download HolidaySmart 假期日常 app
文詠珊搭地鐵全身價值近10萬！嫁豪門成少奶奶仍落手落腳做家務！

文詠珊搭地鐵全身價值近10萬！嫁豪門成少奶奶仍落手落腳做家務！

娛樂新聞
By Wing Ws on 26 Apr 2023
Digital Content Writer

現年34歲嘅文詠珊數年前嫁富二代老公，成豪門少奶奶，不時於抖音分享生活嘅佢，雖然家務事仍要親力親為，但近日有網民影到佢搭地鐵嘅畫面，仲發現佢身上嘅衣物加埋都接近10萬，盡顯身價！

現年34歲嘅文詠珊數年前嫁富二代老公，成豪門少奶奶。Photo from 文詠珊 微博

被封為「?模始祖」、現年34歲嘅文詠珊（Janice），於2019年嫁富二代老公吳啟楠，成豪門少奶奶。婚後嘅Janice主力於內地發展，過去曾拍攝多部電視劇及電影，成功開拓內地市場。另外，Janice亦不時於社交平台上展示分享生活。雖然嫁入豪門，但Janice都係會落手落腳做家務，自己煮飯、洗衫，似乎同大家印象中嘅豪門太太有所出入。

Janice會落手落腳做家務。Photo from 文詠珊 抖音

親自掛衫。Photo from 文詠珊 抖音

近日，有網民影到Janice現身地鐵站，指：「文詠珊走錯航站樓，無奈只能坐地鐵趕飛機」，見到影片中嘅Janice拖行李箱拍卡入站，更迫入人多嘅地鐵車廂。唔少網民留言讚Janice靚女，但亦有人關注Janice嘅一身衣着，指其一身名牌加埋接近10萬！

有網民影到Janice現身地鐵站。Photo from 微博

Janice拖行李箱拍卡入站。Photo from 微博

網民關注Janice嘅一身衣着。Photo from 微博

據指Janice嘅衣着接近10萬。Photo from 微博

好親切咁回應！Photo from 微博

據有關品牌嘅官網顯示，Janice身上嘅Gucci牛仔外套價值$22300，同為Gucci嘅小型側肩包價值$24000，至於LV自訂行李箱則售價$30000，再加埋Gucci運動鞋及其他衣服、飾物，全身衣物總價分分鐘超過10萬！

Janice身上嘅Gucci牛仔外套價值$22300。Photo from Gucci 官網

Gucci嘅小型側肩包價值$24000。Photo from Gucci 官網

LV自訂行李箱則售價$30000。Photo from LV 官網

另外，亦有留言認為Janice唔同咗樣，比起數年前嘅相，塊面似乎圓咗！

Janice兩年前分享嘅相。Photo from 文詠珊 微博

Janice（右）嘅出道相。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

高鈞賢晒香港豪宅被質疑造假？內地網民一眼睇出係富貴女友屋企？！

26 Apr 2023

「香港先生」高鈞賢近年回巢拍劇，亦密密更新小紅書同內地fans交流，最近佢就分享Roomtour，大晒屋企內部裝修，唔少網友感歎佢屋企環境好。但有眼利網民就發現高鈞賢公開嘅唔係香港嘅家，反而係女友廣州嘅屋企？！

「香港先生」高鈞賢近年回巢拍劇，亦密密更新小紅書同內地fans交流Photo from 高鈞賢小紅書

高鈞賢曾返內地發展，不過近年回流香港工作，都參演咗唔少TVB劇集，演技受到好評。不過佢無忘記內地fans，經常都喺小紅書分享生活，近日佢就罕有大晒屋企，高鈞賢分享「Roomtour 歡迎光臨兩貓一人TVB演員的家」嘅短片，公開家中裝修。

高鈞賢分享「Roomtour 歡迎光臨兩貓一人TVB演員的家」嘅短片，公開家中裝修。Photo from 高鈞賢小紅書

首先客廳擺放一個巨型嘅KAWS figure，梳化背後亦有好多擺設，包括BE@RBRICK等，客廳地氈上放咗一個雲石茶几。電視櫃則擺咗好多書、陶瓷擺設，仲有一個投影布幕。

客廳擺放一個巨型嘅KAWS figurePhoto from 高鈞賢小紅書

梳化背後亦有好多擺設，包括BE@RBRICKPhoto from 高鈞賢小紅書

電視櫃則擺咗好多書同一個投影布幕Photo from 高鈞賢小紅書

似乎平時都有飲開茶～Photo from 高鈞賢小紅書

廚房以淺色系為主，高鈞賢表示自己好中意煲湯飲，平時喺屋企都會招待朋友上嚟食飯。高鈞賢指家中有4間房，其中3間都被佢買嘅衫塞滿晒，佢亦公開自己嘅衣帽間，並以透明箱裝住佢嘅鞋。

廚房以淺色系為主，高鈞賢表示自己好中意煲湯飲，平時喺屋企都會招待朋友上嚟食飯。Photo from 高鈞賢小紅書

高鈞賢指家中有4間房，其中3間都被佢買嘅衫塞滿晒Photo from 高鈞賢小紅書

佢亦公開自己嘅衣帽間Photo from 高鈞賢小紅書

高鈞賢都有唔少鞋Photo from 高鈞賢小紅書

高鈞賢嘅Roomtour影片公開後引嚟唔少網友留言，有網友感歎佢屋企喺香港嚟講算大：「這香港算很大咯」，不過就有眼利網民發現高鈞賢晒出嘅家應該唔係香港，因為客應嘅冷氣牌子係內地品牌，加上影片中曾影到家中嘅插座明顯係內地嘅兩腳同三腳插座。

高鈞賢嘅Roomtour影片公開後引嚟唔少網友留言，有網友感歎佢屋企喺香港嚟講算大Photo from 高鈞賢小紅書

影片中曾影到家中嘅插座明顯係內地嘅兩腳同三腳插座。Photo from 高鈞賢小紅書

有網友稱高鈞賢從未講過呢個係佢香港嘅家，不過高鈞賢喺標題就用咗香港區旗，又tag咗「#香港生活」、「#香港購物」，因此亦引起部分網友誤會。有網友更指出高鈞賢嘅家應該係佢女朋友於廣州嘅屋企，根本就唔係香港，亦有住喺廣州嘅網友指高鈞賢公開嘅屋企結構同佢屋企差唔多。

有網友稱高鈞賢從未講過呢個係佢香港嘅家，不過高鈞賢喺標題就用咗香港區旗，又tag咗「#香港生活」、「#香港購物」Photo from 高鈞賢小紅書

有網友更指出高鈞賢嘅家應該係佢女朋友於廣州嘅屋企Photo from 高鈞賢小紅書

同廣州樓盤好似？Photo from 高鈞賢小紅書

高鈞賢曾與落選港姐吳玥彤傳出緋聞，當時高鈞賢承認與對方互有好感，但考慮到自己經常要飛內地工作，決定同對方維持朋友關係。吳玥彤係「億萬千金」，父母喺內地做生意，家住淺水灣過億獨立屋，佢亦不時喺社交網站晒出各種名牌袋。

高鈞賢曾與落選港姐吳玥彤傳出緋聞Photo from 吳玥彤 IG

當時高鈞賢承認與對方互有好感，但考慮到自己經常要飛內地工作，決定同對方維持朋友關係Photo from 吳玥彤 IG

吳玥彤係「億萬千金」，父母喺內地做生意，家住淺水灣過億獨立屋Photo from 吳玥彤 IG

吳玥彤不時喺社交網站晒出各種名牌袋。Photo from 吳玥彤 IG

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

文詠珊娛樂新聞