空間都有唔同風貌。Photo from 南埕衖事 FB

室內嘅藤編軟裝係同台南關廟僅存嘅藤編師傅合作。Photo from 南埕衖事 FB

坐樓梯食雪糕似乎都別有一番風味。Photo from 南埕衖事 FB

佈滿綠植嘅露天空間

大樓內外設置咗唔少綠植,除入口嘅花園小徑,大廳有天井植生牆延伸至4樓戶外區,更有懸掛嘅蕨類,令整橦大廈充滿令人放鬆嘅綠意。一路行到5樓,仲有一個佈滿綠植嘅露台區,加入泥牆、藤編、鐵花窗等元素,就好似置身溫室花園咁寫意!

大樓內外設置咗唔少綠植。Photo from 南埕衖事 FB

5樓有一個佈滿綠植嘅露台區。Photo from 南埕衖事 FB

雪糕店
票價:200台幣(約港幣51元)
*當中150台幣(約港幣38元)可用於餐飲及零售消費

交錯樓梯

另一區域「衖 Lòng Stairs」喺主樓嘅另一邊,由日本建築大師藤本壯介操刀,大樓外觀就可以見到交錯嘅樓梯,內部係樓梯、灰牆、圓燈重疊帶嚟嘅視覺盛宴,由唔同角度觀賞都別有風味,大家不妨從中感受台南「巷弄」文化!

樓梯交錯重置。Photo from 南埕衖事 FB

唔同角度觀賞都別有風味。Photo from 南埕衖事 FB

衖 Lòng Stairs
票價:150台幣(約港幣38元)
*一小時體驗

南埕衖事
地址:台南市中西區中正路38、40號間巷底
開放時間:10am-7pm
官網:www.longstory.com.tw

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel