姜濤生日迫爆銅鑼灣震撼內地網民！一反常態激讚：終於知道為甚麼能成為頂流
姜濤4月30號生日，姜糖一如以往將銅鑼灣打造成「姜濤灣」，當日大批fans到姜濤灣為偶像慶祝，情況相當震撼。適逢五一黃金週，唔少內地遊客見到姜濤誕盛況都大為吃驚，以往常笑指姜濤「紅不過羅湖」嘅內地遊客更一反常態力撐姜濤？！
Photo from ViuTV
姜濤以《全民造星》第一名身份出道，一直都被視為MIRROR成員嘅「人氣王」，每年佢生日，姜糖都會喺準備一連串生日應援活動，包括喺銅鑼灣包下廣告牌為偶像慶祝，連日本女優浜崎真緒來港都有打卡。
Photo from 姜濤IG
Photo from 浜崎真緒 IG
今年姜濤香港後援喺尖沙咀及銅鑼灣2個商場舉辦姜B生日應援活動，設置不同主題的慶生裝置供fans打卡，另外又喺姜濤誕當日於沙田科學園舉辦「姜濤生日慈善步行2023（Keung To Charity Walk 2023）」為姜B慶祝同時仲做埋善事。
Photo from 姜濤香港後援會
Photo from ViuTV
Photo from 姜濤IG
同去年一樣，後援會繼續與香港電車合作於4月30日姜濤生日當天包起全線電車，全港市民都可無限次免費任搭叮叮！當日更有兩架「23+1姜濤號」電車出動，經過「姜濤灣」。
Photo from Hong Kong Tramways 香港電車
Photo from Hong Kong Tramways 香港電車
Photo from Hong Kong Tramways 香港電車
到姜濤24歲生日當日，大批fans到銅鑼灣為偶像慶祝生日，成個銅鑼灣人頭湧湧，幾千人為姜濤慶生嘅場面非常壯觀！適逢4月30日亦係「五一黃金週」，唔少內地旅客來港亦被「姜濤誕」嘅盛況所震撼。
Photo from ViuTV
Photo from 小紅書
Photo from 小紅書
Photo from 小紅書
Photo from 小紅書
「姜濤灣」更一度登上微博熱搜，不過之前姜濤亦曾多次登上微博熱搜，當時佢被內地網民稱為「香港頂流」，「頂流」係內地網絡流行詞「頂級流量」嘅意思，內地網民多用嚟形容人氣極高，一舉一動亦會引起話題嘅藝人。
Photo from 姜濤IG
Photo from 小紅書
以往內地網友提起「香港頂流」姜濤用詞都十分mean，更直指唔明佢點解咁紅，甚至直言：「紅不過羅湖。」今次姜濤生日，小紅書卻有好多內地網民表示：「終於知道為甚麼能成為頂流」，態度180度大轉變！原來係因為姜濤生日當日可以免費任搭電車！唔少內地遊客亦受惠，直呼：「多謝姜濤！」更表示如果下次後援會包港鐵，佢都會支持姜濤咁話。
Photo from 姜濤IG
Photo from 小紅書
Photo from 小紅書
Photo from 小紅書
Photo from 小紅書
Photo from 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
10位男明星童年照曝光！梁朝偉/吳卓羲零走樣！姜濤/陳智燊肥仔潛力股
25 Nov 2022
有唔少男藝人都曾經喺IG公開過自己童年照，有啲完全無變過，有啲細個係潛力股，絕對係「男大18變」！即刻圈中男明星小時侯係點樣！
#姜濤
姜B人氣超高！可能大家都有睇過姜濤少年時200磅嘅重量級照片。其實佢細個都瘦底，眼大大幾cute，神態仲有啲「小大人」feel～
#黃宗澤
Bosco原來都曾經係一名胖乎乎嘅男生，嗰陣佢12歲。童年時澤囝剪過平頭，笑容非常燦爛，到17歲佢同依家無分別，keep得好好。
#吳卓羲
Bosco好兄弟吳卓羲畢業照眼睛超大，感覺係個成績好好嘅高材生。原來吳卓羲細細個已經有晒輪廓，基本上無乜變化。
#袁偉豪
袁偉豪其實經常會喺IG post出童年照同網民分享，連手抱BB時期嘅相都有，好可愛。同妹妹合照嗰張眉眼間已有今日嘅影子，少少baby fat，家庭照好溫馨～
#周柏豪
周柏豪原來細細個雙眼係咁水汪汪！睇落超無辜，另一張相佢手插褲袋，年紀輕輕已好識得擺pose。
#陳展鵬
視帝陳展鵬最近於歌壇復出，佢細個皮膚黝黑，但著起西裝都非常醒神！加上自信嘅笑容，好鬼cute！
#胡鴻鈞
胡鴻鈞喺IG公開過小學相，戴咗圓框眼鏡之後唔係好認得佢。到佢中學其實已無咩點變樣，拎住羽毛球拍好青春！
#蕭正楠
蕭正楠細個都好腳長，唔知係咪陽光太勁所以瞇埋咗眼。另一張佢眼睛都係瞇埋，髮型係當年相當流行嘅六四分界。
#陳智燊
陳智燊原來細個都係潛力股！佢戴圓型無框眼鏡，笑容腼腆，老婆宋熙年話好想攬喎！
#梁朝偉
憂鬱氣質係男神朝偉嘅標誌，其實佢細個都好開朗！劉嘉玲曾公開過朝偉嘅童年照，朝偉剪咗超短瀏海，超級可愛呀！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
