范冰冰現身香港白到發光獲封「神顏」！網友晒炒車相曝光真面目

娛樂新聞

By Jennifer on 24 Apr 2023

Digital Editor

近日唔少人分享喺香港街頭見到范冰冰，人群中佢膚色超白，網民大讚佢真人顏值超高！不過小紅書有網民就公開咗偶遇范冰冰嘅照片，卻被指「炒車」，同其他人大讚嘅美貌有好大落差，掀起熱議。

Photo from 小紅書

范冰冰之前係內地一線女星，不過因為逃稅風波佢近年絕跡內地娛樂圈，無新嘅電影、電視劇作品，亦唔再出演綜藝節目。但佢嘅一舉一動仍然受到外界關注，早前范冰冰現身奧斯卡紅地氈亦掀起熱議。

Photo from 范冰冰微博

Photo from 范冰冰工作室微博

范冰冰事隔5年再高調現身，以銀色大露背Deep V晚裝，配搭巨型綠色披肩亮相，獲內地網民大讚艷光四射，香港網友卻認為造型「老土」，又指佢唔夠優雅。雖然評價不一，但范冰冰似乎積極尋求機會復出。

Photo from 范冰冰工作室微博

Photo from HolidaySmart

最近佢就現身香港，唔少網友都喺網上分享野生捕獲范冰冰嘅相片，范冰冰披住一頭長曲髮，應該係為工作來港，有網友指佢係拍攝雜誌封面。范冰冰本人亦喺微博晒出香港嘅拍攝照片，其中一張喺天星小輪上嘅撥髮照獲網友大讚：「好偉大的臉」。

Photo from 小紅書

Photo from 范冰冰微博

其他網友影嘅生圖亦可見范冰冰膚色超白，喺人群中超級搶眼，而且髮量濃密。內地網友感歎：「姐姐生圖都這麼美！」、「甚麼神仙級別的美顏」、「內娛（內地娛樂圈）神顏，沒有之一」

Photo from 小紅書

雖然大部分偶遇范冰冰嘅網友都指佢真人超靚女，不過亦有網友喺小紅書分享咗范冰冰嘅「炒車照」，同其他網友所影嘅有啲落差，但網民堅稱范冰冰真人好美，有網友質疑：「她臉上怎麼瑕疵那麼多？」網民表示係自己嘅攝影技術問題。

Photo from 小紅書

該網友指係自己影得差，有網友笑言：「連范冰冰的臉都扛不住極差的拍攝水平」、「像不會拍照的男朋友拍的照片」、「其他人拍的生圖都特別美，可見你的拍攝水平有多差」

Photo from 小紅書

Photo from 范冰冰微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

范冰冰「辟穀」減肥法7日唔食嘢，曾自嘲「范小胖」，為復出極速甩6公斤！

29 Jun 2022

減肥一直被稱為女人嘅終身事業，女明星更加個個都有自己一套方法。范冰冰近日就拍片分享「辟穀」減肥法，7日期間唔食嘢，只飲檸檬百香果水同紅棗水，仲瘦咗6公斤！

Photo from 范冰冰微博

「辟穀」（又稱辟谷）源於先秦，最早係道家記載，係古人延年益壽嘅養生法。字面意思解不食五穀，所以一般代表咩都唔食，只飲水，所以又稱「服氣」。到現代演變成美顏減肥法，減少飲食或者只食某啲特定食物黎比身體臟器得到休息，從而美容瘦身，不過呢種方法並唔適合所有人。

Photo from 范冰冰抖音

范冰冰係第一日嘅影片分享，自己只係朝早飲咗一杯蘋果醋，同埋加咗檸檬、百香果嘅水，到拍片已經飲緊第4大支，同埋行咗大概5、6公里路。佢指呢個方法因為無糖分同脂肪攝入，所以皮膚會變得好咗，佢表示：「你的皮膚看起來非常乾淨、毛孔非常細緻，從裡到外透著光潔、很白的感覺。」

Photo from 范冰冰抖音

到第三日范冰冰再拍片更新情況，佢表示呢兩日一樣都係飲自製嘅檸檬百香果營養水，加上快步、熱瑜伽等運動，但就因為消化太大，都有飲蛋白粉加水補充體力，佢表示已經減咗約3.6公斤，瘦得好快都幾滿意。佢亦提到第二日無打卡，因為覺得「一切都很好」，而且無飢餓感﹐可能係因為消緊水腫，所以好明顯會見到水腫同肉慢慢消沉，睇臉型就最明顯見到效果。

Photo from 范冰冰抖音

佢補充話覺得自己仲好清醒可以做野，透露自己第一次「辟穀」瘦6公斤，最長試過「辟穀」10日。但佢亦表示觀眾未必要學佢咁激進，因為做女明星所以特別有毅力，係重大嘅活動前先需要用呢種方法維持身形，想用「斷食」減肥嘅人可以試下一日先，如果過咗一日覺得可以接受先試下第二日，如果第一日完咗已經好餓就可以慢慢食返少少野。

Photo from 范冰冰抖音

第五日，范冰冰就表示係第四日轉咗飲石斛紅棗水，感覺可以更加補充體力同「補氣」，佢話「感覺身體非常輕盈」，又指工作期間都神清氣爽﹐精神亦都唔錯，又提及減肥非常因人而異，呢個方法係好耐前就循序漸進咁用，一開始都係斷食一兩日，到依家先「辟穀」咁耐。佢又透露因為最近覺得自己水腫，身體有負擔，所以先「辟穀」。

Photo from 范冰冰抖音

到第七日佢再次分享自己已經瘦咗6公斤，不過就話行太多後面有啲心悸，但佢對呢個成果表示好滿意，並且話黎緊會開始食返野，因為「辟穀」咗好耐食返野會有唔適應嘅情況，所以要由流質食物慢慢開始食。

Photo from 范冰冰抖音

雖然范冰冰每次都強調自己係為工作而減肥，呢個方法係根據自己體質同能力制定，又勸網友唔好刻意模仿，要量力而為，但都仍然有唔少批評。有網民話范冰冰係第五日已經睇落有氣無力，到第七日明顯比第一日講野細聲無力，並指呢種減肥方法唔健康，體重容易反彈同甩頭髮。有人就見到唔少人跟風打卡，驚呢種極端減肥方法會帶起壞風氣，呼籲大家循序漸進咁用運動減肥。不過亦有唔少人讚范冰冰真係非常有毅力，令人佩服。