歐遊5大防盜注意事項！多人行都會中招！買完奢侈品可以咁做！

By Wing Ws on 24 Apr 2023

Digital Content Writer

隨住各地開始復常，唔少人都趁機出國旅行，不過外國人生路不熟，就算同親友一齊出門都可能會出現意外，以下為大家編選咗歐遊注意事項，畀大家旅行前參考一吓～

Photo from 《時尚惡女：庫伊拉》劇照

財不可外露

歐洲扒手猖獗，一唔小心就會失財物，所以最重要嘅係「財不可露眼」，盡量唔好喺人多嘅露出錢財，去到旅遊區可以將手袋、背包放喺身前；餐廳食飯亦要注意，可以將隨身物放喺身前，以免因顧住玩手機而被偷！同時，大家亦要避免帶冇拉鍊嘅袋出門，除咗坊間售賣嘅防盜包，腰包、掛頸包等都可以保護財物。亦可以用手機掛蠅、自備鎖等工具，以作進一步防護。

Photo from 《姐姐風采依舊》劇照

街頭騙案要留神

除咗扒手，旅行都難免會遇上街頭騙案，天下冇免費嘅午餐，大家最好唔好請路人幫手影相，以免被偷手機或事後被索取攝影費，另外，呢類騙案層出不窮，會有騙徒以義賣、聯署收費，大家都可以事先搜尋當地嘅街頭騙案方式，以作準備。

Photo from 《漫漫長日》劇照

證件、錢財分開放

錢財係身外物，唔見錢事小，但萬一丟失證件就會好麻煩，大家最好將旅遊證件及錢財分開空間放，以將損失減少，或將護照放於酒店鎖起。另外，大家亦可以每日只帶預計花費嘅現金出門，以將損失減到最低。

Photo from 《流星》劇照

睇落要似當地人

去旅行難免會想着得靚啲，但事實上旅客好容易成為賊人目標，大家不妨參考吓當地人嘅穿衣風格，融入當地嘅同時，又可以更貼地感受當地交化，另外，有時唔熟路或會查地圖、問路，而因此暴露遊客身份，因此，大家可以事先查看地圖，做好旅行攻略。

Photo from 《原諒他77次》劇照

安全買奢侈品

唔少人去歐洲國家都會大買特買，不過招搖嘅名牌貨品都好容易被盯上！YouTube上有旅行達人建議，可以將購入嘅貨品放喺自備嘅IKEA袋或布袋中，以免將有品牌名嘅紙袋外露！

Photo from 《Emily in Paris》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

歐遊10日後與交往10年男友分手，港女提5宗罪：唔得就早日分手！

17 Feb 2023

唔少人都覺得同另一半旅行係一場考驗，日夜相對可以令感情升溫，亦有可能令關係毁於一旦。節目《晚吹-戀講嘢》日前（14日）邀請嘅女嘉賓，分享與交往10年男朋友去歐洲10日旅行嘅經歷，但男朋友嘅態度、行為令女朋友感到不滿﹐甚至令兩人旅行返港後要分手收場。

Photo from ViuTV

曾參加《尾二一屆口罩小姐》嘅Cyndi，日前於節目《晚吹-戀講嘢》上談及與交往10年嘅前男友到歐洲參與共同朋友婚禮嘅經歷，但最終一個旅程令十年關係告吹，當中，Cyndi指出不滿男朋友嘅5件事。

Photo from 《原諒他77次》劇照

1.有問題就推女友出嚟

Cyndi指，男朋友大7年﹐平時係大男人性格，因此旅行時會期望可以依賴另一半，但男朋友搵路、問路、問店員、plan行程等全部推畀女朋友處理。

Photo from 《無法成為野獸的我們》劇照

2.plan行程無參與，去到諸多不滿

男朋友未有參與plan行程，但去到目的地後卻諸多不滿，Cyndi指：「去英國其實都係睇吓白金漢宮、去教堂、睇博物館、食吓tea咁樣，但佢（男朋友）係呢樣又唔好、嗰樣又唔好」，亦未有畀建議。原本想通過旅行製造美好回憶，但由plan行程及其他籌備過程都未有對方參與，令Cyndi自覺缺少旅行嘅樂趣。

Photo from 《春嬌與志明》劇照

3.未有嘗試投入，超掃興

Cyndi認為去旅行最重要係投入及享受旅程中，但男朋友就連朋友婚禮上嘅小遊戲，甚至跳舞亦未有參與，「男女老友由8歲到80歲都跳舞，佢（男朋友）同個阿婆孤零零咁企喺側邊」，都冇去跳舞。雖然男朋友喺香港都唔係積極參與活動嘅人，但Cyndi認為：「去外地旅遊可以放開啲自己去體驗人生、生活。」

Photo from 《想見你》劇照

4.唔關心對方

交往10年嘅男朋友平時係一個尚算細心嘅人，但到外地旅遊期間，男朋友似乎有啲忽略對方感受。Cyndi指，歐洲入夜後天氣轉涼，因未帶夠衫，兩人準備回酒店時：「去到地鐵站口，佢（男朋友）明知我好凍，但佢都要煲枝煙先，我就咁要企喺側邊等佢。」未有關心女朋友。

Photo from 《愛情的溫度》劇照

5.為慳幾蚊，堅持用現金

唔少人去歐洲名店購物會選擇以信用卡付款，但為避免支付外幣手續費，Cyndi指男朋友堅持以現金付款，以致最後一日喺法國兩人見到想買嘅物品時，因唔收信用卡兼身上用晒現金，導致心頭好未能入手。

Photo from 《愛回家》劇照

種種不滿累積，到旅程最後對話亦變少，Cyndi因工作原因提早離開，返到香港後兩人更冇聲氣，關係亦變得冷淡，最終分手收場。Cyndi感悟指：「始終咁多年感情，你以為自己好了解呢個人，覺得好多缺點我都接受咗，但旅行嘅時候真係會放大咗成件事」、「去到『柴米油鹽』見真章嘅時候係唔得嘅話，就勸大家早日放手。」