洪欣宣布與張丹峰離婚！三度發帖直指被人del post！疑小三高調發言？

By Wing Ws on 01 May 2023

Digital Content Writer

52歲藝人洪欣與內地藝人張丹峰今日凌晨宣布離婚，洪欣更直指有人刪除自己嘅帖文，而曾與張丹峰傅出緋聞嘅前經理人畢瀅都有就事件作出回應，因此引起熱議，更有人挖出兩公婆4日前一同直播帶貨嘅情景，表示兩人零互動，氣氛尷尬。

Photo from 微博

雙方發文證實離婚

現年52歲嘅藝人洪欣於2009年與小10歲嘅內地藝人張丹峰結婚，結婚14年，兩人育有一女。但今日（1日）凌晨，洪欣突然於社交平台上發文tag張丹峰指：「我和@張丹峰不再是夫妻關係」，其後一小時，張丹峰亦發文tag洪欣：「對，不過了」，似乎雙方都證實咗離婚一事。

Photo from 微博

洪欣被人del post？

不過，當中發生咗一件小插曲，據知，洪欣由凌晨2點起，三度發帖宣告離婚，有網民詢問原由，洪欣轉發指：「某人一直刪除我微博」，似乎係意指與張丹峰有關。因此有網民於張丹峰帖文下留言質問：「所以是刪不過來了才回應的嗎」，張丹峰留言回應：「你哪只（隻）眼睛看到我刪了」，非常火爆。另有人質疑洪欣提到嘅「某人」係指曾與張丹峰傅出緋聞嘅前經理人畢瀅。

Photo from 微博

Photo from 張丹峰微博

經理人畢瀅發聲被斥小三

但更網民意外嘅係，有網民發現畢瀅原來都有就兩人離婚一事作出回應，仲tag埋洪欣同張丹峰，表示：「兩位老師，吵架歸吵架別拿離婚開玩笑，這麼發展我真是說不清了」，唔少網民紛紛留言嘲諷：「第一次見發離婚有3個人在場」、「這是我見過最囂張的3了」、「你這小三戲真多」。

Photo from 畢瀅微博

Photo from 微博

男方被指與經理人出軌

事實上，洪欣同張丹峰呢段歲數相隔10年嘅婚姻一直不被看好，2018年，張丹峰被指出軌經理人畢瀅，畢瀅甚至着睡袍走出房間，事件越搞越大，而張丹峰事後澄清，而畢瀅亦否認及辭職，太太洪欣則表示撐老公。不過，去年12月，畢瀅卻被爆出私下為張丹峰接job，去外地工作時仲瞓埋同一間房，當時，張丹峰強調兩人只係合作關係。

Photo from 微博

4日前一同直播氣氛尷尬

同時，洪欣同張丹峰4日前一同直播帶貨，不過當時兩人氣氛尷尬，洪欣多次想與張丹峰互動，但張丹峰卻無視對方，甚至背對太太、屢次打斷對方說話，表現引起網民不滿。

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

洪欣被好姐妹蔡少芬大爆情史豐富?! 情路坎坷過往戀愛史再成焦點

23 Aug 2021

現時50歲嘅洪欣最近就出演內地節目《請吃飯的姐姐》，同圈中好閨蜜蔡少芬、朱茵、陳法蓉一齊拍攝。近日，4人就於節目中大方提及過往戀情，而蔡少芬仲大爆洪欣係「拍拖怪」，令洪欣昔日嘅戀愛史再一次成為網民焦點！

Photo from 《請吃飯的姐姐》微博

洪欣憑出眾嘅氣質及樣貌而人氣急升，再加上於1993年同黎明拍攝TVB劇集《原振俠》而聲名大噪，成為其中一位香港90年代當紅花旦！最近，佢就同好姐妹蔡少芬、朱茵、陳法蓉一齊拍攝內地節目《請吃飯的姐姐》，大晒姐妹情～

Photo from 《原振俠》

Photo from 《請吃飯的姐姐》

佢哋4人嘅感情真係十分好，於節目中無所不談，喺最新一集佢哋仲竟然開始互爆大家嘅戀愛史。蔡少芬就表示洪欣係「拍拖怪」，係需要不停戀愛嘅人，而3位好姐妹都一致認同洪欣係佢哋當中戀愛經驗最豐富嘅一位！而洪欣就話初戀係18歲，不過當被問到拍拖次數時，就直言自己比較冇記性，唔太記得。

Photo from 《請吃飯的姐姐》

節目播出後，洪欣嘅戀愛史就成為咗網民嘅焦點之一，唔少網民就翻查出洪欣入行以來嘅情史！當年，洪欣簽咗劉鑾雄（大劉）嘅娛樂公司後，事業資源同發展的確比以前更加好，不過亦因此而被網民懷疑佢同大劉之間嘅關係。而網上就曾經流傳過一段疑似係李嘉欣同大劉嘅電話通話紀錄，當中女方就好嬲咁話「我真係恭喜你啊，簽咗洪欣，快啲捧紅佢啦！」