中年好聲音｜71歲吳大強解釋因太焗暈倒，翌日帶狗散步，隔電話獻唱情歌

By Wing Ws on 09 May 2023

Digital Content Writer

TVB歌唱節目《中年好聲音》嘅參賽者吳大強日前出席公開活動時暈倒，狀況引起外界擔心，昨晚《東張西望》記者致電詢問有關情況。

Photo from 東張+ YouTube

TVB歌唱節目《中年好聲音》參賽者、現年71歲吳大強，日前（7日）於將軍澳出席《中年好聲音》演唱會加場發佈會時，喺訪問影相期間突然倒下，後腦着地、半邊面瞓落台底，在場嘅所有人都非常緊張，紛紛上前，聽到有人嗌：「做乜事呀阿叔，唔好嚇我呀！」。據知，吳大強暈倒約20秒後恢復意識，由工作人員攙扶下返回休息室並送院，其後留院觀察3小時，由兒子吳偉豪陪同下出院。

Photo from 東張+ YouTube

休息一晚後，《東張西望》記者致電詢問情況，吳大強表示：「身體ok呀，而家睇緊電視，都做咗好詳細嘅檢查，everything ok，醫生睇過，都唔使縫針，冇大礙，只係擦到啲皮外傷，少少痛咁啦」，又感謝外界嘅支持：「好多人為我打氣，為我祝福，我真係非常之多謝。」

Photo from 東張+ YouTube

有傳吳大強感冒未清，太過疲勞，導致暈倒，吳大強回應指：「呢幾日大致都好返晒，都係好幾個禮拜嘅感冒，暈低之前身體都好好，咩都冇問題，都係因為現場太焗嘅原因，其他同事、參賽者都有咁嘅感覺，好似好多、工作好密，實在就我都好relax，今日晏晝會有個排練，雖然身體可以，但都係唔好啦，休息埋今日先啦！」

Photo from 東張+ YouTube

另外，吳大強公開自己放狗散步嘅影片，唔少街坊都向佢問候，吳大強道謝兼揮手回應：「冇嘢！」睇嚟身體恢復得好快！

Photo from 東張+ YouTube

雖然仲休息緊，但吳大強都隔住電話獻唱《人鬼情未了》嘅主題曲，聽到記者都好冧！

Photo from 東張+ YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

中年好聲音｜周吉佩為追夢放棄穩定收入終冠，網民瘋狂留言嘲造馬戥李佳唔抵

24 Apr 2023

TVB播出接近半年的《中年好聲音》日前終於舉行總決賽，總決賽由最後六強進行大對決，六強包括吳大強、龍婷、李佳、羅啟豪、顏志恒及周吉佩，最後由37歲的周吉佩（吉吉）奪得總冠軍、亞軍為李佳、季軍為羅啟豪，歷時半年的比賽終於都完滿結束。但原來網民認為比賽結果不公平，認為周吉佩只是贏年青跟有後台撐腰，替大熱的亞軍李佳不值。

Photo from 《中年好聲音》截圖

從小對音樂熱誠

周吉佩中學開始已經參加歌唱比賽，對音樂一直有濃厚的興趣，到2005年跟朋友組成樂隊Space擔任主音及結他手，其後參加有線電視線動真音樂全港歌唱大賽取得亞軍，與有線電視旗下公司驕陽星藝館簽約成為歌手並於2008年推出個人EP 「Getting Start」，可惜其後唱片公司結業令他的音樂夢碎，之後一直於傳媒機構工作，到2015年將樂隊Space改名為sp'ACE加入Neway Star星娛樂公司，2019更於旺角麥花臣球場舉辦sp'ACE《Our Gravity》香港演唱會，到2020年sp'ACE樂隊正式解散。

Photo from katchau86@IG

李佳出身音樂世家

至於亞軍的李佳出生於上海，父母以唱京劇為主，從小就被訓練得良好的音樂天份，十幾歲時開始參加歌唱比賽，由於歌藝出眾更在上海當過一段時間的歌手，後來定居英國跟丈夫結婚，但因為渴望可以再踏舞台，於是16年11月丈夫支持下舉家移民回港。第二年更參加了3個歌唱比賽，結果奪得兩個總冠軍及一個亞軍，更獲業界歌唱導師的肯定，推薦成為歌唱導師，從此以教唱歌為生。

Photo from seesawsin@IG

Photo from mirandalee1978@IG

網民反應一面倒指TVB造馬

對於周吉佩奪得冠軍，有網民們就於公布賽果的專頁上瘋狂留言指認為TVB造馬，又指周吉佩唱歌走音忘記歌詞為何可以奪冠，更指對賽果非常失望，又認為李佳唱得比任何人都好，有網民直言「最無觀眾緣，最差的攞冠軍，浪費了我半年時間，真心嬲，太不公平」、「造馬一直係cctvb嘅強項，敢認第三，第二第一都冇人敢認」、「第一季就做馬到咁，唔會再睇第二季，李佳會差過隻吉？」但亦有持平的網民認為，「獎項應該頒比最需要嘅人，李佳早已經有事業，而龍婷一早已經揚名，英國豪玩票性質，周吉佩奮鬥多年，係最需要」、「周吉平時表現認真麻麻,不過無可否認今晚佢表現係超乎平時水準嘅,班評判畀分標準除咗基于參賽者嘅歌藝同埋當時表演是否特出之外,仲要考慮埋佢形像可以去到幾遠」。